كلام ابن عمي حديـــــت .....!!!!!!

تذكير بمساهمة فاتح الموضوع :

[color=darkred]بالمثل ده اقدر اقول ان كل اللي احنا بنعملوا كلام في كلام ومش عاوز حد يزعل لان زي ما في ايجابيات في سلبيات برضه .

واللي خلاني اقول كده ان الموضوع اللي فتحه الخ ميشــــــــــــو واللي هو انشاء جمعيه تفيد اهل البلد يافرحتي اختارنا اسم الجمعيه وفلان يقول الاسم ده جامد وعلان يقول لاياعم الاسم ده اجمد وعجب الكل مفيش حد فينا فكر في تنفيذه ليه بقى انا ممش عارف!!!
ياجماعه انا مش عاوز حد يفكر ان المنتدى ده منتدى مواضيع و اغاني وحب وشعر لا الحاجات دي كلها كماليات مش اكتر. اللي انا عاوز اوصلوه ان احنا شباب البلد مطالبين بالعمل من اجل خدمه بلدنا ومش عاوز نكتب في افكار بعيده عن كده.ولا ايـــــــــــــــــــه؟؟!!!
اللي هيخلينا نتمسك اكتر بالمنتدــــــدى ده ويبعد عننا اي خمول او سلبيه هو الشغل والعمل وتنفيذ المقترحات واخبار المسؤلين في بلدنا علشان موضوع الماديات لاننا شباب البلد واللي احنا هنعمله ده مش هيفيد حد غريب بالعكس ده هيفيد اهالينا وناسنا وحبايبنا ......
ياجماعه الموضوع كبير بس مفيش حاجه هتصعب علينا بالايمان بالله والتسلح بالتعاون بينا والعمل بس من القلب.
المقترحــــــــــــــــــــــات المقدمه :ـ
اولا:ـ الاعلان عن جماعه من اعضاء المنتـــــــــدى يقومون بجمع الافكار اللي هتساعد في عمليه الاصلاح
ثانيا:ـ تحديد قسم داخل المنتــــــدي لكتابه الافكار اللي الساده الاعضاء هيكتبوها.
ثالثا:ـبعد مرور وقت معين (شهر مثلا) نشوف احنا عملنا ايه هل فعلا في حاجه اتعملت فدت بلدنا ولا كلا ابن عمي حديـــــــــــــت !!!!!!!!
يجماعه الموضوع كبير زي ماقلت واللي نفسه قصير مايبدأش معانا
عاوز اعرف ارأكم هل ده صح ولا ايه والي عنده حاجه كويسه يقولها

[color:4a9e=dimgray:4a9e]والله الموفق..........

ههههههههههههههههههههه

الفجر أذن واحنا لسه موصلناش لحل نهائى ..............

احنا اتفقنا خلاص

والله ياجماعه انا اشايف ان موضوع جمع الملابس لازم يتم بسرعه علشان يكون علي بدايه الدراسه جاهزو نقدر نساعد بيها الناس
وكمان جمع التبرعات ونعمل حصر للاشخاص المحتاجين للمساعده وانا بقترح ان نجمع المال والملابس عند الاستاذ جمال في مكتب شرق وهو اكيد هيرحب بالفكره

وكمان اللي مش هنقدر نكلمه ممكن جمعيه رساله تساعدنا فيه واللي هيقوم بالموضوع دا اعضاء جمعيه رساله اللي من العمار

الحمد لله والشكر له ان الموضوع اللي انا فتحته ده لقى اعجابكم وتحمسكم

في نفس الوقت . وان شاء الله نتوصل لحل قريب

واللي في الخير يقدمه ربنا

االسلام عليكم........................

افكار هايله وممتازه .واعتقد ان شاء الله انها هتكون ناجحه جدا . الجمعيه اللى جامده جدا فى الكلام ده هى رساله وهى بتجمع الملابس وتقرزها وتكويها وتبيعها بجنيه او 2 جنيه للقطعه فى صوره معرض والمعرض ده بيكون فى قرى فقيره واعتقد انهم عندهم استعداد ينزلوا العمار بس ينزلوا على حد يساعدهم ويجهز لهم المكان .

