رسالة رقم (2) & هم أولى &

[ندعوك للتسجيل في المنتدى أو التعريف بنفسك لمعاينة هذه الصورة]



لما حد يدخل على ناس بيقول السلام عليكم ورحمة الله وبركاته والبسمه على وجهه ده لانه انسان ذوق وجميل

لما اجي ادي حد حاجه اقوله اتفضل ولما اخد حاجه اقوله شكرا (جزاك الله خييرا) ده لانه انسان ذوق وجميل

لما حد يطلب منك حاجه بتقول تحت امرك وحاضر ومن عنيا ده لان فعلا ذوق وجميل

البنت نفس الحكايه لما حد ينادي عليها تقول نعم ولما تتكلم تستأذن ده لانها ذوق ورقيقه

حاجات بسيطة جدا ولكنها بتسعد النفس وتجعلها جميله وده لاننا بنشوف مردود الذوق ده سعاده على الاخرين

والقلوب بتبقى جميلة وسعيده ونحسها اكتر لما نعكس كل الكلام اللي فات ده (بدل نعم تبقى "أيه" وبدل اتفضل تبقى "خد" وغيره) وعلى فكرة دي حاجات بتحصل كل يوم لكن مش بناخد بالنا منها

المهم

مين أولى؟!!

أمي & أبي &اهل بيتي

ليه معظم الوقت كويس بره البيت ولما ادخل ببقى مكشر والردود ناشفه ..يعني مثلا البنت لما
تصحى من النوم جري ع النت تصبح على صحباتها وتنسى خالص انها تقول لامها صباح الخير
..هي لو ماقلتش الام مش هتزعل لكن لو قالت الام هتبقى سعيده لمجرد الاهتمام

لما الاب ينادي ساعات ناس بتطنش والاخر يقول "أيوه" ..طب ليه كده؟!!!

طب ليه بعض الناس معظم الوقت بيخلوا البيت ند في كل حاجه يعني عند وتعب لأاهل البيت وكده

دول أولى الناس بالذوق ده وصدقوني مردود الذوق ده مع اهل البيت بيبان عليك أولا ونفسك بتبقى
راضيه وجميله لانك حاسس انهم سعداء بده...........في كتير من الناس بينسى نفسه
وخصوصا لما يكبر ..شوف في اول الموضوع انت بتعمل ايه مع كل الناس

وصدقني

هم أولى الناس



ياترى هناخد بالنا ؟!

الحمد لله بتعتبرهم اولى الناس فعلا ومش بمدح فى نفسى او كده لا والله

الحمد لله بحاول بقدر الامكان ان مفيش حاجه تعدى عليا تكون مزعلاهم او ماثره فيهم

بص ياهندسه كلامك جميل جدا ومقنع .. ومااقدرش اقول ولكن , بس هاخد وادي معاك شويه , ممكن

خلينا نركز بس على العلاقه بين الابن ووالده , لان مااعتقدش ان في حد اصلا ممكن يزعل امه

ديما المشاكل بتحصل بين الابن والاب ,, صح
طيب , ليه ؟؟
هاتلاقي ان معظم الاسباب مش قويه اوي لدرجه انها ممكن توصل لمشكله , بس ده على حسب
دماغك ودماغه ,,
انا هاتكلم عن حاله واحد بس ...
يعني هاتلاقينا كشباب مثلا بنحب نسهر بره البيت كتير, بنحب نخرج دايما ,
في اب ممكن يرفض بشده , واخر ممكن ياخد الموضوع ببساطه , واخر الموضوع عادي ولا هو هنا خرج ماخرجش هو حر ..

ايهما تفضل , اكيد اللي هياخد الموضوع ببساطه , وده الاب الناجح دايما في بيته ,, صح

لان تعامله مع المشاكل تعامل صديق , مش من باب سلطته عليك كأب

و ليه كمان ؟؟ لانه احتوي الموقف ,بالعكس ممكن بهدوئه وحبه ومعاملته يكسب ابنائه ويخليهم
دايما جنبه ...

الموضوع كله معامله ياعمنا وتعود على مناقشه المشاكل اللي ممكن تحصل,

ومش هانحس عمرنا بتعبهم معانا الا لما نتعب احنا مع ولدنا ان شاء الله



شكرا ياهندسه ,, في انتظار الرساله التالته ,, ياترى هاتكون اللي في بالي !!!!

اقتباس :

يعني هاتلاقينا كشباب مثلا بنحب نسهر بره البيت كتير,
بنحب نخرج دايما ,
في اب ممكن يرفض بشده , واخر ممكن ياخد الموضوع
ببساطه , واخر الموضوع عادي ولا هو هنا خرج ماخرجش هو حر ..

بص دى مش بترجع الى الاب لاء

بترجع الى مدى الثقه اللى بيبثها الشاب لابيه

يعنى انت مثلا لما تسهر بره شويه مع اصحابك ومع ذالك شايف مصلحتك
ومذاكرتك او شغلك مثلا هو مش هيتكلم

لكن لما تسهر بره ومقصر فى الواجبات اللى عليك لازم يتكلم ويحصل مشاكل

فأنت اللى بتتكم فى العلاقه بينك وبين ابيك

اقتباس :

يعنى انت مثلا لما تسهر
برده شويه مع اصحابك ومع ذالك شايف مصلحتك
ومذاكرتك او شغلك مثلا هو
مش هيتكلم

لأياعم احمد مش كده انا بتكلم دلوقتي في مشكله موجوده فعلا ,

سواء انت بقى مجتهد في مذاكرتك او شغلك برده لازم المشكله قائمه ,

اللي انا بتكلم فيه هو اسلوب حل المشكله ولو لاحظت في كلامي انا قلت :

اقتباس :

انا هاتكلم عن حاله واحد بس ..

معني كده ان في حالات تانيه كتير اوي ,

والهدف هو (كيف يكون الحوار وكيف يكون الحل لمثل هذه المشاكل ) ؟؟؟

طبعا لازم ناخد بالنا

ومش بس علشان نحس بالسعادة والرضا لا ده أصلا مفروض علينا حسن معاملتهم

ولو حسن معاملة الناس كلها هتخليك فى عنيهم ذوق ومحترم

فحسن معاملة أهلك لوحدها هتدخلك الجنة

وهتخليك سعيد فى الدنيا والاخرة

بجد موضوع مميز يا بشمهندس

وجزاك الله خيرا على التذكرة دى

وياريت نفضل كدة علطول

ايهما تفضل , اكيد اللي هياخد الموضوع
ببساطه , وده الاب
الناجح دايما في بيته ,, صح


ده رأيي ...

افتح اي كتاب في التربيه هاتلاقي زي مابقول بالظبط.

هو ليه دايما كلمه (بخاف عليك ) مرتبطه بالقسوه , والشده والعنف

ليه مش عكس كده ليه مانخدش الامور ببساطه وبهدوء مش افضل..

اقتباس :

انت بقى دورك
يامتعلم 15 سنة ومتفتح انك تقرب منه وتصاحبه وسهل جدا تفهمه وترضيه لكن انت
عشان غلط بيبقى خلقك ضيق ومش طايق حد يك

ياسيدي انت اصلا ماتعوتش على كده , كان فين هو من كده

مين اللي يعلم مين

انا عارف انه اب وله كيانه وسلطته

انا بقول الكلام ده لاننا بنتدفع تمن اخطاء احنا ملناش اي ذنب فيها

بس برده احنا اللي لازم نعالج الامور , ونصلح حتى لو احنا الصح