الانطباع الاول

[ندعوك للتسجيل في المنتدى أو التعريف بنفسك لمعاينة هذه الصورة]

فيه مقولة بسمعها كتير يقولك الانطباع الاول عمره مايتغير مهما حصل فهل الكلام ده صحيح ولا لا ؟؟؟؟؟؟؟؟؟؟

هو الانطباع الاول مستحيل يتغير يعنى لو انت اخذت فكرة عن شخص ان هو وحش هل تظل الفكرة دى موجودة

طوال العمر مهما حصل ومهما حاول يصلح من نفسه؟ طيب لو أخذت عن شخص معين اول انطباع ان هو كويس

ممكن فى يوم من الايام تغير فكرتك عنه لو ظهرت امامك أخطاء للشخص ده

مستنى أرائكم

وفى مقوله بتقول
عارف فلان اه عارفه
عاشرته لا
يبقى متعرفوش

مفيش حاجه اسمها انطباع
فى حاجه اسمها معاشره ومعامله
والمعاشره هيه الى بتوضحلك
الانطباع

طبعا يتغير وكمان يتغير 180 درجه كمان

لانى الانطباع الاول بيتاخد عن طريق الحكم على موقف واحد ودة غلط فى حد ذاته

لانى مينفعش اخد انطباع او احكم على شخص بمجرد موقف لانى انا معرفش

ظروف الموقف دة ايه او ايه حالته النفسيه خلال الموقف دة او حاجات تغير

ممكن تغير شخصيه الانسان تجاهه الموقف دة

زى المثل اللى بيقول تعرف الشخص دة قاله ايوة قاله عاشرته قال لا قاله يبقى متعرفوش

كدا بالضبط مينفععش احكم على شخص من موقف واحد نهائى

يعنى فلان اللى انت عارفه ده وانت مالكش علاقة بيه قد كده متقدرش تحكم عليه

اذا كان حلو ولا لا طيب لو قابلته فى الشارع هتسلم عليه بأى وش وش انه حلو ولا وحش

وكمان انت متقدرش تعاشر كل الناس

[quote="الطير الباكي"]طبعا يتغير وكمان يتغير 180 درجه كمان

لانى الانطباع الاول بيتاخد عن طريق الحكم على موقف واحد ودة غلط فى حد ذاته

لانى مينفعش اخد انطباع او احكم على شخص بمجرد موقف لانى انا معرفش

ظروف الموقف دة ايه او ايه حالته النفسيه خلال الموقف دة او حاجات تغير

ممكن تغير شخصيه الانسان تجاهه الموقف دة

زى المثل اللى بيقول تعرف الشخص دة قاله ايوة قاله عاشرته قال لا قاله يبقى متعرفوش

كدا بالضبط مينفععش احكم على شخص من موقف واحد نهائى [/quote

اوك

طيب لو الموقف اللى عمله ده هو موقف واحد بس وكمان انا ماليش اى علاقة بيه علشان

احكم عليه يبقى ايه الحل

يعنى مثلا انسان عمل موقف نبيل هاقول عليه ايه (طبعا لو حد سألنى على الانسان ده هاقول مية مية وهو

ممكن يكون العكس

طيب لو انسان عمل موقف سيء للغاية لو حد سألنى عليه هاقول (اسوء خلق الله )

يبقى كده حكمت من اول موقف وده اللى بتكلم فيه لانه مش معقول واحد عمل فيا خير اقول وحش وواحد

عمل فيا شر وهاقول كويس .

زائر

اقتباس :: طبعا يتغير وكمان يتغير 180 درجه كمان

لانى الانطباع الاول بيتاخد عن طريق الحكم على موقف واحد ودة غلط فى حد ذاته

لانى مينفعش اخد انطباع او احكم على شخص بمجرد موقف لانى انا معرفش

ظروف الموقف دة ايه او ايه حالته النفسيه خلال الموقف دة او حاجات تغير

ممكن تغير شخصيه الانسان تجاهه الموقف دة

زى المثل اللى بيقول تعرف الشخص دة قاله ايوة قاله عاشرته قال لا قاله يبقى متعرفوش

كدا بالضبط مينفععش احكم على شخص من موقف واحد نهائى

[ندعوك للتسجيل في المنتدى أو التعريف بنفسك لمعاينة هذه الصورة]

هو مينفعش الواحد ياخد أنطباع عن شخص من أول موقف .
ولكن للأسف الكثير منا يحكم على الشخص من لقائه الأول ، وسبب ذلك أن أول مقابلة لأى شخص تكون محفورة ومحفوظة فى ذهن الواحد منا ،فصعب أن تنسى الموقف الذى جمعك بشخص أول مرة وفى أى مكان قابلته .

