اذاعة اخبار العمار .. يوم بيوم .......

تذكير بمساهمة فاتح الموضوع :

السلام عليكم

من ازاعة اخبار العمار نبلغكم انناسوف نغطى كل ما هو جديد يوم بيوم من بلدة العمار الكبرى

وذلك على تردد منتدى شباب العمار

بازاعة اخبار العمار

كده يا جماعه مش هينفع

انا بصراحه كده يا عمرو جايلي عرض من قناه تانيه

فبصراحه كده انا بفكر بالعرض دا وبما اني مش بتفرق معايا مسأله الماديات فانا يا عمرو مضطر اوافق

وانا قررت اعمل محطه وهنافسك ولو فلست يا عم ممكن اشغلك معايا مش هتفرق

هههههههههههههههههههه
هات الحلاوة اللى عليك الاول

وبعدين الازاعة بتاعتنا شريفة ومبتعملش فرقعة على الفاضى مش زى الباقى

انا مش عاوز اقطع عيشك واعمل محطه ونافسك وهسييبك تاكل عيش

ويا بااشا الحلاوة موجوده بس انت تعدي وهات محمد النهارده وتعالي وهات ايهاب كمان

حضر برميل حاجة ساقعة
واحنا جايين فى الطريق
وخلينا فى موضوع الاخبار احسن ومنخرجش برة الموضوع

جميل موضوع الاذاعه ده يا عمرو يلا ورينا همتك عاوزين اخبار جديده

انا بطلب منك يا احمد انك تثبت الموضوع ده

ازيكوا ايه الاخبار الجامدة دى انا بطلب من الاستاذ عمرو رئيس الاذاعة انى امسك المنطقة بتاعتنا عشان هى منطقة حيوية جدااا

سنواليكم بالاخبار بعد الموافقة

فى حفظ الله

طبعا انا موافق يا حنين وابدأى من النهاردة
واكيد هيبقى ليكى مرتب كبييييييييييييير قوى

مفيش حد عنده اخبار النهارده ؟؟؟؟؟؟؟

لسة ياعمرو مستنية الفرج
مازالت المنطقة ممتلئة بالهدوء والسكينة
كانت معكم مراسلتكم سندريلا ........من اموت منطقة في العمار

كده مش هينفع يا سيندرييلا الاذاعه اللي عمرو عاملها دي هي اللي فاتحه بيته وبتصرف علي عياله

احنا لازم نعمل شغل انا بقول نتفق مع شويه صيع يروحه يتخانقه قدام بيتكم وبعد كده انت بقي تعملي احلي شغل

اوك العيال انا اتفققت معاهم مستيين اشاره

يا حسام بيه احنا مش بنعمل فرقعة وخلاص ..
احنا عندنا استعداد نشحت على الابواب ولا نعمل طرقعة زى اللى انت كنت شغال معاهم ..

علشان كده انا جبتلكم خبرين هيفرحوكم
انتظروا

30-6-2007

ازاعة اخبار العمار
من العمار .. جاءنا البيان الاتى

تتحسن حالة الجو ليصبح طقس مشمسا حارا نهارا لطيفا ليلا فى اطراف العمار وعلى السواحل والمسطحات المائية ..
لذلك ننصح كل سكان العمار بأن يخرجوا ليلا متجهون نحو الرياح التوفيقى ..
ايضا تقل درجات الحرارة تدريجيا وبيانها كالتالى

العظمى 35
الصغرى 20

نتمنى لكم وقتا ممتعا فى منطقة مدخل العمار وعلى الرياح التوفيقى

ايه يا عمرو انت دايما بتاخد الكلام جد ليه

ليه بس ياعمرو سيبه بس المرة دي
عايزة اشتغل شوية .......وبعدين لو شحت هتبقى تدعي عليا انا
وبعدين ما يرضنيش تشحت وانا موجودة في اذاعتك دا كلام ياراجل
انتي بتجري على عيال
يلا بقى اديله الاشارة

يابنى انا عادى جداااااا
وكنت بهزر
شكلك كده لحد دلوقتى لسه معرفتنيش
انصحك تخدلك دش بس فى البحر اللى عندنا ههههههه

هههههه عادي ولا يهمك انا بس اللي لسه صاحي والعمليه ملخبطه شويه ولا يهمك ياباشا

برميل البيبسي كان موجود امبارح وفضلت مستنيك ان بقي اللي شكلك بخيل

ويا سيندرييلا العيال جايين ليكي في الطريق بسي غطي الخناقه من بعيد

(خبر هام - ارشيف)

السلام عليكم .. من ازاعة اخبار العمار نحييكم
هذا الخبر لا يعلمه الا قليل جدا من العمار ولا يتعدى العشرون ..

انه فى شهر فبراير2007 تقريبا زار بلدة العمار رجل من رجال الدين الكبار الا وهو القارئ الشيخ / محمد جبريل وقد ام بالناس فى صلاة العصر بمسجد الشبراوى بالعمار الكبرى

وقد أكدت بعض مصادر لنا عن سبب الزيارة وتبين انه جاء للقيام بواجب العزاء لاحد معارفه فى العمار من عائلة حلاوة ..
رحم الله هذا الشيخ الجليل ......

