متستعجلش

موضوع: متستعجلش الإثنين 27 فبراير 2012, 8:00 pm

[ندعوك للتسجيل في المنتدى أو التعريف بنفسك لمعاينة هذه الصورة]

متستعجلش ع الفرحـة ..
هتيجى ف وقتها الموعود ..
متستعجلش ع الغايب ..
هييجى اليوم عليه و يعود ..
متستعجلش على بُكـره ..
شعاع فجرَك يادوب مولود ..

بلاش تِحزن على اللى يفوت ..
و متسيبش الألم يغلِـب ..
و علِّى غُناك بعلو الصوت ..
و لوِّن بالقلم و اكتِب ..
متندمش ِ ...
و متخافش ِ ...
و مِد خُطاك متهربش ِ ..
دا كل نصيب لصاحبُه يصيب ..
و لو عاش بالسنين يحسِب ..

مترميش ع الكتاف همَّك ..
متحبسش الدموع ف عنيك ..
و دوَّر ع الصحاب جنبك ..
و قرَّب من قلوب حواليك ..
متيأسش ِ ..
متظلمش ِ ..
و صون عهدك و متخونش ِ ..
دا لو غاب الفرَح عنك ..
ما يرجع تانى غير بإيديك ..

موضوع: رد: متستعجلش الإثنين 27 فبراير 2012, 10:03 pm

رهيـــــــــبة وبتدى حماسه جدا ^_^

بس فيه حاجة بقى :

[ندعوك للتسجيل في المنتدى أو التعريف بنفسك لمعاينة هذه الصورة]

لا جميلة جميلة وليها أثر ف النفس كدا

جميلة جدا جدا

ياولاد الاية

حلوة قوووى والموضوع محتاج خروجة بقى [ندعوك للتسجيل في المنتدى أو التعريف بنفسك لمعاينة هذه الصورة]

ورده بلادى كتب:: حلوة قوووى والموضوع محتاج خروجة بقى [ندعوك للتسجيل في المنتدى أو التعريف بنفسك لمعاينة هذه الصورة]

جدا ..

يوم الجمعة اللى بعد الجاية

بإذن الله

[ندعوك للتسجيل في المنتدى أو التعريف بنفسك لمعاينة هذه الصورة]

ورده بلادى كتب:: يوم الجمعة اللى بعد الجاية

بإذن الله

[ندعوك للتسجيل في المنتدى أو التعريف بنفسك لمعاينة هذه الصورة]

باذن الله ..