M7meD Mo5tar
عماري أصيل
عدد الرسائل : 7580
العمر : 35
المكان :
الحالة :
الهواية :
تاريخ التسجيل : 07/04/2007
التـقــييــم : 2
 |  موضوع: احلام عمرنا  الأحد 26 فبراير 2012, 9:26 pm | |
| اوقات بحس ان الانسان عشان يعيش
لازم يكون عنده هدف وحلم
واوقات تانيه بحس ان الاحلام ممكن تخلي الانسان يكره حياته
لما يفشل
الاحلام مالهاش سقف ولا نهايه ...
واوقات بيكون الفشل محفز لناس انهم يحاولو تاني
ولناس تانيه بيكون هو الـ ستوب للأحلام
في احلام بتبقي تافهه وفي احلام بتبقي مهمه اوي وبتحتاج سنيــــــــن من العمر عشان تتحقق
والواحد ممكن يعيش حياته عشان حلم واحد ويتحقق وهو خلاص ف اواخر عمره
في حاجات ممكن تكون بالنسبه لواحد سهله وبسيطه وبالنسبه لغيره حلم
يعني مثلا ممكن تلاقي واحد بيحلم انه بقي عنده كمبيوتر
وبيحوش وبيرتب ووو عشان بعد سنه تقريبا يبقي عنده كمبيوتر
فـي الوقت نفسه واحد تاني عنده كمبيوتر ولاب توب و بلاك بيري
يعني مقياس الحلم بيختلف من واحد للتاني ووممكن اللي بيحلم بكمبيوتر بعد ما يحقق حلمه
يحلم بلاب توب و الحلم ياخده لحلم
لكن اصعب ما في الاحلام هو الفشل في تحقيقها
لما بتفشل في تحقيق حلم بتمر بأصعب اوقات حياتك بتحس فيها كل الاحاسيس المريبه والعجيبه
بتقفل عليك كل الابواب وتفكر وبيبقي كل اللي بيدور ف ذهنك وقتها انك هتبطل تحلم
هوب تلاقي صوت منير بيقولك ..لو بطلنا نحلم نموت
ترد عليه وتقوله ..وهذا هو المطلوب هههههههههههههه
الفشل ف كل شيء بيكون صعب لكن الفشل في تحقيق حلم بيكون هو الاصعب والاصعب والاصعب
طيب الحياه من غير حلم ومن غير هدف بيكون ايه شكلها؟
انك متبقاش مستني حاجه تتحقق مهما كانت تفاهتها ..؟؟
وتبقي حياتك ماشيه بشكل روتيني واقل من الروتيني كمان ومفيش طموح
ومفيش اي ترقيه لحياتك ....
الاحلام لما بتتحقق متأخر مبيبقاش ليها طعم
الجمله دي بقولها دايما ومقتنع بيها ان الحلم كل ما بيتأخر تحقيقه مبيبقاش له طعم
في ناس كتير كانت بتقولي لأ بالعكس بيبقي له طعم اكتر لأن الانتظار بيخلي الانسان متشوق اكتر
لكن انا عند رأيي ان الاحلام لما بتتحقق متأخر بيبقي مالهاش طعم ....
وعشان كده اوقات بقول ان الحياه بدون احلام افضل ... | |
|
دهب
عماري محترف
عدد الرسائل : 2994
العمر : 36
المكان : العمار
الحالة : الحمد لله تمام
الهواية : القراءه
تاريخ التسجيل : 25/04/2008
التـقــييــم : 74
| | موضوع: رد: احلام عمرنا الأحد 26 فبراير 2012, 10:23 pm | |
| الموضوع حلو أوى
وعلى فكرة مش عيب ابداُ إن الواحد يفشل فى تحقيق حلمه
يكفى أوى إنه حاول
المصيبه والعيب إنك تقعد وتحط إيدك على خدك وتقول هفشل انا عارف نفسى أنا حظى زفت أنا عمرى ما عملت حاجه وإتحققت
لالالالالالالا ....هو ده الفشل بعينه
ومش مشكله تقضى كام سنه ولا كام يوم علشان تحقق حلمك
المهم إنك توصل ليه
أكيد فى طريقك للوصول للحلم هتتعلم حاجات كتير
وتشوف حاجات كتير وهتستمتع بكل حاجه
| |
|
