شمعه
شمعه إنطفت
بعد أما ولعت زهزهت
كل الأماكن نورت
وف لحظه واحده صفصفت
هب إنطفت
كل الحاجات إتبدلت
وصبح مكان النور ظلام
وف لحظه راح منا الغلام
ساب عشه طار
ذى الحمام
وساب وليفه وروره
فى العش ويا الزغلولين
لسه يادوب مالهمشى ريش
راح إللى كان بيطعمه
على شان يعيش
راح إللى كان فارد جناحه
يلمهم ويّيا أمهم
ويبات على العش الجميل
سهران يدافع عنهم
زى الشاويش
ويقول لهم ويقول لهم
ما كنشى عايش غير لهم
كان يمشى يتعايق بهم
ويّيا أمهم
عز الصفا
وف لحظه
قنديله إنطفا
وإتبدل النور بالظلام
إتبدد الجوز الحمام
والزغلولين وييّا أمهم
إتلجموا
بعد أما كانوا يغاغوا
ب الليل والنهار
والوجه لاحمر
بدله الحزن لصفار
شمعه ياروح قلبى
إنطفت
بعد أما آدت زهزهت
هب أنطفت
مرسى الذكى