هل انتهى هذا الزمان من هؤلاء الاصدقاء؟؟ام ما زلنا غا فلون؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]
كل سنه وانتم طيببين ورمضان مبارك عليكم وعلينا يا رب

انا عاوزه اتكلم عن حاجه ممكن توصلك للجنه بسلام وتنال بها اعلى الجنان

هتكلم عن شخص

هو الى هيساعدك ويساندك وقت الشده , وهو اول من يفرحلك وقت الفرح

هو الى هيعينك تروح تصلى معاه فى المسجد لو كسلت , هو الى هيقولك عيوبك

علشان تتفاداها وهو يكون شايفها ميزه فيك , هو الى اول ما تفكر تلجا ليه وتحكيله

عن ما بداخلك اذا فاضت بك الدنيا , هو .......وهو........وهو,,,,هو

يا ترى عرفتم انا بتكلم عن مين

عن

الصديق

علشان كدا مش لازم نصاحب اى حد ويكون هو دا صديقنا , لازم يكون صديق بحق

وهقولكم سته انواع لازم تكون فى صديقك علشان فعلا يسمى صديق من وجهة نظرى ليس الا :.

1_ صاحب المغفره

ايوه صاحب المغفره , لازم يغفرلك اذا اخطات فيه ويقولك الصح من الخطا

2_ صاحب الكمال

ايوه يكون مكمل ليك فى كل خير , لو اجتمعتم مع بعض وعملت مشروع للخير

ولا قدر الله توفيت ....تلاقى صاحبك دا هو الى بيكمل عملك ويوهبه ليك .

[ندعوك للتسجيل في المنتدى أو التعريف بنفسك لمعاينة هذه الصورة]
3_ صاحب المنافسه

يعينك على التنافس على الخيرات , تقوله ها قرات كام جزأ النهارده ..

صليت الضحى النهارده ولا نسيت .......طيب تجى تنتافس نشوف مين

فينا هيعمل خير اكتر.

ما هى المنافسه دى هيا الى بتخلق العمل الجاد , ولا مصاحبه بقالك عشرين سنه

وعمركم ما عملتهم ولا اشتركتم ولا اثر فيك ولا اثرت فيه .

[ندعوك للتسجيل في المنتدى أو التعريف بنفسك لمعاينة هذه الصورة]
4_ صاحب الشفاعه

نعم صاحب الشفاعه , الى ان شاء الله تجتمع معاه فى الاخره

ومن السبعه الذى يظلهم الله فى ظله رجلان تحابا فى الله اجتمعا عليه وتفرقا عليه

وخير شفاعه هى شفاعه خير خلق الله لنا -اللهم اجعلنا ممن يشفع لهم النبى الكريم يوم القيامه

5_ صاحب التطوير

نعم ياخد بيدك لتطور نفسك بيقولك والله انت صوتك حلو ممكن تستغله وتحفظ الناس قران مثلا

بيغير فيك للاحسن ولا سايبك ذى ما انت ويقول هو كدا ومش هيتغير

6_صاحبك مرايتك

ذى ما بيقولوا يا ترى بيقولك عيوبك علشان تصلحها ولا بيجاملك

رحم الله امرئ أهدى إلي عيوبي )
نسير في دوامة الحياة ,,,
نخطئ ونصيب ,,,
لا نتعمد الخطأ ,,
ولكننا نقع به دون علم
يرانا الآخرون
ربما نسقط من أعينهم بخطأ غير مقصوووووووود ..
وهنا يأتي دور النصيحة
وهنا ياتى دور الصديق
والدور الكبر فى تقبلك منه النصيحه

يا جماعه والله لو اصحابنا مش كدا فعلا يبقى احنا فى خطر وخطر كبير كمان

والخطر الاكبر ان احنا منكش كدا

عرفتوا بقى ان الصاحب دا هيكون طريق للجنه

اللهم ارزقنى واياكم الصحبه والصديق الصالح

ولكن السؤال يبقى حائرا فى ذهنى

هل انتهى هذا الزمان من هؤلاء الصحاب ؟؟؟؟؟؟؟ام ما زالت الدنيا بخير؟؟؟ام ما زلنا غافلون عن معنى الصداقه وحقوقها؟؟

سَـلامٌ عَلى الدُّنْيـا إِذَا لَمْ يَكُـنْ بِـهَا

صَـدِيقٌ صَدُوقٌ صَادِقُ الوَعْدِ مُنْصِفَـا

[ندعوك للتسجيل في المنتدى أو التعريف بنفسك لمعاينة هذه الصورة]

بجد تسلم ايدك وجزاكي الله خيرا

الموضوع رائع جدا ويمس جزئيه في غايه الاهميه عن معظمنا او كلنا ,

اقتباس :: هل انتهى هذا الزمان من هؤلاء الصحاب ؟؟؟؟؟؟؟ام ما زالت الدنيا بخير؟؟؟ام ما زلنا غافلون عن معنى الصداقه وحقوقها؟؟

لااعتقد اطلاقا ان يكون قد خلي هذا الزمان من هؤلاء الاصدقاء والدنيا مازالت

وستظل بخير ان شاء الله , يمكن في غفله بسيطه من البعض عن معني الصداقه وواجبات

كل فرد وحقوقه ايضا , لكن اعتقد ان النيه كلما كانت طيبه وحسنه والغرض نبيل

وهناك حب بين الصديقين تحققت كل الواجبات والحقوق على اكمل وجه

اللهم ارزقنا الخير في اصدقائنا واحشرنا معهم في الجنه يارب العالمين

شكرا لمرورك يا اخ احمد

وربنا يديم صداقتك انت والبشمهندس احمد السيد والبشمهندس باهر

وكل اصحابك يا رب

ربنا يبارك فيكي

يارب دايما اخوه طول العمر مش باهر واحمد بس لا , كلنا والله بجد انا بحسد نفسي على الدفعه

دي , اجمل واجدع واحسن دفعه

احمد طلعت واحمد مختار واحمد صبحي واحمد ماهر واحمد مسعد ومحمد عبد السلام

واسلام طه واسلام عبد الغني ومجدي وباهر واحمد السيد ..

وكل شباب المنتدي

يارب اخوه طول العمر

الصديق قبل الطريق والصداقة شئ مش سهل

وفى هذا الزمن صعب تلاقى الصديق الوفى اللى يحبك ويخاف عليك

اتمنى ان كلنا نلاقى الصديق الصح

موضوع اكثر من رائع جزاكى الله خيرا
اللهم وفقنا فى حسن اختيار ااصديق

اللهم وفقنا فى أختيار الصديق ، ويارب أجعله لى عوناً على طاعطتك ويكون لى حاجزاً عن معصيتك .

موضوع جميل تسلم ايدك

فعلا لازم نختار الصديق قبل الطريق
لان لو الصديق صح اكيد هنمشى فى طريق الصواب والخير
ولو غير كده هيكون الطريق غلط من بدايته
وربنا يديم عليا اصدقائى ويباركلى فهم ويجعلنا دايما صحبة الخير

[ندعوك للتسجيل في المنتدى أو التعريف بنفسك لمعاينة هذه الصورة]

موضوع جميلة تسلمى ووجود هولاء الاصدقاء نادر جدا حتى اصبح قرب المستحيل

» لا أنت أنت .. و لا الزمان هو الزمان - فاروق جويدة
» رفقاً ايتها الحياة فما زلنا على أرضك
» خواص جديده بالمنتدى : الســمــعــه ولائحة الاصدقاء والمنبوذين
» انتهى العام وبدأ
» غدر الزمان