محمود احمد عبد الفتاح
شــاعـر عمـاري
عدد الرسائل : 364
العمر : 60
المكان : العمار
الحالة : متزوج
الهواية : الشعر
تاريخ التسجيل : 24/10/2008
التـقــييــم : 0
 |  موضوع: صوتك امانة  الثلاثاء 18 ديسمبر 2012, 10:03 pm | |
| استفتى قلبك و انت المولى هيدلك
واسال ضميرك بكل الحق هيقولك
وان قلت لا او نعم بالطبع من حقك
اصل النهارده حقيقى ..الوطن محتاجلك
******************
صوتك امانه لجل نعدل الاوضاع
وكفايه 30 سنه م العمر راحوا ضياع
افساد وظلم واسى وانين من الاوجاع
وكل شيء ف البلد بالمأجورين اتباع
******************
صوتك امانه لجل نودع الماضى
ثورتنا ثورة حضاره لشعب مش عادى
مصر اللى ضحت ف الميدان بشبابها
صرخت بنبرة اسى الوحده يا ولادى
لجلن يعود الامل وتعيدوا امجادى
******************
ياجبهة الانقاذ ...غرق الشباب فى الدم
يا جبهة الافلاس ..كفايه ظلم ووهم
ياعار على الثوره والتاريخ شاهد
ان الحكايه مصالح والوطن ما يهم
الجرح لو م القرايب صعب يوم يتلم!!!!
*******************
يا جبهة الافساد ليه العناد والزور
يا عازلين البلد عن اى طاقة نور
بانت حقيقة امركم وعرفنا مين مأجور
دى مؤامره ضد البلد مش مشكلة دستور
*********************
الشعب قال كلمته وبكل صدق اختار
نعم لمصر الكرامه وشعبها الاحرار
نعم لمصر الامل والريس المختار
لجلن نعيش كلنا فى أمن واستقرار
******************
قدامنا فرصه عظيمه نلم وحدتنا
قدامنا فرصه عظيمه نحمى ثورتنا
ونكون حقيقى كيان ضد أعداءنا
نبنى بلدنا كلنا ولا قوه تمنعنا
مسلم مسيحى ف وطن بالحب يجمعنا
| |
|
محمود شاهين
مشرف المنتديات التعليمية
عدد الرسائل : 1174
العمر : 45
المكان : مع أولادي
الحالة : الحمد لله
الهواية : ...........................
تاريخ التسجيل : 05/02/2010
التـقــييــم : 5
| | موضوع: رد: صوتك امانة الخميس 27 ديسمبر 2012, 8:58 pm | |
| جميلة جدا يسلم فمك يا استاذ محمود | |
|
