والله انت حد مش عادى ( للمناقشه ) ..

السلام عليكم ,,

من حياتى وحياتنا كلنا طبعا

ان بعد كل وقعة فوقان وتعليمة مستحيل تتنسى

زى ما بيقولوا كدا تعليم الايام والليالى ،،

ف عز الوقعات دى بيكون لينا حد ايا كان صديق اخ ام اب

شخص نثق فيه بيكون لينا زى الــــ (station )

بنلجأ ليه ف الاوقات دى واحنا متاكدين انه هينفعنا ومش هيمل من النصيحة لانه

اهل لدا والا مكناش دقينا بابه ..

لازم نحــط ف دماغنا اننا لازم يجيلنا يوم ونكون احنا الــــ ( station ) دى ..

خليك فرد مسوؤل متعديش حياتك عليك

وانت حد عــــادى ،، انت مش حد عادى جواك ارادة

وطاقه ممكن يهدوا سور من غير اى الات ،، ع فكرة مش مبالغه

ولا كلام انشا وخلاص ،

طب حاول مره كدا بعد وقعاتك الكتيرة وكلنا بنقع طبعا ودا شئ طبيعى حاول تقول

هصلح الى فاتنى وهكون حد مش عادى لانى ببساطة

من امة أفضل الخلق ، لانى ببساطة مكــــرم

فمش معقول يعنى هفضل عايش أقع واقوم اقع واقوم بدون بصمة ف الحياه

ايا كانت بسيطة ،، طب أقولك

لما مترميش كيس او منديل وانت ماشى ف الشارع وترميه ف سلة او تشيليه ف شنطتك لغاية البيت

انت حد مش عادى ،

لما تقوم لحد اكبر منك ف السن او ست حامل وانت ف المواصلات

انت حد مش عادى ،،

لما تشترك ف جمعيه خيرية ، لما تزور المريض واليتيم وتفرحهم بزيارتك ، لما

تشوف ست كبيرة ماشيه بحمولة تقيلة ع ايدها وتشيل عنها و و و

والله انت كدا حد مش عــــــــادى

فيديو جميل وهتبقى حياتنا احلى واجمل بكل بســــــاطه ..

لما تقيم الصلوات الخمس ويا سلام لو ركعتين بعد العشاء قيام ليل وصفحة قرأن ورد يومى

وكل مادا وهتلاقى نفسك مكرم وربنا بيسعدك ف حياتك فانت بنفسك هتزود ف عدد

صحف القرأن وصلاة القيام كمان ..

اعرف انك حد مش عادى

عارف لو انت اتمسكت بايمانك بعقيدتك بتعليمات دينك حتى لو كنت مقصر فيهم قبل كدا

مش تنكسف لما ترجع لربنا بالتدريج وان حد يقول تعليقات معروفه

ايه يا عم الشيخ ايه الى غيرك ووو الكلام المعروف

مش بقولك تربى دقنك وتقصر جلبابك و كل دا نهائى ،، عيـــش حياتك

وارضى ربك مش صعبة وانت بدا هتكون مش عادى .

خليك دايما مميــــــز عالـــــى ..

هتعلى ف نظر نفسك هتعلى ف نظر الناس

هتحس بقيمة حياتك ناهيك عن المكان الى هيتحجز ليك ف الفردوس

شوفت الحكاية بسيطة ازاى ^_^

قوى نفسك عززها حط اهدافك وطموحك قدامك طول الوقت وقول هتتحقق لا محاله

ثق ف الله صدقنى هتوصل لاى طموح بوصفات بسيطة انت تقدر تعمل اكتر منها بكتيــــــــــر

شوية جهد لان الحياه كدا ( ولقد خلقنا الانسان ف كبد ) بتقابلها الاية ( ولكل مجتهد نصيب ) ،

ارادة لان جواك منها كتير كل ما عليك تحريكها ، ثقــــه ف المولى عز وجل عظم شانه وجل جلالــــــــه ،

استمرارية .. والله كل طموحتنا هتتحقق ولو بعد حين ..

وانت حد مش عادى

وأسيبكـــــــم مع فيديو الحمــــــاس والعزيمة دا هتستمتعوا بيه جداااااا ..

