اضحك أنس

موضوع: اضحك أنس الأحد 26 فبراير 2012, 8:26 am

أضحك أنس ,,,
الضحكة راح تفضل معاك هيا الونس
وانت الصغير والكبير
وانت اللي قلبك زي طير
ولا عمره يرضى يكون أسير
ولا مره شابه فى يوم دنس
اضحك أنس ..
أضحك كمان ,, بكّي القلوب
بكّي الحناجر اللي ساد فيها الخرس
إضحك أنس ..
..
اضحك في قبرك واحيي كل المشتاقين
أضحك لكل العابرين
للموت على ايد السيفين
والنسر وصنوف الوهن
أضحك كتير ,, والضحكة دين
حافظ دليل, والخلق تايها ومغرمين
دايرين عشان في حد تاه اسمه الوطن
اضحك فى وش امك وابوك
روح قولهم ليه خلفوك؟!
وقبل ما تشوف حزنهم إضحكلهم
إشرحلهم إن الحكاية تختصر
إن الشهادة قلبها برضه اتعصر
وان الملايكة بنفسها
كانت معاك وقت الهتاف
وانت اللي قلبك لسه غض
لكنه عمره في يوم ما خاف
واللي حضر
علشان ما يطلب روحك الطاهره بكى
شاف ابتسامتك بل كفنك م الُبكا
أهل السما بس اختاروك
من بعد إذن امك وابوك
كل الصبايا يا أنس صابهم ذهول
ان الحوريات في السما من ألف حول
بعتوا عشانك كام نبي
وعشان عيونك ارسلولك كام رسول
طالبين قدومك يا أنس وبيعشقوك
هيلاقوا فين زيك بطل
ويلاقو فين زيك ضحوك
أضحك بصوت
يمحي أنين الناس فى ألاف البيوت
ينهي من الأرض الوجع
يرفع ميادين الشهادة اللي اتملت
بالبت والواد والجدع
اضحك فى وش اللي اغتالوك
واللي بيكره ضحكتك
اضحك عشان كل ما اتضحك ينهزم
قوله اننا ضد الممات
قوله اننا
رافضين على طول الحياة معنى السكات
قوله اننا
للحلم قاعدين ننتظر
لو بالسنين مش بالساعات
قوله انه مهما هيقطع الغصن اللي نبت
فينا حتما يتولدألفين بديل ..
متوضيين ..متجهزين ..
حاجزين مكانهم فى السما
حفظوا الشهادة وبعدها
الكل حافظ جملتين .
" ثورتنا عايشه مكمّله "..
" وأحنا معاها مكملين ..."
اضحك أنس F6ef221f20

» اضحك مع الزمالــــــــــــــك
» اضحك بجد هنا.................
» اضحك
» نكت بس اضحك فى سرك.
» اضحك على كيفــــــك