عاوزين نستأنف العمل

سلام عليكم ،،،،،، صباح الخير ،،،،، هاى ,,,, ازيكم

تحية بكل الاستايلات علشان توصل للكل

الحمد لله الانتخابات خلصت فاز من فاز وخسر من خسر

هارد لك للى خسروا ومن كل قلوبنا بنتمنى التوفيق للى كسبوا السباق ده

محدش يقدر ينكر إن الإنتخابات كانت مبهدلة الدنيا !! أيوووووووووووووووون مبهدلة الدنيا بمعنى الكلمة بقى

يعنى انقسامات وزعل والناس نفسيتها مكنتش رايقة نهاااااااائى

بس دلوقتى خلصت الانتخابات وراق الحال والدنيا بدأت ترجع أصفى وأهدى

ولو مش راضية ترجع إحنا نرجعها عادى مش هنغلب

القصة فى إننا لازم ناخد بالنا فى إن فيه ناس هما اللى بيبقوا متضررين أكتر مننا من الفرقة دى

وفيه ناس محتااااااااااجة تجمعنا جدا

عاوزين نبدأ نشتغل تانى ونرجع مشروعاتنا وخطواتنا للخير تانى

اللى هو الجانب الوحيد ف الحياة اللى مفهوش تيارات ولا معارض ومؤيد

عاوزين نبدأ ننزل للناس اللى محتاجة كل واى حاجة تانى نحسسهم

إن شباب العمار لسه زى ما هما مفيش حاجة ممكن تبعدهم عنهم ولسه صحبة فى الخير

عاوزين نرجع للناس ثقتهم فينا ونسترد ثقتنا بنفسنا ونبدأ مش من جديد لأ نبدأ ونكمل على ما قد تم

يمكن الأستاذ أحمد منصور كان قال فى رد ليه هنا عل المنتدى

إنه هيكون فى إجتماع للجمعية وأعضاءها لمناقشة نشاطتها فى الفترة

القادمة وتفعيل دور المنتدى كمان ،،،،،،،،،،

من هنا بقوله برافو وبوجه نظر الكل لمشروع ( إنسان ) اللى كنا طرحناه من فترة

المشروع ضخم وأهم نقطين فيه هما : متطوعين ذات حماس ووعى ،،، وتمويل

المتطوعين عندنا وبكثررررررررة الحمد لله ولو معندناش وعى كافى بالعمل الخيرى بالشكل اللى بيتطلبه المشروع

نعمل دورة للتوعية ونجيب الناس اللى عملته بالفعل وحققته تفهمنا ايه اللى بيتم عادى وسهلة اوى

أما نقطة التمويل فأنا عندى ثقة بالله إننا لو طرحنا الموضوع بشكل جدى هنلاقى كذا باب اتفتح قدامنا بس نبدأ

ده الرابط بتاع الفكرة للى عاوز يطلع على تفاصيلها ومكنش متابع معانا من الأول

[ندعوك للتسجيل في المنتدى أو التعريف بنفسك لمعاينة هذا الرابط]

أتمنى نلاقى صدى للفكرة دى ونبدأ ندرسها وننفذها هو مشروع كبير صحيح بس لو فيه إرادة مفيش حاجة صعبة

أنا قولت اللى عندى ومستنياكم بقى

مع بعض كلنا من تاني على بركة الله

إسلام كتب:: مع بعض كلنا من تاني على بركة الله

إن شاء الله أكيد يا أستاذ إسلام

يااااا صااااااالح الحااااااال يااااااااااااارب

منتظرين بقيتنا هما فين ؟

ليّا نصيب أرد هنا أول واحد كأول رد منذ فترة

ربنا يعزك وانا واحد من المشاركين

____

نتفق من هنا ورايح إن كل أخ أو أخت هايطرح مشروع يكون مسئول عنه مسئولية مباشرة وحتى النهاية

مع دعم كل من يوافق على الفكرة

____

وانا للمرة التانية معاكم بإذن الله فى أى مشروع نتفق عليه كلنا

إسلام كتب:: مع بعض كلنا من تاني على بركة الله

مش هاتبطل بقى الحركات دى بقى ياعم إسلام .. شفتنى كاتب انى أول رد نولهالى

يالا احذف ردك واكتب بعد ردى ماتكسفنيش مع أول دخلة كده

ايـــهاب رفعت كتب:: ليّا نصيب أرد هنا أول واحد كأول رد منذ فترة

ربنا يعزك وانا واحد من المشاركين

____

نتفق من هنا ورايح إن كل أخ أو أخت هايطرح مشروع يكون مسئول عنه مسئولية مباشرة وحتى النهاية

مع دعم كل من يوافق على الفكرة

____

وانا للمرة التانية معاكم بإذن الله فى أى مشروع نتفق عليه كلنا

ربنا يكرمك يا دكتور وحمد لله على السلامة ف المنتدى

والمشروع ده محتاج تكاتف لانه ضخم ومهم فعلاً بس مش مستحيل تنفيذه إن شاء الله

اقتباس :: مش هاتبطل بقى الحركات دى بقى ياعم إسلام .. شفتنى كاتب انى أول رد نولهالى

يالا احذف ردك واكتب بعد ردى ماتكسفنيش مع أول دخلة كده

ههههههههه ،،،،، متقلقش يا دكتور كل الردود هنا هتبقى بجد بمكانة أول رد

والحمد لله

ومنتظرين كل الناس وكل واحد أو واحدة يطرح اللى عنده ونشوف

أنا تحت أمرك يا هوبة بس حنين كمان ردت بعدي يعني انت في المركز التالت
ثم كمان يا أخي ده فرق 7 دقايق هو انت كنت بتألف كتاب و لا ايه بالظبط سيبك انت من الحركات دي فتحت تكتب الرد و بعد كده لاقيت حد رد على بوست ليك عالفيس بوك قمت رايح جري على هناك رديت عليه و شربت كوباية شاي و رجعت عملت هنا إرسال

ماشى ياعم إسلام انت حكيت السيناريو اللى حصل بالفعل

هههههههههههههههه

جزاكى الله خيرا يا أستاذه حنين
أكيد محدش يقدر يقول للخير لاء

.
.
.
.
بعيدا عن الموضوع

توقيعك هلكنى من الضحك

فخورة بيكى والله ،، معاكى باذن الله [ندعوك للتسجيل في المنتدى أو التعريف بنفسك لمعاينة هذه الصورة] ..

بالتوفيق فى المشروع

احنا كلنا هدفنا واحد اسعاد الغير و نراعى الله فى عملنا

وكلة فى ميزان حسناتنة وانا ان شاء الله معاكم

والله ولى التوفبق

مشروع جيد
ومشارك معاكم ان شاء الله
وانا ساتولى موضوع الدعاية وهعملوا بسعر التكلفة الفعلية
ومنتظر الجديد
بالتوفيق ان شاء الله

مشارك ان شاء الله وبالتوفيق

هنبدأ الشغل بالرحله ان شاء الله

» ايه العمل؟؟؟
» الاخلاص فى العمل
» حان وقت العمل ياشباب
» عاوزين؟
» عاوزين ؟؟