حوار هادئ مع واحد مش فاهم

حوار هادئ مع واحد مش فاهم

▫ إنتوا يا جدع ناس أجارك الله تجار دين شريعه شريعه شريعه
إتقوا الله بقى عن أي شريعه تتحدثون ...

- سؤال مطروح ولا يطرحه إلا جاهل ولا يمنعني أدبي من هذه الكلمة
▫ ليه التلبيخ ده

- لأنها حقيقه وليست إنتقاص من مخالف
▫ برضو إزاي

- أقولك إزاي

- إنت مسلم صح؟
▫ طبعاً وموحد بالله

- طيب هل تعرف دينك ؟
▫ إنت هتلخبط تاني ولا إيه طبعاً أعرف ديني أحسن منك.

- جميل ولما إنت راجل مسلم وموحد وتعرف دينك ألا تعرف ما هي شريعتك؟
▫ يا عم انتوا تجار دين هو إحنا عرفنا الدين ده بس لما إنتوا إتكلمتوا فيه
ما أنا راجل طويل عريض وطول عمري بصلي وبصوم وبزكي وبصوم رمضان
يا راجل ده أنا حتى حجيت وإنت محجتش لسه.

- ما شاء الله ربنا يأجرك خير على ما تفعل ولكن هل الإسلام فقط ما ذكرت؟
▫ أيوة مهو إنت سلفي وهتصدعني في الليله اللي مش هتعدي دي
وهتألفلي دين على مزاجك وتطلعني كافر كمان

- صبرك بالله وخليك معايا للآخر أنا سألتك هل ما ذكرت هو فقط الإسلام
بطريقة آخرى هل الإسلام أركان وعبادات وفقط؟
▫ قول اللي عندك وخلصني إنت مش هتمتحني

- لا سمح الله يا سيدي
حاضر هقولك بس خليك معايا للآخر

- هل تؤمن أن القرآن كلام الله
▫ طبعاً وحافظ منه أكتر منك وإنت عارف
- صح أشهدلك وكنت أفضلنا في حفظ القرآن وإحنا صغيرين في الكتاب
▫ كويس إنك فاكر

- طيب هل إحنا مطالبون إننا ننفذ كل ما أمر به الله؟
▫ طبعاً بس بفهم مين
- صبرك عليا بس وخليك معايا

- ألم يقل الله تعالى :
{فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا}
{ يَاأَيُّهَا الَّذِينَ ءَامَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ذَلِكَ خَيْرٌ وَأَحْسَنُ تَأْوِيلًا}
▫ طبعاً بس عاوز تقول إيه بس

- عاوز أقول بحجية السنة النبويه المطهره
▫ يابني إنت أهبل أنا فاهم إن زي ما في قرآن في سنه
وإن في حديث صحيح وحسن وضعيف ومنكر. لخص بقى في الموضوع ده لأنك بتحكي في المحكي

- هههه ماشي يا سيدي يبقى إحنا طالما عندنا قرآن وسنه محققه هي دي ببساطه مصادر الشريعه الإسلاميه
والعلماء بيعرفوا الشريعه بإنها
( ما شرعه الله لعباده من العقائد و العبادات والأخلاق و المعاملات و نظم الحياة، في شعبها المختلفة لتنظيم علاقة الناس بربهم و علاقاتتهم بعضهم ببعض وتحقيق سعادتهم في الدنيا و الآخرة).
وما شرعه هنا جاي منين
من القرآن والسنه المطهره تمام؟
▫ لحد هنا متفقين بس هرجع وأقولك بفهم مين؟

- طيب طالما إتفقنا على الأصل نروح بقى لحدوتة بفهم مين
لو إنت تقصد إن في مذاهب أربعه وهناخد بأي مذهب هوقلك إختلافهم سعه المهم إنك تبقى طبقت الكتاب والسنه بأي فهم طالما كنت بفهم العلماء
▫ أيوه إمسك بقى في دي
بفهم العلماء السلفيين ولا الإخوان ولا الأزهريين

- طالما كانوا علماء وهتحرر مؤسساتهم من رجال مبارك يبقى اللي هما ينتخبوه
أصل كلمة علماء دي مش إختراع ومعروفين
يعني عاوز أقولك لو الأزهر لوحدوا تحرر من الطيب بتاع لجنة السياسات وإنتخب شيخ أزهر جديد وأصبح الأمر شورى بينهم لأنهم أهل التخصص يبقى كفاية علماء الأزهر
لكن زي ما هي ثورة على الفساد في كل المؤسسات يبقى لازم الأزهر ينضف ولا إيه
▫ معاك بس إحنا معانا أقليات لازم نراعيها يا أخي ومنفرضش عليهم شريعتنا

- شوف يا سيدي أولاً كفل الإسلام لهم حق الإحتكام لشريعتهم في أحكام الزواج والطلاق والأحوال الشخصية ثم قصرت شريعتهم عن تغطية باقي الإمور
▫ يعني إيه
- يعني مفيش في المسيحية شريعة تغطي أكثر من ذلك.
▫ طب ليه نفرض عليهم شريعتنا بقى