اما حكايه جمع اللبس من العمار فدى محتاجه اولا عدد محترم من الشباب ومكان ومحتاجه استكشاف الاسر الفقيره وعددهم ومقاستهم علشان تديهم حاجه يستفيدوا بيها وبعدين مستوى البس القديم فى العمار مش كويس .دى الصعبات اللى ممكن نبتدى بيها واولها النيه الصادقه ولله وبالله عليكم من الاول بلاش حب الرياسه والظهور لان ده بيفسد العمل .

المكان اعتقد انه متاح عند ناس كتير . والفرز والمكواه اكيد على البنات اما استكشاف الحالات وده سهل جدا من خلال الجمعيه الشرعيه فى البلد هم عندهم كل المعلومات عن الفقراء والايتام فى البلد . وياجماعه استعينوا على قضاء الحواج بالسر والكتمان. وياريت تكون كل حاجه محسوبه والكلام يبقى جدا لان الموضوع فى احراج جامد خاصه اننا فى قريه ومعظمنا عارف بعضه....

اسف على التطويل والسلام

لو عوزيين اكلم لكم بتوع رساله انا على اتم استعداد انى اوصلكم بيهم خاصه فرع بنها والسلام

ياريت نعمل حاجه بجد لان الفكره دى لو اتنفذت هنكون قدرنا نحقق حاجه

زائر

وعليكم السلام ورحمه الله وبركاته
طبعا بشكر حضرتك على المشاركه معانا
بس كنت عايزه اوضح لحضرتك ان فكره المعرض الخيرى دى كويسه لكن مش فى البلد
اولا المكان
ثانيا فى ناس الجنيه او الاثنين جنيه عندهم اهم لحاجه تانيه
ممكن اعرف من حضرتك جمعيه رساله ايه شكل مساعدتها لينا
وان شاء الله بالنسبه لحصر الناس المحتاجه للملابس دى بابا هيجبلى بيان بيهم من الجمعيه الشرعيه
بالنسبه لكلام حضرتك ده
وياجماعه استعينوا على قضاء الحواج بالسر والكتمان
كلمه اخير والله انا عارفه ان الموضوع مكنش المفروض نشهر بيه كده
بس ده غصب عننا لان كان لازم الشباب اللى فى المنتدى ده يعرف واللى عنده المقدره يشارك يشارك

السلام عليكم .............
والله شكل المساعده انهم هيعملوا المعرض فى القريه سواء فى مركز الشباب او اى دوار بتاع اى عيله مثلا .ذى مابيعملوا فى كل القرى . ممكن رساله الام(فروع القاهره) تنزل بقوافل طبيه او بمساعدات وده حصل قبل كده عن طريق جمعيه التنميه الاجتماعيه السنه دى. نزلوا وزعوا ايام العيد . ومكان المعرض بسيط جدا مش اكتر من ترابيزات وعلى العموم رساله مش اكتر من اقتراح ممكن يناسب او لا . وده شىء عادى.

وجزاكم الله خيرا

زائر

ها ياشباب ايه رايكم فى موضوع رساله

السلام عليكم

انا لى تعليق صغير على كلام الاستاذ الفاضل احمد زايد
هو قال حديث "استعينوا على قضاء حوائجكم بالكتمان"
انا بس عاوز اوضح لحضرتك حاجة هى ان الحديث ده يدل على شئ اخر بعيد عما تقصد وهو ان لو فى واحد مثلا امامه سفر او شغل ممكن بل من الافضل انه يبقى كتوم وده مش عيب بل سنة عن النبى صلى الله عليه وسلم ...

اما بالنسبة لجمعية رسالة انا برحب بالموضوع ده جداااااااا
وانا على استعداد ان يكون المكان فى بيتى وعاوزين نعمل حاجة بقى ونبدأ فيها فعلا

انا عاوز رايك يا استاذ احمد زايد
وكمان باقى الاعضاء .... قولتوا ايه؟؟؟؟؟؟؟

والله اقتراح جميل موضوع الجمعيه

وياريت نقدر ننفذه .............

زائر

مشربش الشاى اشرب سحلب انا

البراءة في الفكر والكلام حاجة جميلة جدا

شفتم بالحب والاخلاص وصلنا لتكوين جمعية من انشط الجمعيات في البلد

وبها اكبر عدد من الشباب

وتتطورت في اقامة معارض الملابس بصورة مذهله

لولا الحب والاخلاص ماوصلنا لما نحن عليه الان ويبقى الكثير والكثير باذن الله

» كلام فى كلام
» كلام حلو
» كلام هام جدا
» طراطيش كلام .
» من كلام ابن القيم (8)