لعبه كرسى الاعتراف

السلام عليكم و رحمة الله

الفكرة قديمةةة قوى بس بتبقى لذيذة و جميلة و متجددة
و كتير من الاعضاء باذن الله هيعجبوا بيها
غالبأً عشان يطلعو القطط الفطسانة جوا كل حد
او هوا نوع من انواع التهريج الثقيييل شوية
او طريقة لتقضية وقت جميل في المنتدى

الفكرة ان كل فترة نختار عضو
و توجهوله كمية اسئلة
شخصية و اجتماعية و موقفه من التجنيد يعني كل الي نفسكم فيه

و يجي العضو الكريم و يجاوب على الاسئلة الكريمة
و نتبسط و نستفيد من خبرات بعض

بس اللعبة فعلأً جميلة و مفيدة و هنطلع منها بحاجات كتيرة كويسة

هااه انتو معايا؟؟

فى كذا مرشح نبدا بيه بصفه مبدايه ومتخاوفوش مفيش حد هيفلت من الكرسى حتى انا
1- احمد
2- ام عبد الرحمن
3-ابو احمد
4-روز
ولدين وبنتين
باب التصويت لحدالساعه7 مساء الخميس
اكتر واحد واخد اصوات هيقعد على كرسى الاعتراف ويقر
حضروا اسئلتكم

و على العموم اللى هتختاروه انا هابعتله رساله خاصه و اقوله يجى هناا علشان يعترف و يجاوب على الاسئله
و يارب الموضوةع يعجبكم
على فكره منقوووووووووووووووووووووول

الموضوع جميل وانا اخترت احمد بصفتة رئيس المنتدى وعايز اتعرف عليه اكتر

زائر

روز

ايه فييييييييييييييييييييييييييييييييييييين التصويتات

انا بصوت لاحمد

تم تاجيل غلق باب التصويت حتى السبت 24 مارس الواحد ظهرا

وبعدها هنبدا الاسئله للمرشح

لو الموضوع يستاهل انا بطلب من الاداره وضعه كاعلان او تثبيته

زائر

يلا وانا احمد

اوك احمد

شكلنا هنقدم غلق باب التصويت

يلا شدوا حيلكم

وحضروا اسئلتكم

طيب وانا بقول محمد لاني عايز اتعرف عليه اكتر انا كمان
الظااهر كده كلكم اتفقتوا علي وشكلي ادبست.........ربنا يسامحكم
طيب انا بقترح نعمل الاسئلة دلوقتي ونخلص قوام قوام لاني والله الاسبوع اللي جاي كله
ورايا امتحانات فيه...........

انا موجوده اهوه
وبجهزلك الاسئله

1-كم مرة جبت درجات وحشة فى الامتحان(يعنى كحكة مثلا)؟

2-اتهزئت قبل كده وانتا بتعاكس ؟؟؟
3-هل بتحب كلام البنات وتقعد تسمع بيقولوا ايه؟
4-هل انت شخص تحب ان تظهر شخصيتك للاخرين ؟
5-هل مثلت يوم دور الفتوة أمام البنات في علقة خناقة وكانت النتيجة أكلت علقة سخنة ؟
6-هل تعتبر نفسك سعيداً بحياتك الآن؟

7-ايه اكتر حاجه ندمت عليها
8-كام مرة اتخدعت في اللي قدامك

9-ايه اكتر حاجه بتحبها في صفاتك
10-كام مرة اتخدعت في اللي قدامك

يلا كفايه عليك كده احسن انت صعبت عليا lol!

ههههههههههههههههههههه الاسئلة اصلا تموت من الضحك علي العموم انا اهو وهعترف بكل حاجة ......

1-كم مرة جبت درجات وحشة فى الامتحان(يعنى كحكة مثلا)؟
والله مش كتير ممكن مرة او اتنين بالكتير اوي متفوق بقي....

