احمد عبد العزيز - احمد عبيدة - حنين (اسماء السيد)

أجمل ماقرأت للشعراء الشباب في قريتنا
****************
ياريت كل اللى عجبه حاجه لحد منهم يحطها هنا بعد اذنكم

لن أكتبَ شِعرًا بَعدَ اليومِ .. فجـمـيـعُ كـتاباتـي تـُفهَمْ
و الـنـاسُ يُـؤرقـهـا جـدًا .. أن تـقـرأ شـيئـًا, أو تفهم
الـنـاس تـريـدُ اللا معنى .. و تـريـدُ الظلمة والأظّلمْ

أحمد عبد العزيز

أوعدنى

إفرد قلوعك أمان
أحضن جروحى ونام
لملم معايا الوجع
وآدى آخرة الأحلام
لسانا فينا الخوف من بكرة وكلامه
راجع يعادى الهنا ويبهدل أيامه
وياريت ما كان الكلام ودانا للآخر
أحسن ده حتى النوح
مبسوط على الآخر
ابنيلى جوا عنيك
مسكن ولو بالقش
لكين يكون مأتمن
خالى أكيد م الغش
ورينى وشك كده ؟!
أوعاك يكون وشين
احسن ده كتر الوشوش
خلى غناهم وش
وياريت كمان يا جدع
متكنش "حلو " الكلام
وأسرح فى رسمك أنا
وإنت مع الأوهام
خليك بنص لسان
أو حتى متقولشى
من أمتى بس الكلام
لو جوعنا بيعشى
من أمتى كان الغُنى
يشفى جراح الليل
والقلب لو يتمزع
مبتنفعوش مواويل
مش عاوزه منك أنا
غير كلمة محسوسة
بتصحى قلب اتقسم
والدمعة محبوسة
مش عاوزه منك انا
غير وعد بالإخلاص
آدى شرطى لو تقبله
خلص الكلام وخلاص

,,,,,,,

أسماء الســــــــــيد

وشايتى

وعلمت ماقد قاله
عنى ، وما أنبأ لها
أنى على هجرى بها
لا أصبرن ، وهجرها
نار تؤجج مضجعى
ولذكرها .. ، شهد يفيض
على الحياة بطيبها
وجمالها
وحسنها
وبهائها .
* * * *
ولغربتى ..
ولوحشتى ..
آسيت وجد فراقها
فجعلت " صورة " عينها
ذكرى لها
وحملتها
وشهدتها
وعبدتها
وظللت أهتف فى الوجود :
وجدتها ... وجدتها
* * * *
لا أطأ شبراً دونها
إلا لرؤية أصلها
* * *
وسكنت فى رحم السماء
ورحبها
أدنى الهوان وأقصى
برد وجومها
حتى اذا أدركتها
أدركت أنى
على المحجة
غيثها
ألهانى عن طيب الصفاء
وبكاؤها وعويلها
ودموعها
لوثة البيضاء
* * * *
واسودت الدنيا فجاءا
أظلمت
وقضيت يوما لم أرى
كسواده فيما ورى
غص مرير
ذليل دنىء
أربعاء
احتر قلبى احتراراً
مولعاً يبغى اللقاء
فخرجت أجوب الطرقات
وأرتجى ذوب الجفاء
ونسيت صورتك البريئة
حيث كنت نسيتها
نسيتها
بخمارها
نسيتها لست أدرى
أين كنت نسيتها
وتركتها لا أعلمُ
فى بيت من ؟
تركتها
ونسيت أن عواذلى
فى كل درب يسكنوا
يتربصوا بالهائمين
بكل مشغوف بها
وبسيف غدر الحاقدات
بترن أوصال النها
وسهام أعينها العدا
فقعن آلاف المها
وامتد سم لسانهم
طولاًعلى طول المدى
وأتاها وغد عاذل
كالكلب يعوى إذ عوى
يوشى بنا إذ حدثً
حرصاً عليها كما ادعى
: " أن صورتها النقية عندنا "
وشوه .. وشنع
* * * *
أيظن هذا الوغد يوماً أنه
يصون عزتها ،
كما أفعل أنا ؟!!
أيظن هذا الوغذ يوماً انه
عرف لها قدراً ،
كالذى أعرفه لها ؟!!
أيظن هذا الوغد يوماً أنه
خلق امرىء مثلى ،
يقدس حبها ؟!!
* * * *
وعلمت خبر وشايتى
مقروناً برد حبيبتى
حملته لى باللوم
أخت أحرجتها
صداقتى .
نزلت عليَ بقولها
كالصاعقات ، وردها :
أن عشت أعواماً لها
أدنو ولا قلب لها
وأننى .. وأننى
أوهمت نفسى بحبها

