رباعيات بلا عنوان

1-

أنـــا مش هحــبك كــــــــــــــــده تاني وانا خايف
أنا مش هعيش مســــــجون لآخــــــــــــــــر العمر
همشي فى درب الهوى شايف .... ومش شايف
واخــــلع بقيت إسمي واعـــــبر عنيكي الســـــُمر

2-

فاضل من العمر لحظه .. وانا قـــــلبي متأخر
والقـــــطر حــــالف م الريـــــــــــــــــاح لـــ يفِر
دا انا مش مخيّر فى حبك, دا انا ألف متسخّر
والله لـــ اعشــــق أنـــــــــــا, عِشق العلن والسِر

3-

قــــــلبي اللي صحرا وبور من لمستك نبّت
والضلمه صبحت نور واهي مهجتي وجّـــت
أيه الغريب أن انا شاعر وطالب حـــــــــــب
عـــــايزيني اموت يا ناس والقلب متفتت ؟!

4-

أنا اللي هعشق وحتى لو هموت مصلوب
انا اللي هعند وهعبر بحر كله ذنـــــــــوب
مهو برضه يبقى حــــــــرام المشنقة تتحط
إذا توبي م المعشقة جرب فى ليلة يـدوب

5-

لو لسه بتفكري ..فخلاص أنا قـــــــررت
هبقى فى روايتك بطل ياام العيون السود
وانتي الليلادي نغم هغزف نشيده بشــرط
شدي الستارة أقفلي ... ملعون أبوها قيود

6-

إنتي الصديقة الرفيقة اللي ماتحمل إسم
إنتي اللي وجدوا ملامحك في ملامحي رسم
إنتي المعاصي الجميلة لحظة هيام الإثم
إنتي اللي زي الروح تايهه فــ قلب الجِسم


7-

بين الورود بلّمحك طايرة بألــــــف جنــــــاح
زي الفراشة اللي لونها ليه العيـــــون ترتـــــاح
خلي النسيم مسكنك عطرك يدووم فــــــوّاح
ده مش مباح نلمسك ..لكّن نشوفك مبـــــاح

8-

بتداري وشك ليه مني وخجلانه
ايه اللي راح نخسره لو حبنا معانا
خافي دا كل العيون شايفه وحسدانه
واذا فاتنا قطر الهوى ,, يا مُر شكوانا

9-

عسلي يا لـــــــون العين يادم شرباتي
كام مرة خاف الهوى من شكي وسكاتي
هاتي الــــــــــــلي باقي بقه من المتاع هاتي
دا العــــــــــمر قرّب يفوت وانا أســـير ذاتي

10-

بيسألوكي ليه .. دينك وديني إيه ؟!
من أمته كان الهوا بيتنفي بالدين !
اللي يقولك كده جاوبي وردي عليه
قولي طلعنا كده .. وبقينا م العاشقين