ورده بلادى
عماري أصيل
عدد الرسائل : 4320
العمر : 36
المكان : فوق تل اليــاسمين
الحالة : لؤلؤة مغمورة
الهواية : أحررنى بإستعاراتى
تاريخ التسجيل : 29/11/2009
التـقــييــم : 9
 |  موضوع: تخاريف دردشة  السبت 14 يناير 2012, 6:53 pm | |
|
خَدنى صوتى وقالى إسأل
ياصديقى..
ألاقى عندك جواب مفسر؟
هى السذاجة انك تفكر؟
ولا تخرس وتبقى أحسن؟
بصوت مكتوم صَرخ
كلامك بيوجع
ويصحى آة ماتعرف فرح
فى عنيك ياصحبى إجابتك
وان ماشوفتهاش
اسأل مِرايتك
أَضحك جبان
وأَخاف كمان
وأُقولة تصبح ليوم جِنان
يِروح ينام
واكتب انا شوية كلام
نقول كمان..
عصفور وطاير أسير عشه
شوق يجيبة وصوت يهشة
وف النهاية وحيد
رغم زحام الكون ووشة
نقووول كمان
أصاحب ناس
وف مولد ملوش صاحب
تتوه الناس
اخاف واجرى اروح لناس غيرهم
الاقى الناس بتنعى حظها مع غيرهم
ويمكن من الالم بتنام
ويمكن شوق واخدهم
ارجع على بابى حزين
وفى ايدى ذكريات
مرت شريط بهتان
واستنى ضوء الفجر
لجل مااشوف ربيع انسان
اتارى الفجر بيشخر
أصلة كان ليله سهران
يعد نجوم مالها عدد
وقمر مكشر بطول الليل
يواسيه حبيبه بحروف أسَف
لكنه صمم وغاب لبكره
على ميعادة هيعود بفكرة
تغيب الفكرة
وتبقى ذكرى
ونعيد السؤال؟
وإجابتة نقطة.
| |
|