- فكر معايا في أمرين
1- لو دوله فيها أغلبيه وإرتضت الديموقراطية نظام حكم (وده اللي في كل دول العالم) يبقى الأقلية ستحكم بما إرتضته الأغلبيه وإحنا بقى دينا كفل للأقليه تتحكم زي ما قولنا
2- المسيحيين نفسهم معندهمش مشكلة في ده بدليل كلام قساوستهم والدليل الأكبر في دخول سيدنا عمروا بن العاص مصر بجيش من 4000 حندي على شعب من 4مليون مصري تقريباً وحكمهم بالشريعة الإسلاميه وحكموا راضين وهم على غير دين الإسلام وهم أغلبيه.
▫ على فكرة إنت مش فاهم حاجة أمال إزاي ربنا بيقول لا إكراه في الدين

- لا إكراه في الدين يعني لا يجبر أحد على الدخول في الإسلام مش إننا مخيرين في قبول ما نراه من الإسلام ونحن مسلمون.

▫ أمال ليه في ناس بتقول الشريعه مينفعش تحكم
- علشان جهله ومش عارفين يعني إيه شريعه ومش فاهمين يعني إيه إختلاف العلماء
▫ عندك حق !

السلام عليكم يا استاذنا انا شايفه ان المشكله مش فى الشريعه واحكامها المشكله فى طريقه تنفيذها

وكمان وان نفذت فمن منطلق دينى بحت وتمسك بها ولا منطلق وجهه نظر جماعه معينه او

مصلحتهم فكلنا طبعا لا نعترض على تطبيق الشريعه لانها ببساطه هى المعتقدات التى نؤمن بها وندافع عنها ولكن السؤال هل هذا هو الوقت المناسب

لتطبيقها اقصد بسؤالى ان اولا لابد ان نعتاد على الحريه والديمقراطيه التى نزلنا لازاله طاغوت من اجلها ونختار المصلح الذى يطبق

شريعه الله وليس شريعه الهوى فعندها ستجد مجتمع اسلامى كما نريده يطبق ما يعتنقه من افكار لا شريعه بدون عقل يعيها

اى اسلام بمسلمين وليس مسسلمين بلا اسلام

وعليكم السلام ورحمة الله وبركاته

أولاً مسألة طريقة تنفيذها رديت عليها في أصل المنشور

طالما أقرينا جميعاً أن القرآن والسنه حاكم ومشرع ولا يعلوا عليهما شئ

فنكون إنتقلنا من إقرار الشريعه إلى الفقه

يعني الفهم

وده بقى فيه المذاهب الأربعه وفهم العلماء والسلف

والأمر مش بس في التراث لأ

ده عندنا كتير جداً من الدراسات والبحوث

وعندنا الأزهر بعلماءه

ويزيد فوق ده كلوا الدورة البرلمانيه بتاعة د/صوفي أبو طالب لتقنين كل القوانين

المصريه بما يطابق الشريعه

واللي إنتهى سنة 1983

ومش كلام نظري لأ ده كل حاجة

يعني اللي عاوز هيلاقي شغل 4 أو 5 سنين كامله مجلس الشعب عكف على هذا الأمر فيه

العلماء والقانونيين والمتخصصين

بحضور الأسد صلاح أبو إسماعيل والد الشيخ حازم

ودي نسخه كامله للإطلاع

[ندعوك للتسجيل في المنتدى أو التعريف بنفسك لمعاينة هذا الرابط]

وللعلم ليست هذه أول محاوله وليس الشرع بعيداً عن التطبيق

فهذه البلاد حكمت بالإسلام قرابة 1300 سنه

ثم جاءت ال200 سنة العجاف اللي إحنا فيهم دول واللي مصر لم تر فيهم خيراً

وبالنسبة لحكاية الشعب مؤهل ولا غير مؤهل

دي شبهة باطله وأرجو من كل من يقولها (بشكل عام) أن يراجع حكم قائلها

ومدى صحتها ويراجع ماذا كان يفعل الرسول والصحابة في كل شبر يضم لأرض الإسلام

هل كانوا بيأهلوا الناس (وهم على غير دين الإسلام أو حديثي عهد به) أم كانوا يطبقون الشريعه مباشرة

وحكاية نعتاد الديموقراطيه فلا علاقة للديموقراطيه بالإسلام

الإسلام أشمل وأعم ويتجاوز كل الأنظمة القديمه المستحدثه

ويعلوا ولا يعلى عليه

وشكراً لمشاركتك في الموضوع

» حوار هادئ مع فضيلة المفتي حول مقاله في جريدة "الواشنطن بوست"
» حوار بين واحد ومراته ادخلو وانتو تعرفو الجواز حلو ازاي
» حوار بين رجل ومراه ليله الزفاف (حوار جامد)
» الفرق بين حوار الشباب و حوار البنات
» شكلك مش فاهم