نصائح للناخب العماري

السلام عليكم ورحمة الله وبركاته ، عزيزي الناخب يارب تكون بخير وكل انتخابات وانت طيب . المهم سيادتك هتروح تعطي صوتك لمن يستحقه من وجهة نظرك ، طيب خد بالك من التالي :

** واجب عليك لو لقيت مرشح بيتهك القانون وبيعمل دعاية له سواء كانت ملصقات او عربية بتلف وتذيع او ايا كانت شكل الدعايا قبل الانتخابات بيومين يعني يوم الاحد والاتنين اللي قبل يوم الثلاثاء 3يناير تبــــــــــــــــــــــــــــلغ عنه فورا ولو لقيته بيعمل دعاية يوم الانتخاب ايا كان شكلها لازم تبــــــــــــــــــــلغ عنه .
** واجب عليك تحكيم عقلك قبل ما تختار وخد بالك من اختيارك هتسأل عنه وهتتحمل نتيجته .
** لازم تعرف ان قانون 56 الخاص بالانتخابات نص علي ان الناخب يجب ان يختار العدد المطلوب في الفردي يعني قانونا تقدر تختار 2 فقط في الفردي ايا كانت صفتهم .
** خد بالك من ابطال صوتك دون قصد من خلال اختيار اكثر او اقل مما هو مطلوب منك يعني لو اخترت اكتر من حزب في القايمة صوتك ياعزيزي باطل ولو اخترت اقل من اتنين في الفردي صوتك باطل ايضا ولو اخخترت اكثر من ثلالثة برده صوتك باطل .
** خد بالك من القاضي وبلاش تفتعل اي مشكلة معاه علشان لو عملت مشكلة معاه وعلي اثرها غادر اللجنة تبقي الاصوات اللي في اللجنة بتاعته يتم ابطالها .
** عزيزي الناخب الشاب تأكد من بلوغك سن 18 قبل 19 مارس 2011 ليكون لك صوتا .
** في صندوقين الاول مكتوب عليه صندوق الانتخاب بالدائرة بالنظام الفردي والثاني مكتوب عليه صندوق الانتخاب بالدائرة بالنظام القائمة لـــــــــــــــــــــــــــــــــــــــــــــــــــــــــــــــــو سيادتك اتلخبطت في وضع ورقة الفردي في صندوق القايمة وورقة القايمة في صندوق الفردي ده مش معنـــــــــــــــــتته ان صوتك باطل لا تقلق في الفرز بيتم تظبيط الورق وصوتك صحيح وهيروح لمرشحك .
** اختار خلف الستار وطبق ورقتك وضعها في الصندوق دون علم احد من رشحت واخترت .
** عزيزي الناخب لو شفت في الصندوق ورقة مفتوحة ومش مطبقة اعلم ان هذا الصندوق مزور وبلغ عنه فورا .
** عزيزي الناخب لا تنسي ان تنوي خيرا قبل خروجك من بيتك وتوكل علي الله وربنا يحفظ شباب واهالي العمار ويولي من يصلح .

هل اختيارى 2 فئات ميبطلش صوتى ؟؟

لا يبطل صوتك والقانون اللي بيقول ده، وصوتك بيبقي باطل لو اخترت واحد فقط او ثلاثة في الفردي ...

إيه الفكرة ما هو ممكن حد نسى يطبق ورقته وحطها مفتوحة ؟؟

الفكرة اني الصندوق له فاتحة لها معايير دولية يعني مقاس الفتحة هو هو واحد في كل الصناديق الانتخابية واستحالة ورقة تدخل الصندوق وهي مفتوحة لاني الفتحة صغيرة ولو ورقة غير مطبقة معناها ان الصندوق اتفتح واتزور...


بالنسبة للتبليغ عن أى مخالفة انتخابية من مرشح أو قاضى أو .. الخ

بيكون بسكل رسمى ولا عن طريق تليفون ولا إيه ؟

جاري التاكد للرد علي السؤال........

اعتقد إن بشكل واضح نقدر نختار اتنين فردي فئات ...أو اتنين فردي عمال ..وهذا لا يبطل الصوت

النظام المختلط بين القايمة والفردي ,,, فيه بند يتيح العوده للقائمة للإختيار منها مرشح أو آخر لترتيب نسبة العمال والفلاحين والتي كانت تجعل اختيار 2- فردي فئات يبطل الصوت ..لإنها تريد الحفاظ على نسبة 50% عمال وفلاحين بالمجلس .. وهذا والله اعلم

وبأوراق التصويت الخاصة بالمغتربي كان الأمر واضح وضوح الشمس .. ومن متابعتي للقانون الجديد لمجلس الشعب فهمت ما تم نقله بخصوص العودة للقائمة حال وجود الأصوات الفردية للفئات أعلى بحيث أن المقعديدن الفرديين أصبحا للفئات , سوف يتم النظر الى القائمة وما نتج عنها من صفات انتخابية .. واختيار أحد مرشحي العمال والفلاحين من نسبة الحزب التي اكتسبها ..لتكتمل نسبة العمال والفلاحين بالمجلس ... وربما أكون على صواب وربما أكون على خطأ ...

وسوف انقل لكم تعليمات اللجنة العليا للإنتخابات


- التصويت:

نفذ الخطوات التالية بسرية كاملة ودون أن تطلع أحدا على اختيارتك.
...
* قم باختيار أي مرشحين إثنين (2) من مرشحي الفردي (لا يشترط أن يكون
أحدهما فئات والآخر عمال/فلاحين، ولكن يمكن اختيار أي إثنين) ولا تقم
بإختيار أكثر أو أقل من اثنين من المرشحين وإلا أصبح الصوت باطلاً.
* قم باختيار قائمة واحدة من القوائم، وليس أكثر وإلا أصبح صوتك باطلاً.
* لا تستخدم قلم رصاص وضع علامة واضحة في المكان المخصص فقط.
* قم بوضع ورقتي الاقتراع (الفردي والقائمة) داخل مظروف الاقتراع وأحكم إغلاقه.
* قم بكتابة اسم دائرة الفردي واسم دائرة القائمة على مظروف الاقتراع من الخارج.