لعـــــــــــــبة الماچــــيك /m\

تذكير بمساهمة فاتح الموضوع :

بمنــــــــاسبة العيد السنوى للماجيك
اللعبه بقالها سنة دلوقتى
عشان كدا هنبدأ بأول عضو لعب

معنا ومعكم الماجيك الجديــــــــــــــد

A$Maa M0hi

5555555555555555555555555555555555555

هو كدا الرقم بالظبط :)

شخص محترم وجدع ،، صاحب واحد مش بيحب يلعب لعبة الماجيك خالص :)

بيفضل ساكت ساكت ساكت ووقت ما بيغضب كأن بركان وثار

هادى وبيتابع ف صمت ،،

معرفش توجهه السياسى حتى الان ومش بيحب يدخل ف مواضيع السياسة كتير

كان فيه موضوع ليه من كزا شهر خلانى احط مليون علامة تعجب ع بعض الكلمات الى ذكرها

بس التمستله العذر لان الموضوع كان ينرفز فعلا ..

حكمى دا ميعتبرش الواقع بالنسبة ليه يمكن يكون اه ويمكن يكون لا

اول دخولى المنتدى حصل تاتش بينا من ضمن خناقتى كنت داخلة المنتدى علشان اتخانق بس

ههههههه ،، بعد كدا بقى التعامل عادى جدا ..

شارك ف المعرض بس كان بيجى متأخر :)) لا بجد

يعتمد عليه ومش بيحب يزود كلام مع اى بنت ع المنتدى ..

بتمناله كل خير ربنا يوفقه ف حياته :)

واحد وست ستات :)
شخصية زى الموجه بتأقلم نفسها مع التيار ،
شدة وحزم تلاقى ، هزار تلاقى ، تحمل مسؤلية تلاقى ،
بيهتم بقدر المرأة ومقتنع تماما بانها نصف المجتمع ،
مش من السهل يشكر ف الحاجة ولو شكر وقال كويسة تأكدوا انها بيرفكت :))
ساعات بيكون متسرع ف الحكم ع الاشياء مش طول الوقت ،
لما بيكون متضايق بيفضل يتحمل يتحمل وساعات بيلتزم الصمت بس الشخص دا
كلامه وزعيقه اهون من صمته ف وجهة نظرى ..
بيعرف ازاى يكون شخص ناجح ،
بحسه كتير شخص غريب وبالذات ف السياسة مش بحب ارائه فيها خالص
اتجاهه السياسى ممكن يكون مأثر ع حاجات كتير ف حياته ..
دايما تلاقيه عارف كل حاجة عن كل حاجة ف اى وقت واى مكان هههههه
ف الماجيك نصحنى نصيحة كويسة بس كنت عملت بيها قبلها ولقيت فعلا مفعولها كويس جدا
بتعلم منه الثقة بالنفس وان الشجرة المثمرة لازم تقزفها الناس بالحجارة
وان الى بيمشى ف اى طريق حتى لو مش عاجب الناس
بس ادام سلكه ف الاول لازم يكمله ..
مش من السهل انه ييأس او يستسلم رغم ان ممكن معوقات كتير تقابله
بس بيصمد قصادها جدا ،،
ف حلقات خاصة جاوب اسئلة نصها مش كنت مقتنعة بيها وكنت حاسة ان فيه عنده افضل من كدا :)
بيتقبل الرأى الاخر وبيصر انه يوصل رأيه هو كمان ايا كان ..
المهم ،، نصيحتى ليه :)
خليك ف كل حاجة بتعملها بنمط واحد من السلوك او خليك الوش العادى او الطبيعى بتاعك يعنى ^_^
علشان كتير واخدين عنك انطباع غير شخصيتك تماما
والشغل شغل والهزار هزار بردو مش هيتنافو مع بعـــــض :)
بالتوفيق ف حياتك ان شاء الله ..

اخيرا عرفت حد ههههههههههههه

والله يا أسماء عرفت الشخصيه من جمله واحده ^_^

دهب كتب:: اخيرا عرفت حد ههههههههههههه

والله يا أسماء عرفت الشخصيه من جمله واحده ^_^

ههههه اللهم لك الحمد دهب عرفت شخصية xD

خــــلاويـــــــــص ؟؟

اه خلاص يا بشمهندس ..

