محمد يحيى
شــاعـر عمـاري
عدد الرسائل : 340
العمر : 47
المكان : شبرا الخيمة
الحالة : أنا اللى بالأمر المحال أغتوى
الهواية : على باب الله
تاريخ التسجيل : 03/05/2010
التـقــييــم : 2
 |  موضوع: أغسطس...مجدي الجابري  الأحد 03 أبريل 2011, 10:37 am | |
| lor=red]]* مقدمة لابد منها : لزم التنوية عن الموقع الذى نقلت منه القصيدة..موقع (شعر العامية المصرى..100 شاعر عامية)والجدير بالذكر أن اسم شاعرنا الكبير سميح عزت..منور بالموقع الأمر الذى يشعرنا بالفخر والسعادة..فتحية لهولن أنقل هنا قصيدة من قصائده القديمة المختاره بهذا الموقع..وندعو الله أن ينعم عليه بالصحة والإبداع المتقد ليمتعنا بجديده .وسأنقل عن شاعر آخر أحبه كثيراً رحمه الله فقد وافته المنية فى ريعان الشباب تاركاً وراءه أعمال لها مكانتها العالية ضمن أدب التسعينيات وساهمت بشكل محورى فى تحديد ملامح تلك الفترة . [/size]
إنه مجدي الجابري..وقصيدته أغسطس
حذار أن تذهب الى البحر واذا ذهبت فأسلم له جسدك { سعدى الشيرازى
ع الصخره اللى هناك ف اغسطس
وشى المحفور
دمى الفوار
أطرافى بتسقط
-والملح
ملامح بتغادر كفى /يمام
وتحل الريح من أسرى
تفر الغنوه / الكرباج
من شباك متوارب ع الشط المغروز ف اكتافى
اتوارب
جسمى مقفول على سرب يمام بيسبح للنور المطفى
ولع عود كبريت
حاسب
نفسك عرانى
ورمانى تحت الشلال
يا ستار
الشارع هايص
وكان القلب نهار
أمال
لما ضمتنى
عشش على أول موجه يمام
النار
تحت مخدتى
ف لسانى
شبك دراعاتك بحر هناك
ع الصخره هدومى
بتهيج اتنينعشاق
بيقربو من بعض
بيتلامسو لأول مره
فرت زغروطه من شباك مقفول
حاسب
الموج غطاك
دمى
أطرافى بتسقط
وبيوت ع الشط هناك بتاكلها
الريح
النار
اكتافى سلخها الليل البحرتقيل
جميل
انك حطيتى كل الأسرار فى خزاين
مفتاحها
النار
الملح
البنت بتلعن ف عطورى
وبتدخل شق ف بيت مهجور
البيت
الشارع
الناحيه التانيه
بص
طابور من رمل بيعلن
اسمع
ع الصخره اللى هناك ف اغسطس
النور المطفى بيجدل ف ضفايرك
لأ بيشق هدومى ويدخل بينى وبينك
كدابه
احنا اتنين مش واحد
لأ واحد
والدم دليل البحر الهايج
ملح بيشهق ع الصخره هناك
ويمام بيروح على قبة بطنى يسبح
اسبح
القلب / سلاح الكف المتاكل م الملح
الملح
صحيح
البنت بتخرج حبلى من الشق
والصخره / وشى الحفور /أطرافى
النور المطفى
يمام
بيكن ما بين الشطين
ويموت
| |
|
سميح عزت الهيو
شــاعـر عمـاري
عدد الرسائل : 2323
العمر : 54
المكان : "عنوانى أرض الله .. فعلا ماليش عنوان "
الحالة : "إسمى بنى آدم .. وقضيتى إنسان "
الهواية : الشعر والأدب
تاريخ التسجيل : 02/10/2008
التـقــييــم : 1
| | موضوع: رد: أغسطس...مجدي الجابري الخميس 07 أبريل 2011, 9:21 am | |
| ربنا يبارك ياشاعرنا الجميل
دايما جميل وسباق
وذكرتنا بالجميل
أسأل الله ان يرحم الشاعر مجدى الجابرى
ويسكنه فسيح جناته
وصدقنى
كان أن تنقل له شىء من إبداعه هنا كأحد الشعراءالـ 100الذى ضمتهم الموسوعة مصدر سعادة بالغة لى وكانك نقلت لى أنا.
فأنا أحب مجدى الجابرى يرحمه الله بإذنه تعالى .. وهو شاعر تستحق تجربته التاطير والتنظير .. ولعلنا مع الأيام نفعل ذلك.
شكراً لك أخى الكريم على الإطراء الحسن .. وشكراً لما نقلته من زهور مجدى الجابرى فى حديقة نتمنى أن تستيقظ أشجارها على أصوات شعرية حقيقة . | |
|
