| رسالة أولى من شهيد لأمه | |
|
+2مسعد النجار سميح عزت الهيو 6 مشترك |
كاتب الموضوع | رسالة |
---|
سميح عزت الهيو شــاعـر عمـاري
عدد الرسائل : 2323 العمر : 54 المكان : "عنوانى أرض الله .. فعلا ماليش عنوان " الحالة : "إسمى بنى آدم .. وقضيتى إنسان " الهواية : الشعر والأدب تاريخ التسجيل : 02/10/2008 التـقــييــم : 1
| موضوع: رسالة أولى من شهيد لأمه الإثنين 14 فبراير 2011, 1:04 am | |
| رسالة أولى من شهيد لأمه
سميح عزت
أمى .. ياللى عيونك مصر .. الحره لا تبكى ماتزعليش يا امه .. اليوم ده كان عرسى يوم الشهادة نور خدنى لجنه وحور فرشوا بساطى حرير وزهور ماتشبهشى غير نفسها يا امه .. ماشفتهاش عمرى وصبحت انا عصفور أخضر برىء بيطير فى الجنه فين مايحب لاقيد .. ولا ببكى وصدقينى ضحكت .. وانا حر من قلبى **** ماتزعليش يا امه .. أرجوكى لا تبكى عارفه ياست الكل أنا شفت عقد الفل بيلف رقبة مصر لحظة وداع نفسى لترابها ولنيلها لبيوتها ودروبها لغيطانها وعيدانها وساعتها كان قلبى بالجرأة متوضى حالف يكمل مهر ست الصبايا مصر يهديها تاج النصر يهدى اللى جاى بعدى زمن الأمان اللى كان طول الحياة حلمى **** يهديه لكل العجايز اللى أساهم وجعنى يهديه لكل اللى حسو بظلم قهره دفعنى أصمم اروى قلوبهم بفرحه تطرح غناوى ولو عدوى حصدنى يهديه لطفل المدارس اللى بيسأل بلادى القاها فين ف الكتب دى يهديه لكل الأجنه ولطفل لسه بيحبى وعينيه بتقرا الخطاوى لجلن يكمل مسيرتى يهديه لعامل فى مصنع عرقان وإيده بتصنع الجَى فجر لمدينتى يهديه لفلاح بيزرع غيطان بلادى تقاوى أصولها من طرح مصرى يهديه خصوبة لجدور زرع الغيطان اللى ضله فى الحر ياما حضنى يهديه يا أمى لقلبك لأخويا ولقلب أختى يهديه لخطوة صديقى ولكل صاحب سندنى لحظة ماضحكت دمايا للأرض لما خدتنى بالحضن خلتنى أنسى وجعى وأنطق شهادتى خلت كيانى يبسمِل والروح تكبر ف جسمى فرحانه رايحه لربى **** يا أمى ياله افرحيلى ولمى طرحة بكاكى أنا كنت بهتف بروحى وسط الميدان بين صحابى لحد ما النصرة ضحكت جوه القلوب والأغانى أصواتها عليت وخلت مصر الحبيبة ف ثوانى طلعةْ نهار شقشقاته ملايين بتهتف بلادى غيَّر ملامح تاريخها خلاها تنشد ياعالم م الدهشة فوقوا اسمعونى عقدى جابوه لى ولادى من كف غاصب ماحسش مره بحزنى ونوحى **** ساعتها طفت الميدان وخدت للذكرى صورة كل الوشوش فيها وشى مافيهش نظرة كسيرة وطرت فوق ف العنان وشفت مصر العزيزية فعلا بهية وعزيزة شفت الشباب والصبايا ويا الشيوخ أحلى آية لثورة واعية وشريفة ختمها دم اللى ضحوا زيى بختم الطهارة لكن بقولك حقيقى الثورة كانت بدايه مش وقت ياامه الدموع آن الأوان الحكاية يكتبها شعب الكرامة صبر وخطاوى توصَل أجيال بلادى لأجمل جوهر لأرض الكنانة ويصيغها فكرة تأصل معنى امتداد الحضارة حرية حق وجسارة بساتين محبة وعدالة خلى ملامحك يا أمى ضى النهار لجل خاطرى الحلم أصبح حقيقة (الحمل ماطلعش كاذب ) بهيه وضعت وربت ثوار جابوا لها حلقها ردوا حقوق الضحايا ردوا حقوق الضحايا