غالبا ما يكون خاطى ..

زائر

ما شاء الله الموضوع حلو اوى يااخ عمرو..بس انا دايما بسمع العكس وهو ان الانطباع الاول دايما مش بيدوم لانه مش مبنى على معرفه متعمقه بالشخص.وفعلا المفروض محدش يحكم على حد او ياخد عنه فكره معينه سواء كويسه او العكس غير لما يعاشره ويعامله كويس.وزى ما حضرتك بتقول لو حد ساءلنى عن الشخص ده ،عادى يعنى بكل بساطه اقول والله معرفهوش كويس عشان ولا اظلمه بفكره وحشه عنه ولا اقول انه كويس وهو عكس كده ،واكيد حصل معانا كلنا اننا غيرنا انطباعنا الاول عن ناس كتير .وانا عن نفسى اتعلمت انه مينفعش احكم على حد بدون معرفه كويسه عشان كمان دى تعتبر امانه، وممكن كمان بحكمى السريع اكون سبب فى تغيير نفوس الناس تجاه الشخص ده وبكده يبقى وصلت لذنب اكبر ..كل حاجه ربنا انعم علينا بيها دى امانه ،واللسان امانه فلازم نتقى الله فى انفسنا وفى الناس.وجزاك الله خيرا

زائر

تسمع عن طقم الماسكات

covers

علشان تقدر تتعامل مع الناس ولما تقابل ناس تمام الاقيك قوام ضربت الوش التمام

والوش الخشب للي هما كده وكده وممكن واحد عامل حسابه على كل حاجه تلاقي معاه وش

الكدب والنفاق

والخفه

والجدعنه

والادب

....وووو وده ممكن تلاقيه في يوم لابس وش..

3310

lol

>>>>>>>.

وبيتعامل معاك كده عادي كانه مش

3310

بالعكس كانه n90 او93 كمان

...........

فانتا لازم تكون فاهم الليله وعارف انواع الناس اللي بيتعاملوا معاك مش من الهيئه او المنظر العام لا

ده بانك تفهمهم وتعرف اهتمامتهم الحقيقيه اللي من خلالها بتفهم شخصية اللي انت بتتعامل معاه

واللي بقوله ده مش صعب ولا غريب ده لازم اي واحد يكون عارفوا وحافظوا

زي ما كل عيل مثلا في اولى اعدادي عارف نظرية اقليدس وحافظها

بس انت لازم تكون اشطر منه يعني عارفها وفاهمها

مش عارفها وحافظها علشان التطبيق يعني........

بس هوا اقليدس كان بيقول ايه؟؟

محدش جاوبنى برضو

يعنى مثلا انسان عمل موقف نبيل هاقول عليه ايه (طبعا لو حد سألنى على الانسان ده هاقول مية مية وهو

ممكن يكون العكس

طيب لو انسان عمل موقف سيء للغاية لو حد سألنى عليه هاقول (اسوء خلق الله )

يبقى كده حكمت من اول موقف وده اللى بتكلم فيه لانه مش معقول واحد عمل فيا خير اقول وحش وواحد

هى جملة واحدة بإختصار

مينفعش تحكم على الشخص حكم صادق غير بعد مجموعة من المواقف التراكمية الواقعية

بخلاف ذلك لا يعتبر حكم ويبقى إطلاق أحكام من خلال موقف واحد وغالبا بيكون غلط

بس فيه ناس عندهم ما يسمى بـــــ (الفراسة) يعنى بيقدر يعرف الشخص بسرعة ويفهمه كويس

ويحس ما إذا كان هو بنى ادم حلو أو لأ

ولكن هذه نقرة وتلك نقرة أخرى

الفراسة

تخص المؤمن ليس الا

....................

عذرا لنقل الموضوع إلي قسم لعب في لعب

فهذا كان خطأ غير مقصود مني

فقد كنت أنقل العديد من الموضوعات من هذا القسم إلي هناك ونقلته بدون قصد .. جل من لا يسهو

» الحب الاول هل هو كابوس ام حلم
» فكرة..الانطباع الأول..
» حبى الاول .....
» الحب الاول....؟؟؟ هل هو جد ام لا....!!!!!!!
» هل الحب الثاني يمحي الاول ؟؟؟؟؟؟؟؟