للمنتدى يد بيضاء على الفيسبوك

لا شك ان الفيس بوك من الجمال بالقدر اللى يجعل منه ادمان أكثر من مجرد تعود

والفيس بوك عليه أفكار ورؤى وكتابات لمختلف الأعمار وتعدد التوجهات وبكل الألوان

نجد مايستحق القراءة

ونقابل مالايستحق القراءة

وأحيانا نرى مالايستحق الوقوف عنده أصلا

المنتدى كان له يد بيضاء فى ذلك

كل من دخل المنتدى وأصبح مرتبط به وتعود على لغة الحوار الهادئة المحترمة المحترفة للكتابة والصياغة

هو نفس الشخص الذى رأيناه على الفيس بوك بنفس اللغة الهادئة المحترمة المحترفة للكتابة والصياغة

________________________

المنتدى أول مكان يجمع بنات وشباب مع بعض فى مكان ويكون بينهم احترام بالشكل اللى معهود عنه

قولولى حد من عندنا شاب أو بنت مش استار على الفييسبوك باخلاقه واسلوبه ورأيه ؟؟

ج/مفيش ..

قولولى فين مكان اتجمع فيه شباب وبنات على ارض الواقع بالشكل الهايل اللى بنشوفه فى المعرض؟؟

قولولى امتى سمعنا عن رحلة طلع فيها شباب وبنات مع بعض .. بس تالتهم الأطفال اليتام؟؟

ج/مفيش

انا نفسى اتعرفت على أم عيالى :) من المكان ده وكانت الحمد لله نقطة تغير ف حياتى

اللى بيحب ماضيه وزكرياته ،، وبيعتبر المكان ده جزء منه ومن تاريخه فى الحياة

مايسبناش مش بقول يسيب اللى وراه ،، بقول بس مايسبناش ،، يطل علينا ويطمن علينا ونطمن عليه

أحبيبى أمنتدى :)

بشكر الاستاذ احمد صلاح لانه حفزنا كلنا بالموضوع اللى كتبه من يومين

عن فضل المنتدى

فضله انه سبب فى اننا اتجمعنا

بشكر اللحظات الحلوة اللى قضتها هنا

والناس الجميلة اللى كان سبب فى اننا اتعرفنا ع بعض

ولحظات التشوق انى اشوف واحد من اللى كانوا عتلى المنتدى لاول مرة بعد مانكون اتكلمنا مع بعض ع المنتدى

وبقينا زى الاخوات .. وناقص بس نشوف بعض ونتعرف على بعض واحنا ولاد بلد واحدة

المثال ده اتطبق ع ناس كتيرة زى المهندس شريف

بجد انسان انا لو مكنش ظهر فى حياتى كنت هاخسر كتيييييييييييييييييييييييييييييييييير قوى

شخص زى ابوحازم ومحمود عمارة والقماح ولا محمد عبدالسلام وميزو وهيما وويزو

باسم صلاح واحمد صلاح ووليد العسيلى ومحمد رضا وعلى رضا وعبده وم/عبده ود/على الداعوس

ود/تامر الطوخى وأ/عادل عتمان وأ/مسعد الديب وأحمد محى عبدالعاطى ود/احمد ع العليم زايد وطبعا

وعلى زايد وأ/إسلام والدكتور احمد طلعت والاستاذ مسعد النجار وأ/محمود شاهين ووووو

المهندس مختار مش عارف هوازاى تأثيره قوى بالشكل ده فى نفوس كل اللى يعرفوه وانا واحد من صميمهم

فاهم ليه التاثير قوى بس مش عارف هو بالقوة الغريبة دى ازاى

الاستاذ احمد هلول اول مرة اشوفه من سنة فاتت انسان ايه الهدوء النفسى وجمال الروح وخفة الدم دى

كنت اول مرة اشوفه فى حياتى فى فترة اجازته من السعودية

ابن عمى الأستاذ سميح ومع ذلك اول مرة شوفته فيها بعد ما اتعرفت عليه من المنتدى وهو فى السعودية

الاستاذ جمال احمد العمراوى الجميل الخدوم المجتهد

ايام من عمر كل واحد فينا فى الغالب فيها كانت جميلة وفى كثير منها كانت ايجابية

وهى دلوقتى زكريات وما اجملها

-----------------

مأفور شوية صح

ماهى دى حلاوتها برضه

انى بأفور قدام اخواتى فمش مكسوف من حد قاعد فى بيتى من الاخر وبتكلم براحتى

تيحاتى

صدقنى يادكتور دى مش افورة ولا حاجة
ذكرياتك الجميلة اللى بتعدى قدام عنيك هى
اللى بتخليك تكتب بالطريقة دى
وبتطلع الكلام بالشكل ده
صصدقنى لو كل واحد رجع ذكريات زمان الجميلة اللى قضاها هنا قدام عنيه
المنتدى ده هيشتغل 24 ساعة

وبعد فترة سرقنا الفيس من المنتدى

وشتونا والله كلكم :)

سيبقى هذا المنتدي وذكرياته محفورة في قلوبنا . ما أجملها من أيام وما أعظمها من ذكريات ليتها تعود

ESLAM GODA كتب:

دى تانى مرة اقرا فيها الموضوع ده
بجد كلنا محتاجين نقراه

انا قراته ورغم ان غريب عن اهل البلد بس قضيت معكم اجمل ايام وذكرايات لاتنسى ومن وقنها اعتبر نفسى وسط اهلى واصدقائى وليس غريب وحبيت كل الاعضاء الكرام
وحشتونى جميعا وتحياتى ليكم واحد واحد