يارب تقرؤوا الموضوع لانه مش منقول والله ^_^

انا مش عارف اقول ايه بصراحة ..

استنى هشوف رد مناسب للكلام التحفه ده

موضوع رائع حقا

ومن منا ليس مقصر

جزاك الله خيرا على هذا الكلام الجميل

اللهم اهدنا واهدى جميع المسلمين

أعزك الله

هو ده مخلص الحياة ......Just dream

قوى نفسك عززها حط اهدافك وطموحك قدامك طول الوقت وقول هتتحقق لا محاله

ثق ف الله صدقنى هتوصل لاى طموح بوصفات بسيطة انت تقدر تعمل اكتر منها بكتيــــــــــر

شوية جهد لان الحياه كدا ( ولقد خلقنا الانسان ف كبد ) بتقابلها الاية ( ولكل مجتهد نصيب ) ،

ارادة لان جواك منها كتير كل ما عليك تحريكها ، ثقــــه ف المولى عز وجل عظم شانه وجل جلالــــــــه ،

استمرارية .. والله كل طموحتنا هتتحقق ولو بعد حين ..

بجد ياسماء من احسن المواضيع اللى قريتها ع امنتدى
وحسيتها كمان
ولازم كل واحد فينا يقف وقفة مع نفسه
ويقول ليه ان مبقاش فيا كل الصفات
اللى انتى قولتى عليها دى
بجد بيبقى شعور جميل قوووى وتحس ان حياتك كلها
مفبهاش مشاكل وبتاخد الامور ببساطة كبيرة
وبيقبى قلبك كله تسامح مفيهوش كارهية
من اى حد ولا غيرة من حد ..
شكرا تانى يااسماء ع الموضوع ده
بجد خلانى افكر فى حاجات كتير كانت نقصانى ...
ربنا يجازيك خير ويجعله فى ميزان حسناتك

دعوة للمناقشة !!!

انتى ماشاء الله مخلتيش مجال للنقاش

فعلا أنتى حد مش عادي

و انسانة قادرة على النجاح زي ماقلتلك قبل كده كتير

اللى يكتب الكلام ده مقدرش اقوله غير جزاكى الله خيرا الجزاء

وجعله الله فى ميزان حسناتك يا صديقتى

لمستينى فى كل كلمة كتبتيها

كان في إضراب في المصنع وبالصدفة كان في إجتماع المديرين في شركتنا

بعد حل المشكلة قعدنا نتأمل الفترة اللي قضيناها فيه وكان من ضمن ما قيل من مدير الشركة

إنو لو سافر مستعد إنو يسيب الشركة لفلان اللي هو أقل شخص فينا في الإمكانيات الشخصية ولكنوا

شخص مجتهد جداً وراجل يتحمل عليه وإفتركنا إزاي إنو فشل كتيييييير جداً أول ما جه

وإزاي كان هيمشي من الشركة لكنوا قال آسف وعاوز أتعلم وإزاي كان صبور

وإزاي رغم إنو مصمم وخريج فنون جميلة بعتناه المصنع يشتغل مشرف عمال مع أسوأ مدير

في تاريخ مصانع المجموعة كلها وإستحمل وكان راجل

ولما أثبت رجع تاني مكانوا القديم كمصمم الشركة

نجاح م/أحمد ده مش لأنو ذكي ولا لأنو ألمعي

ولكن لأنو شخص مجتهد رغم إنو متوسط الإمكانيات أتقن عمله بالجد والبذل ومش بالشطارة

نزلت مروح مع زميلي شغال مدير الصيانة قعدنا نتذكر الأيام

وإزاي كل مكان كسبناه عدى قبلنا على ناس ممكن كانوا أحسن مننا لكن كبروا دماغهم وقالوا نشيل ليه

ونوجع دماغنا ليه مهو نفس المرتب ومنغير وجع دماغ

وإن الجد والإجتهاد مع توافر الإمكانيات اللي هي متوفرة في أغلب الناس هو معامل النجاح

وإن الإبتكار لا يتعدى 5% من الحياة فمش لازم تكون ألمعي وفاكس علشان تبقى ناجح

موضوعك جميل وفكرني فقولت أشارككم التجربة

وعذراً على الإطالة

فعلا يا اسماء انتي مخلتيش اصلا كلام يتقال بعد الكلام التحفه ده وف وقتتتتته جدا والله

فعلا من احسن المواضيع اللي قريتها ع المنتدي والله

فكرتيني بالذي مضي بس الحمد لله

الموضوع جميل يا أسماء بجد والله ،،

ربنا يبارك فيكِ ..

