حنين عماري أصيل
عدد الرسائل : 10048 العمر : 35 المكان : بلدى العمار مين زيها .؟! الحالة : الحمد لله الهواية : الغلاسة تاريخ التسجيل : 11/05/2007 التـقــييــم : 12
| موضوع: بيجيلى صداع... الإثنين 17 أغسطس 2009, 9:28 am | |
| (بيجيلى صداع)
بحس كتير بصداع جامد لما بفكر فى الايام
على فين راحت ومنين جابت
وهحقق إيه أنا م الاحلام؟
وأفضل أسأل نفسى وأقول ..هو انا هبقى قد القول؟
هكبر وهعيش اللى أنا عاوزه
وهيبقى طريقى واضح على طول؟
ولا هتخبط واستعبط وانسى واعافر واتلخبط
وأطلع وأنزل وأنزل وأطلع ومش راح أرضى بالمعقول
وكمان دايما أحس برعشة فى ايدى
لما بحاول المس
نجوم فى السما نفسى أخطفها
وورود فى خيالى راح أقطفها
تلاقينى بخاف ..
بخاف لو يوم حسيت إنى
لا هحصل شرق ولا أوصل غرب
ولا هطلع سما ولا هلمس أرض...
ولا يبقى منى وصلت لفوق
ولا يبقى منى رسيت على شط
وساعتها بتعفرت وازعل لما بلاقى الدنيا اتقلبت
فى دماغى وغاوية تزهقنى وبتثبتلى إنها غلبت
..
وساعات بيجلى الدوار لما أفضل اعارك افكار
جوه دماغى مستقويه لافه ودايرة وقاسية عليا
وأحاول أحذف أو أضيف ويا أرتب عقلى يا بنهار
مش عارف هو ده حال الكل
ولا أنا غاوى بس أحتـــــــــــــــــــــــار؟؟
بيجيلى نوع م الحساسية لما أفضل أبص لأحلامى
فيه واحدة راحت مش جاية والتانية أهى لسه قدامى
فجأة دموعى تملى عنيا على اللى راحت والجاية
يا ترى هقدر احقق حاجة ولا هتفضل زى ما هى
حياتى ومش راح تصفالى وتفكر يوم ترضى عليا
ولما اتعب بقى على الآخر وأحس أنها ضاقت بيا
أقول لنفسى....
مش ناوى خلاص أفكر تانى فى حاجات بتخلينى أعانى
مهو بكرة ربنا يهدينى وكمان يصلحلى أحوالى
أستعجل ليه على المستقبل؟؟
ما هى لسه الدنيا أهى قدامى
اللى فى علم الغيب أنا هسيببه ومش راح أزعل من تانى
...............
..........
عدل سابقا من قبل حنين في الإثنين 17 أغسطس 2009, 1:57 pm عدل 1 مرات | |
|
أحمد عبدالعزيز شــاعـر عمـاري
عدد الرسائل : 3616 العمر : 42 المكان : أبوظبي الحالة : متزوج الهواية : الشعر والأدب تاريخ التسجيل : 30/09/2008 التـقــييــم : 16
| موضوع: رد: بيجيلى صداع... الإثنين 17 أغسطس 2009, 11:03 am | |
| مقالة :
مش عارف هو ده حال الكل
ولا أنا غاوى بس أحتـــــــــــــــــــــــار؟؟
***********
هذا حال الكل ....
لي عودة ....
قصيدة تستحق الثناء
| |
|
عمر عبدالعزيز عماري عامل قلق
عدد الرسائل : 475 العمر : 40 المكان : العمار الحالة : بخير الهواية : ............... تاريخ التسجيل : 23/03/2008 التـقــييــم : 0
| موضوع: رد: بيجيلى صداع... الإثنين 14 ديسمبر 2009, 12:38 pm | |
| قصيدة ممتازة بالتوفيق وفى انتظار المزيد | |
|