يا شباب ويا بنات ...من فضلكم

بسم الله الرحمن الرحيم

إزيكم جميعا...هدخل فى الموضوع على طول

عندى إمتحان ومحتاجه مساعده بسيطه منكم

الامتحان عبارة عن إنى هتكلم عن التحديات اللى بتواجه الشباب فى مصر وإيه هى مقترحاتى للتغلب عليها

وده كله طبعا بالإنجلش...إنتوا طبعا إتكلموا عربى براحتكم وملكوش دعوه بالباقى ده شغلى أنا

ف بليز أنا هعمل زى إستطلاع رأى بسيط كده هاخده منكم

كل بنت او ولد يقول إيه هى التحديات اللى بتقابله ( إيه هى المشاكل )اللى بتواجهه فى حياته

بسرررررررررررررررررررررررررررررعه الله يخليكوا

اممممم
تحديات يعنى مشاكل يعنى احراج
يعنى الناس هتنحرج تكتب حاجة هنا لو عايزة مساعدة بجد
ممكن اللى عايز يكتب حاجة يكتبها وبعد كده يبعتهالك ع الخاص
وده الافضل علشان فى ناس هتنحرج تكتب هنا

إيه الإحراج فى المشاكل

عادى كلنا عندنا مشاكل يا جماعه

طيب لو كان كده يبقى لو الاداره سمحت تفتح الرسايل وبسرعه

مش شرط رسايل الموضوع ممكن يبقى ع العام بعضوية مختفية اللى عاوز يتكلم يتكلم من خلالها ومش هنعرفه :)

في فترة المراهقة كنت أبتعد كثيرا عن البيت و أتأخر في العودة ، و كان ذلك يغضب أمي كثيرا ؛ لأنني لا آكل في البيت ، و لأنني كنت

أقضي معظم النهار نائما و لا أعود ليلا إلا متأخرا بعدما تنام أمي ، فماكان منها إلا أن بدأت تترك لي قبل أن تنام رسالة على باب الثلاجة ، وهي عبارة عن إرشادات

لمكان الطعام و نوعه و كيفية تجهيزه ، و بمرور الأيام تطورت الرسالة فأصبحت طلبات لوضع الملابس المتسخة في الغسيل و تذكير بالمواعيد المهمة ، و هكذا مرت

فترة طويلة من مراهقتي على هذا الحال ، و ذات ليلة ، عدت إلي البيت ، فوجدت الرسالة المعتادة على الثلاجة ، فتكاسلت عن قراءتها ، و خلدت للنوم ، و في الصباح

فوجئت بأبي يوقطني و الدموع في عينيه ، لقد ماتت أمي ، كم آلمني الخبر و تماسكت حتى دفناها و تقبلنا العزاء ،و في المساء عدت للبيت و في صدري بقايا قلب من

كثرة الأحزان ،و تمددت على سريري ، و فجأة قمت منتفضا ، لقد تذكرت رسالة أمي التي على الثلاجة ، فأسرعت نحو المطبخ ، و خطفت الورقة ، و قرأتها ، فأصابني

حزن شديد هذه المرة لم يكن بالرسالة أوامر و لا تعليمات و لا نصائح ، فقط كان مكتوبا فيها

"أنا حاسة إنى تعبانة أوى....لو جيت صحيني ووديني المستشفى"

لو كده ممكن نرجع عضوية
(مشكلتى )
واللى حابب يتكلم بيها يتكلم براحته
ايه رايكوا نرجعها ؟؟

يا جماعه مفيش وقت لده كله

الامتحان يوم الجمعه ولسه طبعا هاخد الكلام واترجمه واظبطه يعنى مفيش وقت خالص

تخيل مثلا ان حد قابلك فى الشارع وسالك سؤال ( إيه هى التحديات اللى بتواجهك)

أظن مفيش إحراج

ومتشكره على التعاون

يا جماعه عاوزه مشاكل زى مثلا ( مش لاقى شغل ...مفيش مصدر للمعيشه...مش عارف اتجوز.) كده يعنى

كان نفسى اساعدك يا حبى :)

