حوار صريح جدا الحلقة 2

1-ما الفرق بين شخصية نور فى
المنتدى وبره المنتدى

هي هي مفيش تفيير

2 - قلمك ام لسانك فى
التعبير قلبك ام عقلك فى التفكير؟

قلمى فى التعبير و عقلي فى التفكير


3-أيه رأيك فى
عادات وتقاليد العمار ومقترحاتك لتغيير هذه العادة ؟

فى عادات زي العسل و جميلة جدا مش هنلقيها غير هنا فى العمار و فى

بردو على النقيض عادات مبالغة جدا مش هنلاقيها بردو غير في العمار

مقترحاتى لتغيير العادلت دي هو لو كنا مش قادرين نأثر على الأجيال الأكبر منا فى التخفيف

و إزالة العادات و التقاليد دي فإحنا بإيدينا نغيرها يعنى بما أن كل الشباب مؤمن بأن دي عادات

لابد من عدم وجودها فإذن لما يكون فإيدينا فنبدأ بنفسنا و العادات دى لو موجودة دلوقتى

هتتمحى بعدين و بردو العادات الكويسة لو احنا بقينا عليها هتستمر طول العمر

4-هو
فى حد زيى - هما يطوله - ده انا احسن منهم - هما مين دول-ايش اب لجاب (هل
للكلمات دى وجود فى

حياة نور ؟

الحمد لله لاء ممكن اقولها لحد على سبيل الهزار مثلا

يعنى اقول هو فى حد زيك ـ ده انتى احسن منهم [ندعوك للتسجيل في المنتدى أو التعريف بنفسك لمعاينة هذه الصورة]

5- هل تحب
اسمك ؟

جداااااا الحمد لله

6-اجمل ما فى الوردة الرحيق واجمل مافى
الدنيا الصديق (كام صديق لك )؟

صديق يعنى عمر يعنى عشرة يعنى زمن صديقة واحدة بس

7-لو شخص عزيز عليك
جدا احرجك فى وسط جماعة متحبش تتحرج قدامهم والاحراج ده
مش عادى (هتسكتى )؟

أه هسكت و هزعل من الشخص ده جدا جدا

لكن هحاول اتمالك نفسي لأن وارد يكون ميقصدش الاحراج ده

ليس الشديد بالصرعة، إنما الشديد الذي يملك نفسه عند الغضب

8-ايه رايك (الكذب-النفاق -
الانيسياق (واحد ماشى ورا واحد بدون تفكير )-التكبر:؟

الكذب : لا يدخل الجنة كذبا

النفاق : عدم صدق مع النفس اولا و اخيرا

الانسياق : الغاء لشخصية الشخص

التكبر : لا يدخل الجنة من كان في قلبه مثقال ذرة من كبر

وكلها صفات سيئة ربنا يبعدنا عنها

9-قصة
حياتك فى كلمة واحدة فقط ؟؟؟؟؟؟

ذبذبات

10- لو انت رايح
الجامعة او شغلك ومتاخر جدا وفجاءة وقعت عليك حلة مية مش
ولابد
هتنعمل ايه بالتفصيل ؟؟

ههههههههه و الله هي حصلت فعلا كنت راحة درس الرياضيات فى أولى ثانوي

و أول حصة بقى و بستعد لها من ساعة و مش أى درس بقى دا رياضيات

و لقيت حل ميه من الدور الخامس و لقيت الحاجة اللى وقعتها بتقولي اتبليتي!!!

مردتش و روحت و أنا راجعة راحة الدرس تانى قالتلى هو حصل حاجة؟

قولتلها لاء خالص [ندعوك للتسجيل في المنتدى أو التعريف بنفسك لمعاينة هذه الصورة] و طبعا روحت الدرس متأخرة

11-
موقف (محرج - محزن - مضحك )

محرج و مضحك أبطالها الأطفال دايما مش فاكرة حاجة بالظبط

محزن يوم وفاة جدي

12-تقول ايه الى كل
من ظلمك؟ واللى انت ظلمتهم ؟

أقول لربنا سامحنا يارب

13-لوبقيت مدير
المنتدى هتعمل ايه ؟؟

بصراحة مفكرتش فى كده لكن أكيد ساعتها هيبقى ليا طموحاتى

بس أكيد هحاول أرجع الناس اللى مشيت من المنتدى و أحاول أخلى فى أعمار متفاوتة

14-لوبقيت عضو مجلس شعب
هتفيد العمار الزاى؟

أكيد فى الوقت ده هيبقى أولوياتى الدايرة كلها مش بس العمار

العمار بس هتبقى أقرب ليا

بس أكيد هحاول أفيد العمار بالحاجة اللى محتاجها فى الوقت ده

15-أكثر المواضيع بتشد نظرك
فى المنتدى؟؟

المواضيع اللى بتناقش سلبيات أو اللى بتناقش حاجة خاصة بالعمار و المواضيع اللى

لغة الحوار متحققة فيها بنسبة عالية مش اللى بنتخانق فيها

16-احسن قسم فى المنتدى ؟؟

كل الاقسام جميلة لكن لما أنا شخصيا بكتب موضوع بحب يكون فى حوارات شبابية

أو قهوة شباب العمار

17-
ايه رايك فى المنتدى عامة ؟

مكان لكل شباب العمار تبادل فكري و ثقافى

18- لوتمنيت وظيفة
هى إيه؟

مدرسة [ندعوك للتسجيل في المنتدى أو التعريف بنفسك لمعاينة هذه الصورة]

19-ايه امنيتك فى الحياه؟

رضا ربي و بابا و ماما

20-
لوجتلك فرصة للعيش بمدينة غير القاهرة هتختارى ايه؟

مكة المكرمة

21-هل
أنت تحب ان تكون انسان ريادى ؟؟

لا خالص

22- زملكاوى ولا
زملكاوى ؟؟؟

لا أهلوي و ؟أفتخر [ندعوك للتسجيل في المنتدى أو التعريف بنفسك لمعاينة هذه الصورة]

23- إيه رأيك فى فكرة البرنامج

رائع ما شاء الله و الأسئلة أكثر من رائعة

لحظات صدق

صلى
على النبى المختار وقولى سبحان الله بحمده سبحان الله العظيم 10 مرات
بالقول مش الكتابة

يااااااااااه جزاك الله خيرا و ثوابا



فاصل ونواصل لسه فى
أسئلة فى الاعداد

و أنا منتظرة باقي أسئلة حضرتك و أسئلة الأعضاء و أتمنى أن أكون قد أصبت

فإن أصبت فمن الله وإن أخطأت فمن نفسي والشيطان

و السلام عليكم