أحمد عبيده

جزءٌ منْ هي لاتعرف ،،

****

أنى أذوب هياماً كل صباح
حائـر فى وطن الشرفات
عابـد فى كل الأوقـات
عابـر فى غسق الطرقات
أرتجف وشوقـى ..
رجفة سُـكر ..
رجفة حانــة ..
لا تسكن بين الحانـات .
...................
مابين نزارى
وعمارى ..
( وطن الأحباب )
وأوتارى :

" إنى قديس الكلمات "

..

،، أحمد عُبيدة ،،

.،.

قبل الميعاد

وسبقته من قبل الميعاد بساعات

لبست طرحة ملونة

وخلعت من فوق ضحكتى توب السكات

مستعجلة ،،،، متبرجلة

مش عارفه إيه المسألة

مش فاكره غير إنى النهاردة

هشوفه فى نفس المكان

هخرج لسانى للزمان

وهقوله لسه ما بينا مواعيد واتفاق

وإنى معاه همسح بقلبى

كل أحزان الفراق

يغزلى م الفرحة فى إيدى غويشة حلوة

يكتبلى من ضى ابتسامته كلام لغنوة

نغنيها وتسمع لحنها العصافير

ما ترضى تطير

وتطرح فوق شجرنا ورود ملانه عبير

تشمه الأرض تمسك فى طرف توبنا

وتحلف مهما تبعدنا ما هتسيبنا

وفوقنا الشمس مكسوفة وفرحانه

تدفينا وهى منّا غيرانه

كلامنا مكنش زى كل مرة وبس

كلامنا كلام ما تسمع منه حتى الهمس

عيون فاهمه وقاريه بعضها احساس

مفيش هفوه تعدى غير وليها اساس

كلام مفهوش وحشتينى ولا بحبِك

ولا من بين عيون الناس أعيش جنبِك

ولا قلبى صريع مجروح فدى قلبِك

صحيح يمكن كلامنا مهوش كلام عشاق

ولا فيه حتة من ( توبة ) ولا ( مشتاق)

لكين من وسط احلامنا قصايد شعر

كتبناها وقولناها لبعض كتير

على أوراق بنلسمها فى لحظة تطير

ومبنلحقش نمسكها عشان مساجين

وننساها وتنسانا

نقوم "ساكتين"

حنين

صباح الخير يا وحشانى

صباح الخير يا وحشانى

يا نور العين

يا وجدانى

يا نسيانى

يا عيزانى

أعود لهيامى من تانى

وأرتب دفترى وأكتب

وأردد فيك ألحانى

وأبات الليل أناجيكى

ويسهر ليلى وزمانى

راح أرسم قلب فى كتابى

وسهم الحب فى ثوانى

يزلزل روحى وكيانى

وهسمع عندليب الشوق

يقوللى رجعنا من تانى

للنار والعذاب من تانى

من تانى

من تانى

أحمد عبد العزيز

» نداء للمهندس / احمد عبد العزيز
» الشهيد ...للشاعر العمارى احمد عبيدة ...رحمه الله.
» انطبــ(احمد السيد)ـاعك ايه عن
» احمد السيد...كل سنه وانت طيب يابشمهندس.
» رسالة الى كل من تحدث فى حق احمد السيد