AhMeD ELSaYeD
عماري أصيل
عدد الرسائل : 5492
العمر : 36
المكان : العمار
الحالة : عاشق العمار وناسها
الهواية : الصحافه والاعلام
تاريخ التسجيل : 16/03/2007
التـقــييــم : 0
 |  موضوع: حصريا& ماذا يفعل الوافدون الجدد لهندسة منوف..؟؟؟  الخميس 30 يوليو 2009, 5:56 pm | |
| بسم الله الرحمن الرحيم
السلام عليكم ورحمه الله وبركاته
بعد ظهور نتيجة المرحلة الاولى من تنسيق الثانوية العامة
وبعد ان ارتفع مجموع هندسة شبرا الى رقم لم يصل اليه من قبل
زاد عدد المقبلين على هندسة منوف هذا العام لذلك كان لابد من ذكر
ماذا سوف يفعل هؤلاء الشباب من الان حتى أول يوم فى الدراسة
والخطوات كلاتى :
1- طبعا لازم تستنى لما توصل بطاقة الترشيح واللى غالبا هتصل عن طريق البريد
2- هيبدأ مشوار منوف وفيه التالى :
3- الاستيقاظ فى تمام السابعة يعنى لازم تكون على الموقف على أقصى تقدير 7.30
علشان توصل بنها على 8 لان القطر الساعه 8.15 والقطرعلى رصيف اتنين
ولو متعرفش رصيف اتنين كفاية لما تدخل المحطة تسأل وأنت توصل.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المهم وصلت منوف وركبت عربيه من قدام محطة القطر فى منوف الى الكلية
ودخلت هندسة منوف لأول مره فى حياتك
أحمد الله على ما أنت في وتذكر ان هناك من تمنى ان يدخل
هندسة الصومال ولكن الله لم يقدر المهم فى ايه بعد كده .
4- هتروح على ادارة شئون الطلاب الدور الثانى - الاول علوى-
وطبعا هيكون معاك مبلغ مالى مقدما يعنى قول 300 جنيه هقولك ليه دلوقتى
هتسأل عن كشوف الاسماء وصلت ولا لاء
- طبعا أنت واخد معاك من العمار كل أوراقك يعنى شهادة الميلاد واستمارة الثانوية -
لو كانت الكشوف وصلت هتسلم ورقك وهتبدأ تاخد اذن دفع للمصروفات الدراسية اللى غالبا بتكون
180 او 190 جنيه وتدفعها فى الخزنة .وبعدين بتخلص باقى ورق تسجيلك فى الكلية
وتسأل على موعد الكشف الطبى .. واللى بيكون فى اللكية
طيب لو الكشوف لم تصل يبقى للخلف دور وهتسيب الكلية وتخرج بره عارف هتروح فين هقولك .
5 - هتخرج من الكلية وتسأل عن مدينة الطلبة القديمة خلوا بالكم مدينة الطلبة القديمة
سواء كنت شاب او فتاة انت رايح مدينة الطلبة ليه علشان تسحب ملف المدينة الجامعية
والطلبة والطالبات بيسحبوا الملف من مدينة الطلبة
والمف سعره تقريبا 60 او 70 او 80 جنيه تقريبا يعنى
لو هتسكن او هتسكنى مدينة هتروح تسحب الملف وللخلف دور على العمار
6- هتملى الملف بتاع المدينة وفى بعض الاوراق بتخلص من الشئون الاجتماعية
وبعضها من الجمعية الزراعية ومن مكان عمل الاب ومن مكان عمل الام
وكمان فى ورقة ضامن ولازم يكون الضامن من مكان فيه ختم النسر
وبعد ما تملا الملف وتخلصه هتروح منوف بقى علشان تقدمه ..
7- فى ورقة من الملف لازم تملاها من الكلية ودى بقى الكلية مش هتعملها ليك الا
لو كنت دافع المصروفات وبعد ان تملا الورقة دى من الكلية
بتروح تسلمها فى المدينة اللى اشتريت منها الملف وبعدين تاخد وصل
انك سلمتها وتروح وتيجى بقى على الدراسة وساعتها هقولك تعمل ايه
أرجو انى اكون وضحت الرؤية شويه واللى محتاج حاجه انا منتظر اسألتكم
أحبكم فى الله وهتنورا منوف والله
ومنوف دى بجد اللى هيحبها هيشوفها احلى بلد فى الدنيا
زى ما شوفتها انا والبشمهندس صفوت والبشمهندس محمود رضا
وربنا يوفقكم واسألكم الدعاء
السلام عليكم ورحمه الله وبركاته
| |
|