| |
|
| |
مسعد النجار عماري أصيل
عدد الرسائل : 1942 العمر : 47 المكان : العمار البلد الحالة : الحمد لله (تمام) الهواية : راصد لأمور عدة تاريخ التسجيل : 21/12/2007 التـقــييــم : 2
| موضوع: رد: رسالة أولى من شهيد لأمه الإثنين 14 فبراير 2011, 7:29 am | |
| سرعة الإيقاع وقصر الفقرات محسسانى ان فيه عصفور بيطير فى السما
امتعتنا يا كبير
| |
|
| |
محمد يحيى شــاعـر عمـاري
عدد الرسائل : 340 العمر : 47 المكان : شبرا الخيمة الحالة : أنا اللى بالأمر المحال أغتوى الهواية : على باب الله تاريخ التسجيل : 03/05/2010 التـقــييــم : 2
| موضوع: رد: رسالة أولى من شهيد لأمه الإثنين 14 فبراير 2011, 10:52 am | |
| الله الله يا عمنا الله يرحمك يا شيخ إمام..فينك تغنى ولاد بهية الحرة بيغنوا ثورة | |
|
| |
AhMeD ELSaYeD عماري أصيل
عدد الرسائل : 5492 العمر : 36 المكان : العمار الحالة : عاشق العمار وناسها الهواية : الصحافه والاعلام تاريخ التسجيل : 16/03/2007 التـقــييــم : 0
| موضوع: رد: رسالة أولى من شهيد لأمه الإثنين 14 فبراير 2011, 11:28 am | |
| تلميذ الشيخ امام حازم شاهين
هيغنى لأستاذه كل اللى نحبه ياعمنا
الخميس مساءا ان شاء الله
نور العمار وشاركنا فرحتنا بالثورة
| |
|
| |
مختار محمود أديـب عمـاري
عدد الرسائل : 2683 العمر : 59 المكان : السعودية الحالة : موكن يعني تمام الهواية : قراءة تاريخ التسجيل : 24/01/2008 التـقــييــم : 0
| موضوع: رد: رسالة أولى من شهيد لأمه الإثنين 14 فبراير 2011, 12:34 pm | |
| ضى النهار لجل خاطرى الحلم أصبح حقيقة (الحمل ماطلعش كاذب ) بهيه وضعت وربت ثوار جابوا لها حلقها ردوا حقوق الضحايا ردوا حقوق الضحايا
مش هزار يا عم سميح والله
اللي اتاخد منها زتونة
زي العقد
مش حلق
معلهش انا عايز الزتونة | |
|
| |
سميح عزت الهيو شــاعـر عمـاري
عدد الرسائل : 2323 العمر : 54 المكان : "عنوانى أرض الله .. فعلا ماليش عنوان " الحالة : "إسمى بنى آدم .. وقضيتى إنسان " الهواية : الشعر والأدب تاريخ التسجيل : 02/10/2008 التـقــييــم : 1
| موضوع: رد: رسالة أولى من شهيد لأمه الأربعاء 16 فبراير 2011, 10:15 am | |
| - مسعد النجار كتب:
سرعة الإيقاع وقصر الفقرات محسسانى ان فيه عصفور بيطير فى السما
امتعتنا يا كبير
ربنا يبارك فيك ياعم مسعد انتم اللى امتعتونا وشرفتونا انتم العصافير اللى بحق وحقيق وأنا مش كبير ياعم أنا أصغر واحد فيكم أسعدنى مرورك العطر ياكبير