هاتـــــــــــــــــو الماجيك اللى لسه بشمعه م التلاجه

الماجيك الجديد وصل ،،،

لما تسمع كلام كتير ومتفهمشي منه حاجة ... فأنت أكيد بتتكلم معاه

لما تقرأ كلام وتموت من الضحك والناس تقول عليك مجنون ... فأنت أكيد بتقرأ له تعليق

لما تلاقي الرومانسية مقطعة بعضها وتبقي الدمعة هتفر من عينك .. فأنت أكيد بتقرأ له موضوع

لما تشوف بلدنا منورة الفيس بوك والنت تعرف ان دي بصمته

تشوفه تحس ان الدنيا لسة بخير

.

.

.

.

مع نجم النجوم

.

.

أحمد القماح

بغض البصر عن الكلام الى بقوله ومش منقول الى بتقوله ف الاول دا لان زى ما انت شايف كدا كل كلامى
مفقوس ... وكده ... عايز ايه بقه

عايز اقولك واحشتني

يا بتاع الفار

وانت كمان وحشت الفار اوووووووووى

001

يافتاح ياعليم يارزاق ياكريم
هاكل بس ياعمنا واجى اكمل ... واقسوم بالله جعان

انا اسف ياجماعه مش هقدر اكمل معاكم اللعبه

ليه يابنى دا انا كنت داخل اصبح عليك

انجز يا قماح
هنتحيل عليك ولا ايه

مين يبقى الماجيك ؟

عاوز أشارك فى الماجيك

بس قولولى من تانى التعليمات بتاعت الموضوع لو سمحتم[center]

ايـــهاب رفعت كتب:: عاوز أشارك فى الماجيك

بس قولولى من تانى التعليمات بتاعت الموضوع لو سمحتم[center]

تمام يادكترة
اقرا رأس الموضوع تانى وهتلاقى فيه كل حاجة

ماشى يالا نبدأ ياباشمهندس

4.9

(انسان) زينا .. سنه كبير بفكره & وتجاربه قليلة لسنه

محب للدنيا ومحب للحياة ومحب للأشياء الجميلة

عاوزه يعرف الأرض اللى هايحط رجله عليها الأول قبل مايخطيها

(انسان) مبيقدرش يخفى الطفل اللى جواه فبيفرح بأى شىء مهما كان صغير

مخلص أمين جدع بس محتاج يفهم ويتفهم زى ماذكرت طبيعة الأرض اللى هايخطي عليها

شايفه من فترة كان أفضل ولكن زى ماذكرت انه (انسان) زينا بينشط وبيكسل بيزيد وبيقل فى همته وحياته

أتمنى يكون متفهم كلامى كويس وأتمناله التوفيق ولكل الناس

1

(انسان) انا بحترمه قبل ما أكون بحبه .. لإن طبيعته فى الأساس عملية أكتر منها عاطفية

بحترم فيه توافر (الإرادة) اللى هى أول خطوة فى طريق (الفعل)

من الناس اللى بتفكر باللى بتمليه عليه ذاته أكتر من اقتناعه برأى وفكر الناس اللى حواليه

هاعمل تركيز على نقطة من النقاط اللى فيه وهاتكلم فيها بإستفاضة :

كنا بندرس فى 3 ثانوى زمان قصة الإنجليزى وكانت بعنوان (hard times) وكانت القصة بتدور حوالين صراع بين قيمتين

1- قيمة الـ (emotions) .. وكانت بتمثلها البطلة والبطل
2- قيمة الـ (facts ) .. الحقائق الخالية من العواطف .. ودى كان بيمثلها واحد كان رجل أعمال (طابع عملى) اسمه
(مستر جريدجرايند) مكنش بيعترف بالعواطف وكان بيقول كلمة مشهور طول القصة : facts only are needed in life

(الانسان) الذى أتحدث عنه من كثرة استخدامه وتعامله بالـ facts أثر ذلك فى البعد الآخر وهو : emotions

لذا أتمنى لهذا (الانسان) من قلبى أن يكون كالطائر رأسه الطموح وجناحيه إحداهما الـ emotions والآخر facts

وأن يطور من جناح العاطفة ويعطيه بعداً بل أبعاداً أكثر من ذلك وقتها سيرى الفارق .