دايما فى تألق يا أسماء وتغيير واضح فى شخصيه أسماء

موضوع مميز..اكبر من المناقشه او اى رد

حـــــــــد يقابل الضيوف ياجدعان مبسوط

KAREM كتب:: انا مش عارف اقول ايه بصراحة ..

استنى هشوف رد مناسب للكلام التحفه ده [ندعوك للتسجيل في المنتدى أو التعريف بنفسك لمعاينة هذه الصورة]

ربنا يعزك يا بشمهندس ،، اتمنى نعمل بالكلام دا علشان احنا ناس كويسة جدا

بس عايزين نبقى كويسين أكتر وقريبين من ربنا أكتر وأكتر [ندعوك للتسجيل في المنتدى أو التعريف بنفسك لمعاينة هذه الصورة]

كارمن كتب:: موضوع رائع حقا

ومن منا ليس مقصر

جزاك الله خيرا على هذا الكلام الجميل

اللهم اهدنا واهدى جميع المسلمين

أعزك الله

تسلمى يا كارمن ويسلملى مرورك ،، وجزاكى مثله من الخير

وربنا يصلح احوالنا جميعا يارب ..

ESLAM GODA كتب:: بجد ياسماء من احسن المواضيع اللى قريتها ع امنتدى
وحسيتها كمان
ولازم كل واحد فينا يقف وقفة مع نفسه
ويقول ليه ان مبقاش فيا كل الصفات
اللى انتى قولتى عليها دى
بجد بيبقى شعور جميل قوووى وتحس ان حياتك كلها
مفبهاش مشاكل وبتاخد الامور ببساطة كبيرة
وبيقبى قلبك كله تسامح مفيهوش كارهية
من اى حد ولا غيرة من حد ..
شكرا تانى يااسماء ع الموضوع ده
بجد خلانى افكر فى حاجات كتير كانت نقصانى ...
ربنا يجازيك خير ويجعله فى ميزان حسناتك

ربنا يعزك ويبارك فيك وبجد من أعظم الاوقات الوقفة مع النفس دى

ربنا يجازيك مثله ويصلح احوالنا جميعا يارب ويردنا ليه

مردا جمــــــــيلا يارب ..

محمود يحيى كتب:: هو ده مخلص الحياة ......Just dream

قوى نفسك عززها حط اهدافك وطموحك قدامك طول الوقت وقول هتتحقق لا محاله

ثق ف الله صدقنى هتوصل لاى طموح بوصفات بسيطة انت تقدر تعمل اكتر منها بكتيــــــــــر

شوية جهد لان الحياه كدا ( ولقد خلقنا الانسان ف كبد ) بتقابلها الاية ( ولكل مجتهد نصيب ) ،

ارادة لان جواك منها كتير كل ما عليك تحريكها ، ثقــــه ف المولى عز وجل عظم شانه وجل جلالــــــــه ،

استمرارية .. والله كل طموحتنا هتتحقق ولو بعد حين ..

بالظبط يا بشمهندس ،،

نور الإسلام كتب:: دعوة للمناقشة !!!

انتى ماشاء الله مخلتيش مجال للنقاش

فعلا أنتى حد مش عادي

و انسانة قادرة على النجاح زي ماقلتلك قبل كده كتير

اللى يكتب الكلام ده مقدرش اقوله غير جزاكى الله خيرا الجزاء

وجعله الله فى ميزان حسناتك يا صديقتى

لمستينى فى كل كلمة كتبتيها

ياه يا نور ،، شهادة اعتز بيها من شخصية جديرة بالاحترام زيك ..

