| انا مبسوووووط | |
|
+6حنين Mohamed Shorbgy A$Maa M0hi ورده بلادى دهب رؤية جديدة 10 مشترك |
كاتب الموضوع | رسالة |
---|
رؤية جديدة عماري متقدم
عدد الرسائل : 164 العمر : 38 المكان : النت الحالة : والله ماشيه الهواية : ............ تاريخ التسجيل : 28/04/2011 التـقــييــم : 0
| موضوع: انا مبسوووووط السبت 07 يناير 2012, 2:01 pm | |
| لو حاسس انك مش مبسوط اعمل اللى تحت ده و شوف النتيجة
اشتري علبة شوكولاتة مستوردة غالية و كلها.
...
بص على بنت حلوة و إعرف أنها لو عرفتك كويس أكيد هتحبك.
إلعب لعبة مالعبتهاش من و إنت صغير.
إعرق و إنهج و حس إنك عايش.
إطفي نور أودتك شغل التكييف إسمع أكثر مزيكا بتحبها و إسرح معاها.
بص لأهلك و عرفهم قد إيه بتحبهم.
بص للي تحتك و إعرف قيمة كل حاجة معاك.
بص للي فوقيك و إعرف إن رغبتك إنك تبقى زيهم هي اللي مدية طعم لحياتك.
إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..
روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..
في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.
إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.
إعرف إنك كائن مهم و في كل لحظة بتغير إتجاه التاريخ.
بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”
سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وحشه و إنه عارف إنك “مستقيم” –
بص لبنت مغرورة و إضحك من جواك.
بص لبنت وحشة و عاكسها بنظراتك و إعرف إنها هترجع البيت مبسوطة.
بدون سبب إبعت رسالة لأي حد بتحبه قوله حاجة حلوة.
إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.
إضربها جزمة.
خلى اللي يكره يكره و اللي يشتم يشتم وإعرف إنهم مضيعين وقتهم.
إتأكد إنك لو عارف إنك هتموت بكرة هتعمل نفس اللي بتعمله دلوقتي.
حب جامد قوي حتى لو حبك مش هيستمر لحد بليل.
كل أكلة حلوة قوي.. بس ماتخليهاش تشبعك.
إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.
ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.
بطل خمرة و مخدرات.. و إتعلم إزاي تستمتع بحتى أوحش الحاجات حوليك.
أكسب نفسك و حب حد بيكرهك.
إكسب نفسك ثاني و حب حد بتكرهه.
إكسب نفسك ثاني و إنسى حد لسه بتحبه من غير ما تكرهه.
إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.
إنزل شجع مع الزملكاوية لما يكسبوا.. حتى لو إنت مش زملكاوي.
إقرا الكلام ده من غير ماتعلق عليه و لو مش عاجبك بطل قراية.
شوف فيلم الكيف و ماتتفرجش على آخر ربع ساعة فيه.
إتفرج على الناظر من أول ما بيظهر محمد سعد.
لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..
إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.
جرب أكلة جديدة في مطعم فخم.. ثمنها يخرب بيتك.. و روح و إنت مبسوط.
شد مع عربية سيات.
إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.
إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.
إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.
إفتكر قبل ما تنام كل الكلام الحلو اللي سمعت الناس بتقوله عنك.
كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.
كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.
شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.
فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.
سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.
إستحمى في نص ساعة.. خلى المية تنزل على وشك و إسمع صوتها كويس.
جيب لنفسك هدية و إستنى لحد عيد ميلادك و إديها لنفسك.
جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.
إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.
إشرب مية كثير.
ماتغضبش مهما حصل.
أشكر كل الناس بسبب و من غير سبب.
لو حد إتريق عليك إضحك.. حتى لو من جواك بتضحك عليه.
لو حد شتمك حط ده في تانك البنزين بتاعك علشان يبقى طاقة تحركك لقدام.
لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.
لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.
بص لإمبارح.. و شوف إتعلمت منه قد إيه..
خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..
إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..
إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.
لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..
إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.
إتبسط.. و لو مش عايز تتبسط.. مش هتعرف تعكنن عليا.
