سياسه التعامل مع الاطفال...

السلام عليكم ورحمه الله

اذيكم ياشباب , يارب تكونوا بخير


هدردش معاكم النهارده في موضوع كان نفسي اتكلم فيه من زمان ,هو مهم جداا وحيوي

كل واحد فينا اكيد هيمر بيه ان شاء الله , او فعلا بيمر بيه الموضوع هو العنوان ,,

سر النجاح في العلاقه بينك وبين الاطفال ....

ازاى تخليهم يحبوك بل وتبقى انت فارس احلامهم وصديقهم الصدوق كمان.

كتير مننا بيقابل مشكله كبيره اوي وهي انه للاسف مابيعرفش يتأقلم بسرعه مع الاطفال

او بمعنى اصح مابيعرفش يكون صداقه مع الطفل في وقت صغير والمشكله دي طبعا المسئول

عنها الشخص نفسه وليس الطفل اطلاقا ,, من خلال خبرتي الكبيره في الموضوع ده [ندعوك للتسجيل في المنتدى أو التعريف بنفسك لمعاينة هذه الصورة]

بقول ان استمرار المحاولات واعطاء الطفل جانب من الاهميه في المعامله ,بمعني اصح تبقى طفل زيه بالضبط

انزل عقلك له ولاتنتظره ان يرقى لعقلك.. فانت قادر على تنزيل مستواك

وعقليتك له وهو غير قادر على العكس

من هنا العلاقه بالتتحول من طفل وراجل كبير الى اتنين اصدقاء , واكيد هاتحس بده ...

في حاجه مهمه تانيه , الاطفال عموما من سن سنتين بيحبوا يقلدوا , فلازم ناخد بالنا من

الافعال اللى بنعملها امامهم , بمعنى لو بتدخن اوعى تدخن قدامهم ,

برده التقليد بيبقى في الكلام اي لفظ بتقوله ممكن تلاقى الطفل بيردده بسهوله ,

هضرب مثال حقيقي حصل امبارح ,

طبعا احمد وعمر اسلام اولاد أ-اسلام طلعت الحمد لله انا عندهم حاجه كبيره اوي ( عمو لول ) [ندعوك للتسجيل في المنتدى أو التعريف بنفسك لمعاينة هذه الصورة]

احنا دايما بنخرج البلد نشتري لب ,سوداني ,بيبسي ,, كده يعني

فاأحمد اسلام خد باله من اللب السوري فبيقولي (عمو لول انا هاخرج معاكم علشان نجيب لب سوري وفندام )

هههههههههه هو اكيد مايعرفش يعني ايه لب سوري بس بيحب الفندام جدا ,

هنا هو استخدم ذكائه بالتقليد لاننا احنا اللى بيجيب اللب السوري في نفس الوقت هايكسب هو الفندام الي بيحبه ..

نيجي لجانب تاني من الاطفال اللي انا شخصيا بموت فيهم وهما الاطفال العنديين

الطفل ده لازم يبقي له سياسه خاصه تعامله بيها ,

بس ده في الحلقه الجايه , اشوفكم على خير ...

فعلا عمو لول دايما عيالي بيسألوا عنه و بيحبوه قوي
في يوم أحمد ابني أمي بتسأله انت بتحب عمو أحمد أكتر و لا عمو لول فرد عليها و قالها عمو لول
سألوه تاني و نادوا على أحمد أخويا و رد نفس الرد عمو لول بحبه أكتر
تاني يوم لاقيت أحمد أخويا جايب مندولين و شيتوس و لبان و مهيص أحمد ابني عالآخر
ضحكت و قولتله انت لاقيت البساط بينسحب من تحت رجليك فبترجع الود تاني
لحق نفسه و رجع أحمد لصفه تاني و من ساعتها و هو مخلي باله لا يروح منه حب أحمد ابني ليه

اقتباس :

زي ماقلت لازم يوصل للطفل حبك ليه ..

أهى الجملة البسيطة شكلا دى

هى اللى أتبنى عليها العلم المسمى بعلم نفس الطفل

وهى

إن الطفل يوصله حبك ليه فى كل شىء

الأطفال عندهم مقدرة جبارة على إكتشاف اللى بيحبهم بجد وحاسسهم

واللى لأ