هههههههههههههههههههه

كلكم نفسكم تساعدوا ؟

بس قرفانين... نفسكم مش جيباكم معلش

أنا مش صعب اكتب كل المشاكل ..دى حاجه سهله جدا وفعلا كتبتها وترجمتها

المشكله إن جزء من الامتحان إستطلاع رأى يعنى لازم أقول كلام على لسانكم إنتوا مش من دماغى أنا

على العموم Big thank for all

كده أنا خلاص يعتبر جمعت كل النقط اللى هتكلم فيها

مرسى يا سمكه

ممكن اسال سؤال بس لكريم هو اللى كتبه

دة حقيقى ولا دى من وحى خيالك قصه عاديه

بجد والله مش بهرج

واسفه ان كان سؤالى مش مساعدة ليكى يادهب بس بجد انا شدنى رد كريم جدا

طيب ردوا على بعض براحتكم واتحدتوا لو تحبوا

أنا كده خلاص مش محتاجه مساعدة

ثانكس

أعتقد المشاكل كتيرة ومشتركة يا دهب بين أغلب الشباب .. ،

لو إتكلمنا عنها من البدايات هتلاقى :

أولا : التعليم واللى كتير من الشباب مضطرين يتعلموا عشان شهادة وبس

لا علم حقيقى ، لا ثقافة ، لا فهم ، لا حب للمادة العلمية أصلا ، لا .. الخ

أعتقد الحل يكمن فى إعادة هيكلة العملية التعليمية فى مصر بالكامل وإعادة النظر فى المادة العلمية اللى بيتم تدريسها

كمان الاهتمام بتكامل دور المدرسة الحقيقى مش فى التعليم بس فى الترفيه وتنمية المهارات

ورعاية الموهوبين بحق .. ،

ثانيا : بعد المرور بمراحل التعليم المختلفة (ما بعد التخرج) بنصطدم بواقع مرير

وهو إن رسميا شهادتك مش كل حاجة

بـ نضطر ندخل مراحل تانية جديدة مكملة لضعف العملية التعليمية اللى أصلا انتهينا منها زى بقى الكورسات

ومحاضرات التأهيل وغيرها ويبقى كل ذلك فى كلمة سر وهو فرص العمل المحترمة

اللى مرتبها يضمن حياة كريمة لفرد فى بداية حياته

طبعا وبما ان الواقع بيقول إن دا مبيحصلش إذا بيبقى صعب جدا إن مرتب ضعيف يوفر لفرد

مادة كويسة تساعده على بداية حياته والاعداد لمشروع تانى مهم

وهو الزواج خصوصا مع غلوه فى الزمن دا بطريقة كبيرة ..

أعتقد دا جزء من مشاكل كبيرة بتواجه الشباب فى المجتمع المصرى .. ،

::

مصطفى فتـ7ـى كتب:: أعتقد المشاكل كتيرة ومشتركة يا دهب بين أغلب الشباب .. ،

لو إتكلمنا عنها من البدايات هتلاقى :

أولا : التعليم واللى كتير من الشباب مضطرين يتعلموا عشان شهادة وبس

لا علم حقيقى ، لا ثقافة ، لا فهم ، لا حب للمادة العلمية أصلا ، لا .. الخ

أعتقد الحل يكمن فى إعادة هيكلة العملية التعليمية فى مصر بالكامل وإعادة النظر فى المادة العلمية اللى بيتم تدريسها

كمان الاهتمام بتكامل دور المدرسة الحقيقى مش فى التعليم بس فى الترفيه وتنمية المهارات

ورعاية الموهوبين بحق .. ،

ثانيا : بعد المرور بمراحل التعليم المختلفة (ما بعد التخرج) بنصطدم بواقع مرير

وهو إن رسميا شهادتك مش كل حاجة

بـ نضطر ندخل مراحل تانية جديدة مكملة لضعف العملية التعليمية اللى أصلا انتهينا منها زى بقى الكورسات

ومحاضرات التأهيل وغيرها ويبقى كل ذلك فى كلمة سر وهو فرص العمل المحترمة

اللى مرتبها يضمن حياة كريمة لفرد فى بداية حياته

طبعا وبما ان الواقع بيقول إن دا مبيحصلش إذا بيبقى صعب جدا إن مرتب ضعيف يوفر لفرد

مادة كويسة تساعده على بداية حياته والاعداد لمشروع تانى مهم وهو الزواج خصوصا مع غلوه فى الزمن دا بطريقة كبيرة ..