عدل سابقا من قبل سميح عزت الهيو في الأربعاء 16 فبراير 2011, 11:18 am عدل 1 مرات | |
|
| |
سميح عزت الهيو شــاعـر عمـاري
عدد الرسائل : 2323 العمر : 54 المكان : "عنوانى أرض الله .. فعلا ماليش عنوان " الحالة : "إسمى بنى آدم .. وقضيتى إنسان " الهواية : الشعر والأدب تاريخ التسجيل : 02/10/2008 التـقــييــم : 1
| موضوع: رد: رسالة أولى من شهيد لأمه الأربعاء 16 فبراير 2011, 10:28 am | |
| - محمد يحيى كتب:
الله الله يا عمنا الله يرحمك يا شيخ إمام..فينك تغنى ولاد بهية الحرة بيغنوا ثورة انت اللى عمنا ياصديقى يامدرك الوتر والله يرحم الشيخ إمام فكرتنا ببقرة حاحا وصحيح الحمد لله عشنا وغنينا ثورة دام مرورك العطر | |
|
| |
سميح عزت الهيو شــاعـر عمـاري
عدد الرسائل : 2323 العمر : 54 المكان : "عنوانى أرض الله .. فعلا ماليش عنوان " الحالة : "إسمى بنى آدم .. وقضيتى إنسان " الهواية : الشعر والأدب تاريخ التسجيل : 02/10/2008 التـقــييــم : 1
| موضوع: رد: رسالة أولى من شهيد لأمه الأربعاء 16 فبراير 2011, 11:11 am | |
| - AhMeD ELSaYeD كتب:
تلميذ الشيخ امام حازم شاهين
هيغنى لأستاذه كل اللى نحبه ياعمنا
الخميس مساءا ان شاء الله
نور العمار وشاركنا فرحتنا بالثورة
أما كان من كفٍ تقدعُ من يَخَل أن المقيم على السطر عاف ؟ ويُكفّتُ فى ثناياه اختصار المودة
دام مرورك أخى أحمد السيد
| |
|
| |
سميح عزت الهيو شــاعـر عمـاري
عدد الرسائل : 2323 العمر : 54 المكان : "عنوانى أرض الله .. فعلا ماليش عنوان " الحالة : "إسمى بنى آدم .. وقضيتى إنسان " الهواية : الشعر والأدب تاريخ التسجيل : 02/10/2008 التـقــييــم : 1
| موضوع: رد: رسالة أولى من شهيد لأمه الأربعاء 16 فبراير 2011, 11:17 am | |
| - مختار محمود كتب:
- ضى النهار لجل خاطرى
الحلم أصبح حقيقة (الحمل ماطلعش كاذب ) بهيه وضعت وربت ثوار جابوا لها حلقها ردوا حقوق الضحايا ردوا حقوق الضحايا
مش هزار يا عم سميح والله
اللي اتاخد منها زتونة
زي العقد
مش حلق
معلهش انا عايز الزتونة أنا عارف انه مش هزار يا أستاذنا والله وكان فى بالى العقد ده وانا بكتب
وذكرته فى موضعين مرة عقد ومرة حلق لبيان أن شباب مصر جاءوا لها بكامل حليها فهل جاء لأمنا حقها من ضمن ماجاء؟ أظنه جاء ياسيدى وتبقى زيتونة نأتى بها من رحاب القدس
وعلى وراسى يا أستاذى نجيب الزتونة
دام مروك المحمل بعطر الخصوبة . | |
|
| |
ورده بلادى عماري أصيل
عدد الرسائل : 4320 العمر : 36 المكان : فوق تل اليــاسمين الحالة : لؤلؤة مغمورة الهواية : أحررنى بإستعاراتى تاريخ التسجيل : 29/11/2009 التـقــييــم : 9
| موضوع: رد: رسالة أولى من شهيد لأمه الأربعاء 16 فبراير 2011, 11:33 am | |
| | |
|
| |
| رسالة أولى من شهيد لأمه | |
|