الدفع بكوادر شبابيه فى انتخابات المحليات القادمه

اولا محتاجين حملة توعية لأهالى الوحدة المحليه بدور المحليات وليه لازم ننتخب اعضاء المحليات وأزاى نستفيد منهم
ثانيا محتاجين كوادر شبابيه هدفها خدمة أهالى الوحدة المحليه دون أى ميول سياسية
من وجهة نظركم ممكن نحقق الهدفين دول أزاى ؟؟؟

أهم حاجة من وجهة نظرى انتخابات المحليات ومتقلش أهمية عن إنتخابات الرئاسة

محليات محترمة .. بدون فساد ولا محسوبيات ولا رشاوى

دا بجد اللى إحنا محتاجينه وقبل ما يكون .. محتاجين زى ما حضرتك بتقول حملة

توعية ضخمة للناس اللى نسيت يعنى إيه مجلس محلى وايه الفرق بينه وبين الوحدة المحلية

ودا دوره رقابى ولا خدمى ولا العكس دى كلها مفاهيم ضايعة عند كتير

بسبب 30 سنة فيهم دور المحليات كان معدوم وروتينى ومكتب وجرنال وكوباية شاى

..

الاليات : أعتقد التوعية الافضل أنها تتم على مراحل مش مرحلة واحدة

الاول نبدأ بالعمار يتم طبع ورق توضيحى وإرشادى للناس على شكل سلسلة توزع كل جمعة

على المساجد ، المحلات ، .. الخ

ممكن حملات توعية يحتضنها مركز الشباب وأهو منه تفعيل لاحد أدواره

ويتم عقد ندوات توعية ، كمان لو كل واحد إهتم بأنه يعرف أهل بيته وجيرانه

يعنى إيه محليات ودورها وضرورة المشاركة فيها دا يبقى شىء كويس جدا

دا بالنسبة للتوعية ومقترحى فيها ليا عودة حول ترشح الكوادر الشبابية

ودا بقى اللى لو محصلش يبقى أكيد الثورة لسه بالسلامة موصلتش .. !!

طيب ياريت نحاول ننقل الفكرة لأرض الواقع ونختار كوادر تخدم البلد بجد مش زى اللى فات كل واحد يخدلو عمودين كهرباء للأرض عندة ويجامل كل قرايبه وفى عزب كاملة مفيش فيها لمبه كهرباء ولا شوية ميه ومحرومين من كل الخدمات وكأنهم فى بلد مش على الخريطه
ياريت نحدد ميعاد للشباب وكل واحد يقترح عدد اشخاص من وجه نظرة ونشوف الأصلح وكلنا ندعمه
ونشوف حملات التوعية وننفذها وأنا معاكم فى أى شيئ لصالح البلد

الموضوع جمييييييل جدا

ولو كل واحد فى قريه من قري مصر طرح نفس الموضوع واختارنا ناس بجد على قدر كاف من المسؤليه انها تخدم البلد دى بجد

مصر مش هتحتاج ناس تقف فى التحرير

ياريت بجد القائمه بتاع الوحده المحليه بالكامل

تتغير ويدخل مكانها وجوه جديده وجوه عاوزه تخدم بجد وجوه ضميرها صاحى

انا لا هعيب فى الناس اللى كانت موجوده قبل كدا ولا هقول فى مميزاتهم انا عمتا معرفشي هما مين اصلا

هما مشيوا بحلاوتهم بوحاشتهم مشيوا

من غير ما نقول كهرباء ومياه وغيرها كتير هما مشيوا وخلااص وشكرا ليهم وكل اللى عملوه هيتسالوه عليه يوم القيامه ان شاء الله

اذا كان وحش يبقا جهنم وبئس المصير واذا كان حلو يبقا الله اعلم

المهم ياريت بجد نختار ناس هتخدم البلد كلها ناس نضيفه وفاهمه وواعيه ومدركه انها فى مكانها دا مش اقل من مكان رئيس

الجمهوريه وانه فى مكانه مسؤل

ياريت بجد اتمنى انه يكونوا عناصر شبابيه عندها ضمير

» دعوة الي شباب العمار لتشكيل لجنة شعبية للرقابة علي المحليات
» أمثال شبابيه جدا
» احذيه شبابيه.
» بدل شبابيه فظيعه .
» جواكت شبابيه ..روعه.