70

(انسان) طيب وبتاع واجب .

أهم نقطة لما بشوفه بتروح عينى عليها : احترام اللى أكبر منه .. ودى بجد نقطة أقل ما يُقال عليها انها مميزة جداً فى هذا (الانسان)

(انسان) عفوى تلقائى وجد رغم ابتسامته المستمرة .. يمكن علشان تربية البيت تحتم عليه كده.

زيه زى أى حد عنده زمايل كتير وحبايب كتير هانلاقى فيه الغيرة وفيه الجدعنة وفيه المحبة ..

أتمنى منه إن مفيش مرة يكسر فيها خاطر انسان حتى ولو كان بدون قصد ..

عاوزه يبص لحد عزيز عليه ممكن يكون فارق الحياه ويحاول يسيب بصمة زيه فى قلوب كل اللى حواليه.

أتمنى لهذا (الانسان) التوفيق وإن ربنا يحفظله أسرته ويحفظه ليهم .

369

(انسان) كلمة السر فيه : التوازن اللى بيأدى الى ------> الإتزان .

- أكتر واحد تحب تشوفه وهو مبتسم ، بس ده مابيمنعهوش من إنه ليه مواقف بياخد فيها أكشن قوى جداً
وصعب إنه يتراجع فيه .. توازن.

- (انسان) بسيط للدرجة اللى تحسسك لو شوفته لأول مرة - وده حصل معايا - إنك شوفته كتير قوى قبل كده ..
بس ده مش على حساب درجة إعتزازه وتقديره واحترامه لنفسه للدرجة اللى ممكن اللى ماعملهوش
يقول عليه إنه صعب التعامل .. ولكن هو ده التوازن.

- (انسان) بيهتم بما وراء الحدث أكثر من الحدث نفسه من باب أن المؤمن كيسٌ فطن .

- أتمنى من هذا (الانسان) أن يحافظ على هذا التوازن دائماً .. ولو اختل التوازن مرة فليبادر بإعادته سريعاً .

- واتمنى أن أراه (الانسان) الذى التفت حوله عقول الكثيرين من مؤيدين لفكره ومن معارضيه فى فترات سابقة لمنطقه المنصف ..

وأن يتعامل بشكل حسى كما يتعامل بالشكل الحدسى فقد يكون الأمر الذى هو فى الظاهر بسيطاً هو فى مضمونه بسيطاً أيضاً وأن علينا

أن نتعامل معه كما هو ببساطته دون تعمق.

أتمنى له إفطاراً شهياً مبسوط

تتصوروا باعتلى ايه

بعتلى ZeRo

انا مش هاتكلم عنك .. انا هاكلمك بشكل مباشر

مش مستغرب انك باعت ZeRo .. انت دايماً بالنسبالى مميز .. فى كلامك فى ضحكتك فى طريقة لبسك فى مشيتك حتى وانت جد بتبقى مميز

فمش مستغرب إنك تختار ZeRo

واحد مرة قالى عنك انك بتحترم نفسك .. وفعلاً انت كده ..

بفرح لما بشوفك او بكلمك وبخاف والله عليك جداً

انت اعتقدت مرة انى مقصر .. وده ضايقنى جداً لكن ربنا العالم قد ايه انك على طول ببالى

أعتقد إن مراحل العلاقة مابين 2 بتبدأ بزمالة وبصحبة وبتنتهى بمحبة .. بس انت بالنسبالى تخطيت المحبة دى .. أنت أخ

تصدق بالله انت الحاجة المسكرة فى حياتى ربنا يخليك ليا يارب ويوفقك

شوفت بقى ان حتى اختيارك للـ ZeRo اختيار مميز

» لعـــــــــــــبة الماچــــيك /m\