أنـــــــت في عـــــيون الآخـــــريــــن

مساء الخير علينا وعليكم
زى ماعملنا السنة اللى فاتت الماجيك وحققت نجاح هايل وفوق الوصف
وان شاء الله تحقق نجاح اكبر فى موسمها التانى مع اول ايام شهر رمضان
السنة دى برضه هنعمل
((((أنـــــــت في عـــــيون الآخـــــريــــن))))
عايزكوا بقى تصحصحوا علشان نفهم يعنى ايه
فكرة الموضوع
ان احنا هنختار عضو
وحضراتكم هتقيموه عن طريق ارسال رسالة خاصة ليا انا
هتقولنا فيها تقيمك للعضو ده من مميزات وعيوب
وطبعا التركيز هيبقى على العيوووووب اكتر بكتير ولكن بحيادية وبكل ادب واحترام
بحيث ان ضيفنا فى الموضوع يشوف نفسه فى عيون الناس والناس تكلم
بهدف النصح
للضيف علشان يعرف عيوبوا ويتلافاها
الناس هتبعت تقيماتها على مدار 4 ايام بارقام مختلفة
وبعد كده انا هكتب التقيمات بدون ذكر اسم اى عضو
والموضوع لازم ناخده بمحمل انه تنمية بشرية اكتر منه لعب وهزار
واكيد كل الناس عاوزة تعرف الرأي عامة فيها إيه..

ــــــــــــــــــــــــــــــــــــــــــــــــ

ع الهامش
الموضوع فكرته كمجل واقتراحات تعود الى الاستاذ محمد عبدالرحمن
هو صاحب كل الكلام اللى مكتوب فوق ده

فكرة حلوة

لكن في رأيي الماجيك افضل

Baher Hokkam كتب:: فكرة حلوة

لكن في رأيي الماجيك افضل

ياهندسة الماجيك موجودة برضه
بس المشكلة ان الناس خدت انطباع عن الماجيك
ان هيا مدح وكلام جميل عن العضو فقط لاغير
انما دى عكس الماجيك خاااالص
الاعتماد ع العيوب هيبقى اكتر بكتيييييييير من المميزات

جميل جدا ،،

لو الموضوع هيبقى فى احراج ياجماعة ان حد يبعتلى
او يكون مقلق ان الضيف يعرف منى مين العضو اللى قال عليه الكلام ده
احنا ممكن نعمل عضوية جديدة برقم سرى معروف لكل الاعضاء والعضو يستخدمه فقط لما يجى يبعت تقيمه وبكده هاكون انا مش عارف
مين اللى بعت التقييم
ايه رايكوا فى الاقتراح ده ؟؟

عايزين نشغل الموضوع ده يجماعة
ايه رايكوا فى اللاقتراح اللى فوق ده ؟؟

عذراً لسة شايف الموضوع دلوقتي

موفق إن شاء الله يا أ/ إٍسلام

زي ما قولتلك الموضوع ده محتاج شجاعة كبيرة ومسئولية

من الضيف ومن الأعضاء

خصوصاً والكل بيحاول ياخد جانب السلامة ولا يحاول أن يواجه الناس بعيوبها حتى يحتفظ بالود

وإن كنت شايف إن بالعكس لما نوصل لكل واحد عيوبه بإسلوب رقيق وراقي هننفعوا بشكل كبير

كما إن الشخصية القويه لا تخشى أن تواجه بعيوبها

عموماً إحنا عارفين من البداية إن الموضوع قد لا يلقى القبول وإنت حذرتني من كدة

لكن يكفينا شرف المحاولة

معاكم ..

SHeRiF allaM كتب:: معاكم ..

welcome home
،،

أسيرة الأحلام كتب:

SHeRiF allaM كتب:: معاكم ..

welcome home
،،

Thx Sis ,,U R Welcome مبتسم

Baher Hokkam كتب:: فكرة حلوة

لكن في رأيي الماجيك افضل

SHeRiF allaM كتب:: معاكم ..

