عدد الرسائل : 4261 العمر : 34 المكان : بلدى الحالة : ربنا يسهـــــــــــل الهواية : ______________ تاريخ التسجيل : 09/06/2007 التـقــييــم : 1
موضوع: ركـــــــــــــز معاايــــــــــــــــأ؟؟ الأحد 01 أبريل 2012, 3:30 pm
ركز معايا ف النقطة دي والنبي عشان محتاجة تركيز
قبل ترشيح الشاطر كان الليبرالين والناشطين والمجلس العسكري ومرشحين الرئاسة (ابو الفتوح - صباحي - عمرو موسي - احمد شفيق) ضد هيمنة الاخوان علي اللجنة التأسيسية للدستور واتهموهم انهم عايزين يستولوا علي كل حاجة
مين اللي كان مع الاخوان ومبيهاجمهوش (ابو اسماعيل - حزب النور - السلفيين) بدعوي ان دي لجنة شكلها البرلمان والبرلمان جاي بانتخابات ديمقراطية وده راي الاغلبية فلن تجد تصريح واحد من حازم ابواسماعيل او القيادات السلفية ضد سيطرة الاخوان علي لجنة الصياغة
لكن هتلاقي كتير تصريحات لابو الفتوح وصباحي وحتي موسي وشفيق ضد هيمنة الاخوان علي صيلاغة الدستور
قوم ايه ... الاخوان رشحوا خيرت الشاطر
فجأة بقي الاخوان وحشين .. وبقي خيرت الشاطر وحش ومن النهاردة بدأت اللجان الالكترونية في الهجوم الشديد والتريقة واللي يقولك ده متجوز اربعة واللي يقولك نحمل ال خيرت لمصر كل ده كوم والاهم بقي
بقي السلفيين بيتكلموا علي رغبة الاخوان في السيطرة علي كل حاجة
الله ؟؟ الله ؟؟ الله ؟؟
ماهم بيسيطروا عشان هما معاهم اغلبية زي ما انتوا بالظبط كنتم بتقولوا من يومين :)
هي الحكاية لوجه الله والوطن فعلا ولا مصالح شخصية ؟؟
اجمل حاجة بقي نتفرج اليومين الجايين ادب الاختلاف عندما تختلف الاحزاب الدينية مع بعض ونشوف كدة هيتعاملوا مع بعض ازاي