اصل انا مبسوط مبسسسسسسسسسسسسسوووووووووووووووووووووووووووووووط
عمرو سلامه
| |
|
| |
دهب عماري محترف
عدد الرسائل : 2994 العمر : 36 المكان : العمار الحالة : الحمد لله تمام الهواية : القراءه تاريخ التسجيل : 25/04/2008 التـقــييــم : 74
| موضوع: رد: انا مبسوووووط السبت 07 يناير 2012, 9:09 pm | |
| لسه واكله شيكولاته
وحاسه إن المود إتعدل فعلا
| |
|
| |
ورده بلادى عماري أصيل
عدد الرسائل : 4320 العمر : 36 المكان : فوق تل اليــاسمين الحالة : لؤلؤة مغمورة الهواية : أحررنى بإستعاراتى تاريخ التسجيل : 29/11/2009 التـقــييــم : 9
| موضوع: رد: انا مبسوووووط السبت 07 يناير 2012, 10:30 pm | |
| المؤمن بشرة فى وجهة ..
ادام الله سعادتك ومنحنا اياها
| |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: انا مبسوووووط الأحد 08 يناير 2012, 3:18 pm | |
| - دهب كتب:
لسه واكله شيكولاته
وحاسه إن المود إتعدل فعلا
| |
|
| |
Mohamed Shorbgy مشرف منتدي التكنولوجيا
عدد الرسائل : 196 العمر : 31 المكان : 3amar Yabaldy الحالة : El7aMD Lellah الهواية : Games&Techno&Internet تاريخ التسجيل : 25/09/2011 التـقــييــم : 3
| موضوع: رد: انا مبسوووووط السبت 21 يناير 2012, 8:44 pm | |
| بص لأهلك و عرفهم قد إيه بتحبهم.
بص للي تحتك و إعرف قيمة كل حاجة معاك.
وبالنسبة للشيكولاتة انا مدمنها وبرودة من النوع الغالى
| |
|
| |
حنين عماري أصيل
عدد الرسائل : 10048 العمر : 35 المكان : بلدى العمار مين زيها .؟! الحالة : الحمد لله الهواية : الغلاسة تاريخ التسجيل : 11/05/2007 التـقــييــم : 12
| موضوع: رد: انا مبسوووووط السبت 21 يناير 2012, 9:46 pm | |
|
I have no comment for this topic except smiling
:)
| |
|
| |
a7med maher عماري محترف
عدد الرسائل : 3526 العمر : 32 المكان : العمار الحالة : مرتبط الهواية : ر تاريخ التسجيل : 02/08/2008 التـقــييــم : 5
| موضوع: رد: انا مبسوووووط الأحد 22 يناير 2012, 11:48 am | |
| | |
|
| |
KAREM مشرف عام
عدد الرسائل : 2607 العمر : 35 المكان : ستاد القاهره الحالة : سلـــــــــيم الهواية : كرة القدم.البنج بونج.الشعر.المسرح. تاريخ التسجيل : 02/04/2010 التـقــييــم : 6
| موضوع: رد: انا مبسوووووط الأحد 22 يناير 2012, 6:23 pm | |
| | |
|
| |
حمدى فتحى تهامى عماري أصيل
عدد الرسائل : 706 العمر : 40 المكان : ابو ظبي - الامارات الحالة : متزوج الهواية : ماتحاولش تبقى حد تانى غير نفسك؟؟؟؟؟؟؟؟؟؟ تاريخ التسجيل : 31/10/2008 التـقــييــم : 0
| موضوع: رد: انا مبسوووووط الإثنين 23 يناير 2012, 6:55 am | |
|
يااااااه كل الحاجت دى ده الواحد محتاج عمر تانى عشان يعملها بس عموما حاجات تدعو للانبساط والتفاؤل .
| |
|
| |
ايـــهاب رفعت عماري أصيل
عدد الرسائل : 1673 العمر : 39 المكان : ابوعجور الحالة : أحمد الله الهواية : تشجيع الأهلى تاريخ التسجيل : 26/11/2009 التـقــييــم : 2
| موضوع: رد: انا مبسوووووط السبت 20 أكتوبر 2012, 2:47 pm | |
| | |
|
| |
| انا مبسوووووط | |
|