احمد محيي عبد العاطي
مشرف المنتدى الأدبي
عدد الرسائل : 1185
العمر : 38
المكان : أنا مصري موريتانيا وجيبوتي وعمان
الحالة : أقاتل الأوراق
الهواية : محمود درويش
تاريخ التسجيل : 13/10/2009
التـقــييــم : 9
 |  موضوع: طقاطيق .... الموسم الثاني  السبت 10 مارس 2012, 9:19 pm | |
| تذكير بمساهمة فاتح الموضوع :الطأطوءة الأولى
وكنت كل اما اسألك
إيه اللي أجمل م الهوى
إيدك تطبطب عالكوفيه وتهمسي
انك تحافظ عالهوى
وتصر عالحلو اللي بينا والقمر
يبقى احترامي معتبر
طب إيه الفرق اني أحبك
وأحبك أكتر من حبك
تلتفتي بسرعه وحنيه
وعيونك تسرح في عنيه
وتشاوري بحيره وتنهيده
مالك مشغول ليه يا عنيه
وطواجن ستات الدنيا
فوق راسك مالها معبيه
وأرد بفضفض عن نفسي
وبفكر يمكن يوم تنسي
تمشي وتاخدي الزكرى الحلوه
معرفش أحافظ على نفسي
وتردي إيه يبني انت مهيس
مانا سايباك الليله كويس
إيه اللي جراله من امبارح
أنا خايفه لمخه يكون سوس
مبعدنيش يوم عن بعضينا
غير لما رجعنا وحنينا
الحب أكيد موجود بينا
هو اللي بيرجع ويجينا
كنا ساعتها بنبعد أكتر
والواحد فينا بيستكتر
يرجع ويداري على كرامته
بس الحب بيطلع أكبر
أص انا يمكن كنت أناني
وساعات بعمل فيها اخواني
وابعد عنك وسط الإخخخخوه
أرجع واشتقلك من تاني
بس الأغرب كنتي بترضي
وفضلتي تسامحيني فبعدي
انت وماما قرايب جدا
أقسى عليكم تخطبوا ودي
بس دي ماما وانت حبيبتي !
لا تعبتي معايه ولا ولدتي
ولا شلتي النونو وربيتي
والله انت احسن من خالتي
وحياتي بتستهبل يبني
انا خدت فحبي ان انت ابني
تعند وتزعق تتشاقى
بس شقاوتك بتقربني
بنوته ودايبه فحدوته
مرتاحه بدلع الكتكوته
بطولتها لفارس وحورية
عايشينها من غير توته توته
انت رغم الحزن ضحكه
مسرحية عشق حبكه
مهما تجرح مهما ابكي
كلمه حلوه بتبقى شبكه
عدل سابقا من قبل احمد محيي عبد العاطي في الأربعاء 18 أبريل 2012, 5:31 pm عدل 2 مرات | |
|