ربنا يعزك ويبارك فيكى ويجعلنا عونا لبعض دايما يارب

وجزاكى مثله يارب ،، نورتى [ندعوك للتسجيل في المنتدى أو التعريف بنفسك لمعاينة هذه الصورة]

محمدعبدالرحمن كتب:: كان في إضراب في المصنع وبالصدفة كان في إجتماع المديرين في شركتنا

بعد حل المشكلة قعدنا نتأمل الفترة اللي قضيناها فيه وكان من ضمن ما قيل من مدير الشركة

إنو لو سافر مستعد إنو يسيب الشركة لفلان اللي هو أقل شخص فينا في الإمكانيات الشخصية ولكنوا

شخص مجتهد جداً وراجل يتحمل عليه وإفتركنا إزاي إنو فشل كتيييييير جداً أول ما جه

وإزاي كان هيمشي من الشركة لكنوا قال آسف وعاوز أتعلم وإزاي كان صبور

وإزاي رغم إنو مصمم وخريج فنون جميلة بعتناه المصنع يشتغل مشرف عمال مع أسوأ مدير

في تاريخ مصانع المجموعة كلها وإستحمل وكان راجل

ولما أثبت رجع تاني مكانوا القديم كمصمم الشركة

نجاح م/أحمد ده مش لأنو ذكي ولا لأنو ألمعي

ولكن لأنو شخص مجتهد رغم إنو متوسط الإمكانيات أتقن عمله بالجد والبذل ومش بالشطارة

نزلت مروح مع زميلي شغال مدير الصيانة قعدنا نتذكر الأيام

وإزاي كل مكان كسبناه عدى قبلنا على ناس ممكن كانوا أحسن مننا لكن كبروا دماغهم وقالوا نشيل ليه

ونوجع دماغنا ليه مهو نفس المرتب ومنغير وجع دماغ

وإن الجد والإجتهاد مع توافر الإمكانيات اللي هي متوفرة في أغلب الناس هو معامل النجاح

وإن الإبتكار لا يتعدى 5% من الحياة فمش لازم تكون ألمعي وفاكس علشان تبقى ناجح

موضوعك جميل وفكرني فقولت أشارككم التجربة

وعذراً على الإطالة

عذر ايه بس يا أستاذ محمد طب ياريت كل الاطالات مفيدة وليها قيمة كدا

ربنا يعزك ويبارك ف حضرتك ،، شرفنى مرورك ..

Ana Mu$lma كتب:: فعلا يا اسماء انتي مخلتيش اصلا كلام يتقال بعد الكلام التحفه ده وف وقتتتتته جدا والله

فعلا من احسن المواضيع اللي قريتها ع المنتدي والله

فكرتيني بالذي مضي بس الحمد لله

الحمد لله انه ف وقته يا سلوى ،، يارب كلنا نكون الحد الى مش عادى ونبقى مكرمين دايما

نورتى الموضوع يا بشمهندسة ..

أسيرة الأحلام كتب:: الموضوع جميل يا أسماء بجد والله ،،

ربنا يبارك فيكِ ..

انتى ومرورك أجمل بكتير ،، ربنا يعزك ويبارك فيكى يا شيماء [ندعوك للتسجيل في المنتدى أو التعريف بنفسك لمعاينة هذه الصورة]

khairy el khashab كتب:: دايما فى تألق يا أسماء وتغيير واضح فى شخصيه أسماء

ربنا يخليك يارب ،، نورت الموضوع ..

ابو حذيفه السلفى كتب:: موضوع مميز..اكبر من المناقشه او اى رد

ربنا يعزك يا شيخ أحمد ،، نورت الموضوع..

KAREM كتب:: حـــــــــد يقابل الضيوف ياجدعان [ندعوك للتسجيل في المنتدى أو التعريف بنفسك لمعاينة هذه الصورة]

عذرا للتأخير كنت منتظره باقى الناس تشوف الموضوع بس [ندعوك للتسجيل في المنتدى أو التعريف بنفسك لمعاينة هذه الصورة]

موضوع بسيط وجميل وطريقة الكتابه بسيطه واعجبتنى الكلمات بجد

» اى موبيل نوكيا باكسسوارته حصريا
» للمناقشه
» الله عليكى يامصر(موضوع مش عادى)
» صح ولا غلط ؟؟ دعوه للمناقشه ..
» زوجه يتمناها كل رجل.. للمناقشه.؟