تركيا طلعت اجدع مننا يا جدعان

أعلن وزير الخارجية التركى أحمد داود أوغلو اليوم الجمعة، طرد السفير الإسرائيلى فى أنقرة، وتعليق تركيا لكافة
الاتفاقيات العسكرية، وتخفيض مستوى التمثيل الدبلوماسى لبلاده مع إسرائيل، على خلفية تقرير الأمم المتحدة حول الهجوم الإسرائيلى على أسطول الحرية.

تركيا عملت كل ده عشان الهجوم على الاسطول اللى كان رايح غزه ....وهجوم بس

انما احنا يتقتل من عندنا جنود بالغلط ف سينا وعادى واسرائيل تقولك معلش ياجماعه والله كنا بنصطاد شوية ارهابيين جت ف المصريين ...ياحلاشااااا

والحكومه لسه بتطبطب وتدلع وتهنن وتقولك عاوزين نحقق يا اسرائيل ونبى لو ماكانش يضايقك

وهنفضل نطاطى عشان معاهدة كامب ديفيد وكامب ام ترتر

ملعون ابوها معاهدة هتخلينا نتقتل وننداس بالجزم ياشيخ

نفسى الاقى عند الحكومه روح الحسم والشدة

بجد انا مضايق من شكلنا والله حاسس ان احنا بقينا هفية اوى

الناس ف مصر مقسومين لنوعين:

نوع الناس الكبيرة ودايما يقولو ياعم كفايه حرب بقى وعاوزين نعيش جمب الحيط
مش عاوزين مشاكل

ونوع الشباب المندفع واللى يقولك اسرائيل ده احنا هنعمل ونسوى فيها ده احنا هناخد تكاتك ونطلعلهم هناك ف تل الانابيب ..

هو اينعم كلام بلا أساس وغير محتمل الحدوث ولو بنسبة 1% بس تحس ان الكلام لو اتنظم واتحط ف اطار استراتيجى ممكن يطلع بشكل منظم وقوى كمان بيدى احساس كده ان احنا لسه بنحس ع الاقل

واخيرا:

لو سكتنا على دم ولادنا اللى راح هدر يبقى عليه العوض ويسعدنى انى اقول :
احنا أسفين ياصلاح

طبعاً تركيا أحسن ولكن بفرق واحد بس

إن فيها حكومة تستمد قوتها من الشعب لأنها منتخبة في إنتخابات حرة ونزيهة

لكن إحنا عندنا إما المخلوع أو اللي جم ورا المخلوع وبيكملوا بنفس طريقتوا

الراجل التمام اللي عارف إنو جي بطريق شرعي وله شعبية يقدر يعمل كتير

لكن ده لسة محصلشي في مصر

حتى لو المعاهدة ضد طرد السفير في مليون طريقة للرد بدون طرد السفير وهتحرقهم

أكتر مليون مرة أكتر من طردوا

طرد السفير مش الموضوع الموضوع في الناس اللي عندنا اللي معندهاش القدرة على الرد

فيطلعولنا 3000 محلل وناشط وخبير يقولك مينفعش طرد السفير ويحسسونا إن ده هو الموضوع

لكن الموضوع في إنك ترد بأي شكل قوي وجاد بشكل يمثل رد فعل مناسب لقتل جنودك وإستباحة أرضك

محمدعبدالرحمن كتب:: طبعاً تركيا أحسن ولكن بفرق واحد بس

إن فيها حكومة تستمد قوتها من الشعب لأنها منتخبة في إنتخابات حرة ونزيهة

لكن إحنا عندنا إما المخلوع أو اللي جم ورا المخلوع وبيكموا بنفس طريقتوا

الراجل التمام اللي عارف إنو جي بطريق شرعي وله شعبية يقدر يعمل كتير

لكن ده لسة محصلشي في مصر

حتى لو المعاهدة ضد طرد السفير في مليون طريقة للرد بدون طرد السفير وهتحرقهم

أكتر مليون مرة أكتر من طردوا

طرد السفير مش الموضوع الموضوع في الناس اللي عندنا اللي معندهاش القدرة على الرد

فيطلعولنا 3000 محلل وناشط وخبير يقولك مينفعش طرد السفير ويحسسونا إن ده هو الموضوع

لكن الموضوع في إنك ترد بأي شكل قوي وجاد بشكل يمثل رد فعل مناسب لقتل جنودك وإستباحة أرضك

احنا بنقول طرد السفير دى بدايه يعنى بنقول للحكومه اقل حاجه طرد السفير ونبى أعملوها وحسسونا ان احنا مش خايفين منهم

KAREM كتب:: وهنفضل نطاطى عشان معاهدة كامب ديفيد وكامب ام ترتر

تعرف لو شوفت واحد اسرائيلى فى سيناء هاعمل فيه ايه

لو لم اكن مصريا لوددت ان اكون تركيا

ESLAM GODA كتب:: لو لم اكن مصريا لوددت ان اكون تركيا

» ما قولنا حسنى غيره مافيش...... زعلتوا مننا مش انت واحد مننا خش واتفرج
» كل سنة وانتا طيب يا اجدع شاب فى العمار
» اجدع اصحاب @ احسن منتدى
» والله ما فى اجدع منا ..( رمضان كريم )
» لو جدعان حلوها .