يا ستى حد قالك انك مش متربية !!

هتقوليلى :

على فكرة أنا من بيت محترم ومتربية وعارفة نفسي كويس ،
وأعرف لو حصل أي حاجة أحمي نفسي وأحافظ عليها .

هقولك :

فيه مقولة بتقول :
( إياك أن تستشرف الفتنة ؛ لأنها ستستشرفك )

يعني مينفعش أحط نفسي وسط الفتنة
وأقول أنا واثقة من نفسي ومش ممكن هعمل حاجة غلط !!


إنتي كـده بتعملي زي اللي جـاب چـركن بنزيـن
وكتب عليه ممنوع الإشتعال !! طب بالله عليكى دا كلام ؟؟!!


الرسول صلى الله عليه و سلم قال :
( ما تركت بعدى فتنة هي أضر على الرجال من النساء ) متفق عليه


فــــ إزاي بقى نقعد الفاتن مع المفتون ؟؟!!
إزاي نخليهم أصحاب ويتكلموا سوا ويهزروا ؟؟!!
إزاي نقول إن ده حلال وانهم اخوات وعـــــــادي ؟؟!!

:: أصدق أنا النبي صلى الله عليه و سلم ولا أصدقك إنتي ؟؟

بلاش تقولي إن الموضوع مش كده بينكم
وإن نيتكم صافية وربنا أعلم باللي في القلوب كلام مكرر ومش مقنع ..

لإن إنتي بشر وهو بشر وأنا بشر .. ومحدش فينا معصوم صح ؟؟

و يعني هم الصحابة اللي هم أفضل البشر بعد الأنبياء ،
وأمهات المؤمنين اللي هم أطهر نساء العالمين
نواياهم مش حلوة وعلشان كده ربنا أمرهم بالكلام من وراء حجاب ؟؟

لأ طبعاً .. فحتى لو الشخص نواياه سليمه 100%
فاحنا بنعبد ربنا إمتثالاً لأمره مش علشان مُبرر ..

قال الله تعالى :
{ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا ْ} الأحزاب:36


بالله عليكي يا شيخة ربنا يحميكى ،،

إنسي موضوع الصحوبية ده خآآآآآآالص ،
وإبعدي عن الكلام والعلاقات البريئة مع أي شاب ،
وحافظي على نفسك ؛ علشان محدش كبير على الفتن ..

عندك صحابك البنات عيشى حياتك بالكامل هزار وضحك وكل حاجة
هتلاقى طعم الصحوبية الحلال الى بجد ..


ربنا يحفظنا جميعا من الفتن ما ظهر منها و ما بطن ويعف كل بنات المسلمين يارب ..