أعتقد دا جزء من مشاكل كبيرة بتواجه الشباب فى المجتمع المصرى .. ،

::

كل اللى دخلوا الموضوع قعدوا يتلككوا بحاجات فاضية ورغى ع الفاضى
وانا اولهم مبسوط

انما شوفوا الرد ياجدعان اللى جايب الخلاصة ومن الاخر
هندسة برضه مش اى كلام ياجدعاااااان
الرد ده مووت الموضوع خلاص
مات قبل مايترجم

هههههههههههههههههه

لا ممتش الرد هيتاخد حالا وهيترجم ان شاء الله

وألف شكر للبشمهندس مصطفى

التحدى الاول:

الوقت....
اكبر تحدى بالنسبة ليا شخصيا
استثمار كل دقيقة في شيء مفيد
ود طبعا مش بيحصل لاسباب كتير
اولا بقضى ربع حياتى في المواصلات يعنى 6 ساعات يوميا وده امر في غاية الخطورة
ثانيا التأهيل النفسي لمقاومة هوى النفس والبحث عن مايفيدنى او يفيد المجتمع وبس وازاى احافظ على وقت الشغل للشغل ووقت الترفيه للترفيه

التحدى الثانى:

حب ماتعمل كى تعمل ماتحب
ودى مشكلة خطيرة برضه وديما بسأل نفسي طب ليه مانعملش اللى بنحبه من الاول
وديما الجواب الاقرب لفكرى هو لان اهلى عايزني مهندس او دكتور وانا بحب الكورة او الفن او........
ثقافة المحيطين بينا لازم تتغير ..المواهب بتموت وسط العادات والتقاليد العقيمة

التحدى الثالث:

سوق العمل
زي ماتكلم مصطفى عن التعليم
اضيف ان لازم يبقى في العملية التعليمية تدرج في اتجاه سوق العمل
يعنى ماينفعش كله الدراسة تبقى اكاديمية بحته واخرج لسوق العمل معرفش اتعامل
لازم يبقى التدرج ده يوصلنا لاخرة مرحلة تعليمية وهى كيفية التعامل مع السوق يعنى على الاقل اعيش عاميين دراسيين بفكر سوق العمل

مش فاكر حاجه تانية لما افتكر هقول على طول

صباح الفل

المفروض بعد الكلمتين اللى البشمهندس باهر قالهم دول
نتعزم كلنا على طقم حاجة سااقعة
كفاية يادهب
انك مش هتلاقى حد جايب مشاكل زى اللى انتى خدتيها دى

بجد مش عارفه أشكر البشمهندس باهر إزاى

ولا أشكركم كلكم إزاى

بس وعد منى لو نجحت وأديت الامتحان كويس

ليكم حاجه ساقعه عندى

مرسيى يا بشمهندس على الكلام الجامد ده

اقتباس :: ليكم حاجه ساقعه عندى

مش عارفة مش مصدقاكى ليه هههههههه

خليكى فاكرة يااسماء انها قالت وعد
بس نتيجة الامتحان امتى طيب

مش تقلق هى ادبست خلاص ^_^

وعد الحر دين عليه

وأنا حرة

ومن غير نتيجه وغيره مجرد محاولتكم لمساعدتى ده يكفى

وإن شاء الله ليكم حاجه ساقعه فعلا

اللى هيرد بعد ردى ده ملهوش حاجه

هما اللى ردوا بس علشان نبقى على نور ههههههههههه

» صور شباب يسحبون بنات للعوم فى البحر
» بدل كلاسيكية تحفةةةةةةةةةةةةةةةة
» ننتظركم جميعا ..فى حفل تعارف شباب العمار وأخوانهم من شباب امياى
» دعوة حضور ... الي شباب منتدي شباب العمار
» بنات اخر زمن ....... قول رايك