سلسلة (لا للصحوبية & منعها حيائها) ..

[ندعوك للتسجيل في المنتدى أو التعريف بنفسك لمعاينة هذه الصورة]


أنتي عايزة أيه بالظبط ؟
مش عارفة
ليه مصره تهينى نفسك كل يوم بعلاقات هتبعدك عن ربنا
ايه الى حصلك؟
كنتي زمان بتخافى لو جت سيرة الموت!!
أنا مش عارفة

بصى لنفسك كده فين حجابك الى ربنا عايزة؟
كل يوم بتبيعى حاجة علشان دنيا زايلة
وبكره هتبيعى أيه تانى؟
معقول أنت صاحبتى اللي أعرفها!!!

أنتي عارفة الى بتقضى حايتها كلها علاقات بتكون عند ربنا أيه ؟

أسمعى كده قول الله عز وجل فى الآية دى

" وَمَن لَّمْ يَسْتَطِعْ مِنكُمْ طَوْلاً أَن يَنكِحَ الْمُحْصَنَاتِ الْمُؤْمِنَاتِ فَمِن مِّا مَلَكَتْ أَيْمَانُكُم
مِّن فَتَيَاتِكُمُ الْمُؤْمِنَاتِ وَاللّهُ أَعْلَمُ بِإِيمَانِكُمْ بَعْضُكُم مِّن بَعْضٍ فَانكِحُوهُنَّ بِإِذْنِ أَهْلِهِنَّ وَآتُوهُنَّ
أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ فَإِذَا أُحْصِنَّ فَإِنْ
أَتَيْنَ بِفَاحِشَةٍ فَعَلَيْهِنَّ نِصْفُ مَا عَلَى الْمُحْصَنَاتِ مِنَ الْعَذَابِ ذَلِكَ لِمَنْ خَشِيَ
الْعَنَتَ مِنْكُمْ وَأَن تَصْبِرُواْ خَيْرٌ لَّكُمْ وَاللّهُ غَفُورٌ رَّحِيمٌ "
[ النساء / 25 ]

و معنى متخذات أخدان : أي لا تتخذ أصدقاء لها من الشباب.
وفى الآيات الى فاتت ربنا بيحذر الشباب من الجواز بيهم.

أنتي حابة توصلى لكدة ؟؟
فكرى كده كل مرة دخلتى فيها علاقة استمرت العلاقة دى أد أيه؟؟ وايه الى كسبتى منها؟؟
كل مرة علاقة تفشل منك أو منه أتحسبت عليكى
خلاص الصفحة البيضة الى كانت... ما باقتش خلاص لسة بيضة
كل يوم علاقة جديدة بتزودى بيها رصيد ليكى أسود فى عيون الولاد الى حواليكى
تفتكرى كده أى واحد فيهم لما يعرف أنك ارتبطى بغيرة يقول عليكى أيه وهيفكر إزاي

وخدى بالك مافيش حاجة بتتدارى على طول
كام واحد كان عايز يطلب إيدك
وفكل مرة تقولى ...مش ده الى أنا عايزاة
أنتي عايزة كل حاجة عايزة حب..وفلوس ..وجمال..عايزة وعايزة
وعمرك ما هترضى بحاجة

أنتي هتفوقى أمتي وتعرفى انت رايحة فين؟؟
لما تقابليه وأنتي فى حضن واحد منهم؟
ما سمعتيش عن بنت ماتت وهى فى مركب مع صاحبها؟
وبنت تانية ماتت فى حادثة عربية وطلعوها وهى فى حضن صاحبها؟
والتانية الى لما صاحبها حبها وفكرت تسيبة قتلها؟

عايزة تكونى مين فيهم؟
موت وفضيحة لأهلك وسوء خاتمة !!

إيه ذنب أهلك الى تعبوا فيكى تخونيهم؟
قال تعالى:

(يَا أَيُّهَا الَّذِينَ آمَنُواْ لاَ تَخُونُواْ اللّهَ وَالرَّسُولَ وَتَخُونُواْ أَمَانَاتِكُمْ وَأَنتُمْ تَعْلَمُونَ)
[ الأنفال / 27 ]

مسكينة..شيطانك ضاحك عليكى
مافهمك إنك خسارة فى كل الى حواليكى
ده لأ وده لأ اصبرى على رزقك بكرا هيجى
ومش واخدة فى بالك إن رصيدك وسط بنات الناس خلاص..بيقل
ورصيدك وسط الشباب كمان بيقل

كفاية بقا شهوات زايلة وتعالى بقا نقلب الصفحة نبتدى من جديد
ربنا بابه عمره ما قفله فى وش حد
مهما فكرتى إنك شاطرة وهتعرفى تخبى الماضى..الماضى هيفضل يطاردك
لسة فيه فرصة قدامك يلا
مافيش غيره سبحانه وتعالي الى هيسترك فى الدنيا ...مش شطارتك ( أنا عارفه أنا بعمل إيه !! )
أسمعى كدة ربنا لو رجعتيله بكرا هيقولك إيه

إن الله يدني المؤمن ، فيضع عليه كنفه ويستره ، فيقول : أتعرف ذنب كذا : أتعرف ذنب كذا ؟ فيقول : نعم أي رب ، حتى إذا قرره بذنوبه ، ورأى في نفسه أنه هلك ، قال : سترتها عليك في الدنيا ، وأنا أغفرها لك اليوم ، فيعطى كتاب حسناته . وأما الكافر والمنافق ، فيقول الأشهاد : { هؤلاء الذين كذبوا على ربهم ألا لعنة الله على الظالمين } .
رواه البخارى

بس ده مين الى هيعمل ربنا معاه كده؟؟
ده الى تاب وأناب ورجع لربنا سبحانه وتعالي قبل فوات الأوان.

أسمعى كده ربنا بيستر مين
قال تعالي : "إِنَّمَا التَّوْبَةُ عَلَى اللّهِ لِلَّذِينَ يَعْمَلُونَ السُّوَءَ بِجَهَالَةٍ ثُمَّ يَتُوبُونَ مِن قَرِيبٍ فَأُوْلَـئِكَ يَتُوبُ اللّهُ عَلَيْهِمْ وَكَانَ اللّهُ عَلِيماً حَكِيماً" [ النساء / 17 ]

لكن دول ربنا خلاص غضب عليهم

قال تعالى: "وَلَيْسَتِ التَّوْبَةُ لِلَّذِينَ يَعْمَلُونَ السَّيِّئَاتِ حَتَّى إِذَا حَضَرَ أَحَدَهُمُ الْمَوْتُ قَالَ إِنِّي تُبْتُ الآنَ وَلاَ الَّذِينَ يَمُوتُونَ وَهُمْ كُفَّارٌ أُوْلَـئِكَ أَعْتَدْنَا لَهُمْ عَذَاباً أَلِيماً" [ النساء / 18 ]

ــــــــــــــــــــــــــــــــ

لا للصحوبية !