المعرض المرة دي بشع بكل المقاييس
مش عارف ده احساسي لواحدي ولا احساس كل الموجودين فيه
الحمد لله ان بكرة اخر يوم لاني مظنش ان ممكن حد يستحمل أكتر من كدا
المرة دي الضغط عالي جدا ومعظم الناس اعصابها تعبت ونفسيتها تعبت من المعرض
أحسن وصف للمعرض المرة دي
انه عامل زي حرب قرر مجموعة من الجنود انهم يدخلوها
وأول ما دخلوا معظم الجنود شافوا ان راحتهم واموالهم أغلي من دخولهم الحرب
فخلعوا بدون حتي ما يبلغوا الجنود اللي معاهم انهم اتخلوا عن فكرة الحرب
المصيبة انك بتلاقي الجنود اللي سابوا الحرب مش خجلانين من نفسهم وبالنسبة لهم الموضوع عادي
لانهم شايفين ان ده قرارهم وهما احرار فيه
ازاي توعدني انك هتكون جنبي وتخلي بيا وقت الحرب
انت مش عارف انك لما هتمشي في ناس تانية اعبائها هتزيد ومشاكلها هتزيد
يعني كان في ناس بيجمعوا تبراعات وبس وناس بينزلوا يشتروا اللبس وناس بيعملوا ابحاث وناس بتفرش وبتيع
وناس ماسكة المخزن وناسة ماسكة الحسابات
لما تلاقي اللي بيجمعوا تبرعات هما هما اللي بيشتروا اللبس وبيعملوا الابحاث وبيفرشوا وبيبيعوا وبيقوموا بكل حاجة
لمجرد انك مش في دماغك ولا همك
امبارح انا كنت بتحسبن علي كل واحد متحملشي مسئولية كلمته
ومتحملشي مسئولية اسمه اللي كتبه في ورق تأسيس الجمعية
وللأسف مش حاسس حتي بالاعباء اللي رماها علي غيره
واخد بالك انت عملت في غيرك ايه
واخد بالك انا عايز اقول ايه ومش راضي علشان لسة خايف علي زعلك
لاك في الاول والأخر صاحبي