فين يا معود انت وهو الاخبار
انتوا عملين تتكلموا معا بعض وسييبين الاخبار للناس التانيه زي الجزيره والعربيه يذيعوا قبلكوا

تصحيح يا أخ عمور الشيخ محمد جبريل جاء لتأدية واجب العزاء في زوجة الأستاذ شفيق حلوة رحمها الله, وليس حلاوة يبدوا أنهم كانوا جيران, المهم يا سيدي سعيكم مشكور.
المراسلين فين يا رئيس الإزاعة .. شغالين ف الخشب والا ما فيش أخبار وهل كل الأخبار خناقات ..؟
منتظرين التفاعل في كل شيء.

جزاكم الله خير يا استاذ جمال
وانا لازم اخد قرار حازم بين المراسلين دول

اليوم بتاريخ 1-7-2007 يوم الاحد
في تمام الساعة الثالثة
ننقل لكم حالة الطقس وحالة الصمت الذي يعم كل ارجاء العمار
أينعم انا قاعد في البيت وماخرجتش بس الوقت ده كالعادة فيه حالة من الخمول تنتشر في البلد
صمت قاتل لا اسمع سوي صوت انفاسي وصوت المروحة
درجة الحرارة انخفضت عن اليومين اللي فاتوا والكل بيحمد ربنا علي كده
يعني نقدر نقول ان الكل قاعد في بيته زيي طبعا اللي واخدين الاجازة باستثناء اللي بيروحوا الشغل الصبح ويمكن يكونوا رجعوا واتغدوا ونايمين دلوقتي
يعني في كل الاحوال البلد نايمة وفاضيه والجو يعتبر حر جدا عشان كده اللي صاحي دلوقتي
احسنله ينام عشان يعرف يصحي ويبقي فايق بليل لان الجو بيبقي فريش وهوا لدرجة انه بيكون برد في الفجر ده طبعا بره البيت ...........
كان معكم مراسلكم واحد كتر خيره
من امام الكيبورد والشاشة في بيتنا
قناة العمار الاخبارية
والسلام عليكم ورحمة الله وبركاته

زائر

ههههههههههههههههه
والله مراسل اخبار عسل وريس سكر
روح نام انت الاول
وبعدين البنات يامدوب لسه مخلصين شغل البيت والغده ويامدوب بنقول ياهادى

انت ليك مرتب كبير يا ادمن
وبعدين يا ام يوسف انتى فين من الاخبار دى
معندكيش خبر حلو ؟؟؟؟؟؟؟

عندك حق هما ا صلا يا عينى بيزهقوا من القاعدة ومهما ما بيعملوش حاجة طب قوم شوف شوية اطباق اغسلهم او حته نضفها ههههههههههههه

زائر

عندى اخر خبر بابا جه قالى عليه

ولقيته فى الجرنال بتاع النهارده اتصدمت

هو

مجهول يذبح صاحب مزرعة دواجن وزوجته في غرفة النوم

عبدالنبي الشحات

تكثف أجهزة الأمن بالقليوبية جهودها لكشف غموض مقتل صاحب مزرعة دواجن عثر علي جثته مذبوحاً داخل منزله.. كما عثر علي زوجته مصابة وفي حالة سيئة.
تم نقل الجثة والمصابة لمستشفي طوخ المركزي.. وأخطرت النيابة فتولي حاتم كشك وهشام بهاء وكيلا نيابة طوخ التحقيق في الواقعة باشراف محمد عبدالشافي مدير النيابة.
تلقي اللواء سيد شفيق مدير المباحث الجنائية بالقليوبية بلاغا من أهالي قرية كفر منصور بمقتل صاحب مزرعة دواجن واصابة زوجته بعدة طعنات نافذة.
انتقل لمكان الواقعة العميد رضا طبلية رئيس المباحث الجنائية والمقدم جمال الدغيدي رئيس مباحث المركز وبالمعاينة تبين ان الجثة لشاب يدعي نجم الدين سعد رشوان وبها عدة طعنات متفرقة في الرقبة.. كما عثر علي زوجته نادية محمد فرج 30 سنة مصابة بعدة طعنات وغارقة في دمائها وفي حالة سيئة.
قالت الزوجة في تحقيقات الشرطة إنها فوجئت أثناء نومها في حجرة النوم هي وزوجها بمجهول يقتحم الشقة من البلكونة في ساعة متأخرة من الليل.. وتسلل للحجرة وانهال عليها وزوجها بعدة طعنات نافذة.
أضافت الزوجة أنها حاولت الاستغاثة بالجيران. لكن القاتل أصابها بعدة طعنات حتي سقطت وسط بركة من الدماء! ولم تتمكن من تحديد شخصيته!
تم اجراء معاينة للشقة وتم رفع البصمات وجاري التحري عن علاقات المجني عليه.. للتأكد من وجود خلافات.. وتحديد أسباب ارتكاب الجريمة البشعة.
أمرت النيابة بندب الطبيب الشرعي لتشريح الجثة ومعرفة سبب الوفاة وسؤال المجني عليها.. كما طلبت سرعة تحريات المباحث حول ظروف وملابسات الجريمة.

» استفتاء اخبار العمار؟
» خبر مهم من اخبار العمار الكبري
» مفاجاه خدمة اخبار العمار
» اول اذاعة اسلامية على النت تعمل 24 ساعة
» اجعل اذاعة القران على سطح المكتب بنقاء عالى جدا