فنجان قهوة مع عضو مميز (2) .. م/شريف

1- بتبقبض كام فى السعودية [ندعوك للتسجيل في المنتدى أو التعريف بنفسك لمعاينة هذه الصورة]

بالريال ولا المصري [ندعوك للتسجيل في المنتدى أو التعريف بنفسك لمعاينة هذه الصورة]

2- هل انت مقتنع بالحب الأول ،، وهل فى مرة حبيت الحب الول ده . احكيلنا ؟

والله فكرت كتير بالسؤال .. اكذب ولا اتكلم بصراحه .. بس بعد تفكير لمدة 3 دقايق مش هارد على السؤال [ندعوك للتسجيل في المنتدى أو التعريف بنفسك لمعاينة هذه الصورة]

3- حاسس انك قدمت ايه لنفسك ولأسرتك ولبلدك ؟

مقصر فى كل الجوانب دي .. اسرتي مقدمتش ليهم حاجه افتخر بيها لكن فى الوقت القادم ان شاء الله اقدر اقدم ما بوسعي لإرضائهم عني .. بلدي مقدمتش كتير يمكن اشتركت مره او اتنين فى الجمعيه من باب التعاون المجتمعي والمشاركه وكده لكني كنت متقاعس اوقات كتير جدا مع الجمعيه لكن الشباب ما شاء الله بيقوماو بالواجب وزياده ..تفاعلي مش كبير وغير مؤثر

4- المنتدى والفيس .. مقارنة ؟ واحكيلنا ازاى اتعرفت على الـ 2 ،، وكلمنا عن مكاسبك ومخاسرك من المنتدى ؟

المنتدى عرفته عن طريق محمود :) ،، ودخلت قبل كده بأكتر من عضويه وانطردت وكملت بالعضويه دي .. والحمد لله استفدت كتير من المنتدى .. اهمها اني اتعرفت على شخصيات كتير هنا ربنا يجمعني بيهم فى الجنه ان شاء الله .. ومنهم انت يا هوبا :)
المنتدى خسرني وقت .. يمكن وقت كان هايبقى مهم جدا بالنسبه للدراسه وكده لكن الحمد لله على كل شيء
الفيس عرفته بالصدفه كده وكنت مخنوق منه جدا الاول بعدين بقيت ادخل عليه بإستمرار والناس كلها لاقيته وسيله سهله للتواصل وضيف كمان انه دايما بيجدد لعدم الاحساس بالملل

5- فى المستقبل .. هل ناوى على مشروع خاص أو تحضير لدراسة ؟

أي مهندس -بالتحديد-يحب يكون ليه مشروع خاص .. ان شاء الله في مشروع نفسي احققه وبالنسبه للدراسه .. اهم حاجه بتشغل تفكيري من ناحية شغلي وان شاء الله احاول احرز فيه تقدم فى الفتره الجايه بقدر المستطاع

6- انت محظوظ ولا من النوع اللى لما بيتعب بيلاقى ولو ماتعبش مش بيسعفه الحظ مع مثال او اكتر؟

ممكن اكون محظوظ بعض الشيء .. يعني ممكن تقول اعفائي من الجيش شيء كويس .. لكن في برضه مواقف مش لطيفه زي فرصة السفر اللى انا فيها ..يعني ممكن يكون الحظ بياخد رشوه مثلا وانا معرفش سكته منين [ندعوك للتسجيل في المنتدى أو التعريف بنفسك لمعاينة هذه الصورة]

7- مواقف .. أصعبها + اظرفها + أحرجها ايه ؟

صعب .. يوم سفري كان موقف صعب جدا عليا لكن حاولت اتمالك نفسي علشان اهلي

كمان يوم فرح اخويا مقدرتش احضره

ظريف .. كتيييير والحمد لله

محرج ... مش فاكر

8- المبدأ من وجهة نظرك .. ممكن يمتاز بالمرونة ، ولا لازم يكون ثابت مهما تغيرت الظروف؟

المرونه انا شايفها بتكون من بداية تعريف الامر بإنه مبدأ ممكن اختلف انا وانت فى تعريف شئ ما بإنه مبدأ فى حياتك وانا ارفضه واعتبره امر عادي واكيد فى امور مشتركه .. طالما عرفته بإنه مبدأ .. بيكون ثابت اكيد

9- هل للاعتذار مكان فى حياتك ،، مع التوضيح بموقف ؟

اكييد .. وبصراحه شايف موضوع الاعتذار ده الناس بتضخمه اوي بدون داعي .. على اى حال انا لو حصل وغلط فى حد بحاول بقدر الامكان اوصله اسفي عما بدر مني .. وبتمنى انه يقبل اعتذاري ده ..مثال والله مش فاكر يعني موقف بعينه

لكن هايكون فى موضوع اعتذار عما بدر مني للمنتدى لكن وقت ما يكون الناس اللى كنت موجوده وقت ما توليت الاداره هما نفسهم موجودين

10- هل تنتمى سياسيا لفكر معين ام تنتمى فقط لمصر بكل الوانها ؟

بنتمي لفكر أنا صاحبي دراعي وعمي قرشي [ندعوك للتسجيل في المنتدى أو التعريف بنفسك لمعاينة هذه الصورة]

11- هاتخطب امتى ومين [ندعوك للتسجيل في المنتدى أو التعريف بنفسك لمعاينة هذه الصورة] ؟

هاخطب امتى .. ربنا يسهل ممكن كمان سنه .. مين لسه مش عارف .. بدور على بنت الحلال وبتمنى الاقي بنت سورية هنا [ندعوك للتسجيل في المنتدى أو التعريف بنفسك لمعاينة هذه الصورة]