يانهار ابيض ياجدعان
البشمهندس شريف نورنا انهردة
مش كنت تقول ياعم
كنا ضربنا نااااااار فرقع

ربنا يخليك يا عم اسلام .. ده من زوقك والله ... شوف هاتشغل الموضوع ازاى .. وياريت اكون انا اول حد تختاره علشان نشغل الموضوع

حبيب قلبى ياعم شريف
انتا تنور الموضوع ياباشا

كل سنة وانتوا طيبين
اهلا بيكم فى برنامجنا وبرنامجكم
((((أنـــــــت في عـــــيون الآخـــــريــــن))))

انهردة ان شاء الله هتنطلق اولى فاعليات حلقات برنامجنا
((((أنـــــــت في عـــــيون الآخـــــريــــن))))
هيكون معانا اول ضيف
البشمهندس شريف علام
ويارب يابشمهندس تستفاد من برنامجنا
وميكونش فى زعل فى الاخر من اى حد
..

للتذكرة
فكرة البرنامج

ان احنا هنختار عضو
وحضراتكم هتقيموه عن طريق ارسال رسالة خاصة ليا انا
هتقولنا فيها تقيمك للعضو ده من مميزات وعيوب
وطبعا التركيز هيبقى على العيوووووب اكتر بكتير ولكن بحيادية وبكل ادب واحترام
بحيث ان ضيفنا فى الموضوع يشوف نفسه فى عيون الناس والناس تكلم
بهدف النصح
للضيف علشان يعرف عيوبوا ويتلافاها
الناس هتبعت تقيماتها على مدار 4 ايام بارقام مختلفة
وبعد كده انا هكتب التقيمات بدون ذكر اسم اى عضو
والموضوع لازم ناخده بمحمل انه تنمية بشرية اكتر منه لعب وهزار
واكيد كل الناس عاوزة تعرف الرأي عامة فيها إيه..
ــــــــــــــــــــــــــــــــــــــ
يلا ابعتولنا تقيم ححضراتكم
للبشمهندس شريف فى رسالة خاصة
وطبعا التركيز على العيوب هيبقى اكتر من المميزات
علشان ضيفنا يعرف عيوبة ويتلاشها ..

!!!!!!!!!!!!!

رسالة جماعية كدة منك يا أ/إسلام هتنشط الدنيا

مش متاحة لى الخاصية دى والله ياستاذ محمد

بالنسبة للتقيمات ياجماعة مش بالارقام
بالكلام
علشان فى ناس بعتت ارقام
يعنى هتبعتوه تقولوا وليكن مثلا
انسان بخيل
طماع مش بيحب الا نفسه
كداب وحاجات من هذا القبيل يعنى
اوكى ..

انا معاكم من غير ماعرف هو فى اية
بس دايسة [ندعوك للتسجيل في المنتدى أو التعريف بنفسك لمعاينة هذه الصورة]

ورده بلادى كتب:: انا معاكم من غير ماعرف هو فى اية
بس دايسة [ندعوك للتسجيل في المنتدى أو التعريف بنفسك لمعاينة هذه الصورة]

اقرى راس الموضوع كويس ياوردة وابعتى التقييم فى رسالة خاصة ليا

الله اكبر
يا فرج الله
تقييم رقم 1

شريف حد كويس جدا دماغه رهيبة ف التكنولوجيا والنت وكدا

طموح غير عادى بتنطبق عليه اغنية منير كل المفروض مرفوض

من ناحية العيوب مش هقدر احكم اوى بس معندوش فن التعامل مع العنصر النثائى

بحس انه حتى لو غلطان مش هيتعذر

عصبى عنيد وبحسه ف بعض الاوقات متسرع

لكن عصبيته دى ساعات بتحل حاجات كتير ،، لهجته ف المنتدى وف الحقيقة بتعجبنى

بحسه شايل هموم كتير جدا بس مش بيتكلم خالص

بيتحكم كويس ف اعصابه ومشاعره بالحزن او الفرح

تقييم رقم 2

شريف غريب شوية تلاقيه بيهزر وشوية تلاقى جد يعنى ملامح شخصيته مش مفهومة

بس دمه خفيف بجد

نفسى يبقى عنده انتماء للغتنا العربية

تقييم رقم 3

شريف أهم ميزة فيه ان اللي في قلبه على لسانه و بالرغم من إن كتير في الزمن العجيب بتاعنا ده بيعتبروها عيب مش ميزة و ممكن يشوفوه ناشف أو رخم إنما الحقيقة فعلا ان اللي بيقرب منه لازم يحبه و اللي بيتعامل معاه بيلاقيه أبيض من جوه و أنا عن نفسي بحبه جدا و ليه في قلبي مساحة كبيرة من الحب و الاحترام و يارب يرجعلنا بألف سلامة لأنه فعلا وحشنا