طيـــر الســلام "خالد عبد الناصر"

يابلدى وانتى الطيبة

عايشين نرتل فيكى آيه

سماكى ربى الآمنة

وانتى اللى لينا كل غايه

قايدين شموع الفرح ماانتى

شاردة بالنور م البداية
..

ياطيبة وانتى الغاليه فينا

انتى الحرير ف شارع سفينة

وانتى الطبيب عايشة تداوينا

م الجرح نشفى وتبقى لينا
..
ياطير مرفرف بالســــــــلام ..انت الهـوا

انزل وشوق من غير كلام ..مين انكوا

مين انجرح من حلم كان شايل همومه!

مين انقهر من ذل عشش بين ظنونــه!

انزل وخفف ف الآلام

من حلم قاتل كالرصاص

طوق بريشك ع الحمام

لاجل انه يطلع للخلاص

انده بصوتك الادان

افرد جنــــاحك فوق هلال المـأذنه

هز جرس الكنايس

غرد بصوتك فوق صليب الأديرة

ازعق ياطير ف وشوش بتغزل هـــمنا

انفض بريشك ف عيون بترسم هدمنا

وياطير لاتنسى
.
.
اللى مات واسمو الشهيد

انزل ياطير قوله بدمك
..

ارتويت

ابكى ياطير قوله بإسمك

..

اتحميت

ارمى ياطير زهرة سلامك على مسكنة

بس اوعى تنسي !

انه كان زيك ياطير

عايش وشايل هم غيره

وما كان ضــريـــر

صحى احلامه اللى ماتت

لاجل مايفوق الضمير

إغزل الآمال ف توبها

ولأسمها حلق وطير

وياطير بريشك نحتمى

بس علينا انك ..تغير !

.......

خالد عبد الناصر

الله عليك يا خالد

نص جميل

متقدم

ينقصه فقط إعادة القراءة منك فبه اخطاء ركن ولغة ووضع علامات التشكيل على بعض الكلمات حتى تحمل المعنى المراد

تحياتي لك .. ,

الاستاذ احمد عبد العزيز شكرا لمرورك الكريم

ان شاء الله هاعيد القراءة واراجع القصيدة

» من غير ملامح *.خالد عبد الناصر.*
» هافـــــــضل أحبـــك يــابلـــدي.....خالد عبد الناصر
» تغطيه لحالة الشهيد خالد سعيد ...الجنازه ..واقوال الجيران ..وبراءة خالد
» كلمة فى تاريخ عبد الناصر حبيب المصرين
» الله يجازيك ياعم عبد الناصر ...الأبنودي