2-اتهزئت قبل كده وانتا بتعاكس ؟؟؟
اكيد لأ طبعا لاني حقيقي والله عمري ما عاكست بنت وعمري ما هعاكس بنت مهما حصل لان في رأيي ان اللي بيعاكس ده بيبقي عنده نقص في حاجة وبيحاول يعوضه وكمان بيبقي قلة احترام قدام نفسه
وبعدين مين دي اللي تستاهل اني اعاكسها اصلا......والله مش غرور خالص
4-هل انت شخص تحب ان تظهر شخصيتك للاخرين ؟
والله مش بحط الحكاية دي في دماغي لانها اكيد هتظهر لوحدها لكن اللي بحطه في دماغي اني اعرف شخصية اللي قدامي اكتر
5-هل مثلت يوم دور الفتوة أمام البنات في علقة خناقة وكانت النتيجة أكلت علقة سخنة ؟
والله ابدا لاني مش بحب الخناقات اصلا لكن لو اضطريت انتوا عارفين انا برج اسد يعني مش هتقدر تفتح عينيك
ومش بحب امثل قدام حد مهما كان الحد ده لاني والله انا بتصرف طبيعي جدا ولو انا مش قد حاجة مش ممكن اضحك علي نفسي واعمل فيها بطل واني أدها
6-هل تعتبر نفسك سعيداً بحياتك الآن؟
هو مفيش اي انسان مرتاح عن نفسي الحمد لله بس طبعا السعادة عندي ليها اوقات معينة واوقات قليلة كمان جدا ....ده مجرد ان الواحد يفكر في بكرة بيضايق جدا .........لكن في حاجات بتهون علي الواحد كتير وبتفرحه جدا بس للاسف وقتها قصير اوي
7-ايه اكتر حاجه ندمت عليها ؟
هو في كذا موقف بس مش فاكرهم بندم علي احلام كتيرة اوي كانت في دماغي ومقدرتش احققها ...... حقيقي حاجات كانت نفسي تحصل ونفسي احققها اوي لكن للاسف بتروح وبتضيع في اخر لحظة
بندم اوي علي اي حاجة غلط عملتها عشان ما اكررهاش تاني......اكيد اي انسان بيغلط
برده دايما لما اخرج من بعد امتحان صعب اوي واكون حالل فيه وحش باندم ان انا ما زاكرتش كويس او اندم علي سؤال سهل حليته غلط بس الموضوع ده كان زمان دلوقتي لا مبالة بطريقة مش عارف ليه
كمان بضايق جدا لو حد بيحبني اوي زعل مني وبندم اني زعلته رغم انه بيبقي غصب عني

8-كام مرة اتخدعت في اللي قدامك ؟
هو لحد دلوقتي الحمد لله ما اتخدعتش بمعني اتخدعت لكن هو ممكن اكون خدت فكرة حلوة اوي عن حد واكتشف بعد كده اني الفكرة دي غلط ساعتها بضايق اوي اوي
ايه اكتر حاجه بتحبها في صفاتك ؟
بيتهيالي محدش يقدر يقول انا بحب في نفسي كذا وكذا
لكن ان كان ولابد ممكن يكون اني بحاول ما شاغلش بالي اوي او اني مؤمن بالقدر اوي .....ممكن اقول برود الاعصاب لكن طبعا مش في كل الاوقات ببقي كده

شكرا لردك استاذى
بسسسسسسسسسسسسسسسسسسسسسسسسسسسسسسس
سيدتك هنعتبرك نسيت سؤال
3-هل بتحب كلام البنات وتقعد تسمع بيقولوا ايه؟

احمد رد على كل الاسئلة كويس جدا والدور دلوقتى على اسلام

لا يا محمد اكيد فى جد تانى عايز يحرجه ويساله

ولو مفيش قولوا بقى عشان نغير اللى قاعد عالكرسى

ياجماعة انا موجود واي حد عايز يسأل اي حاجة مفيش اي مانع

وبالنسبة لاخر سؤال
3-هل بتحب كلام البنات وتقعد تسمع بيقولوا ايه؟
سواء بنات او مش بنات لو كلام فاضي مش بحب اسمعه

اوك اسأل بقى:-
س/ ايه هدفك اللي انت بتحاول تحققه؟
س/ ايه اكتر صفات بتكرهها في البنات وفي الاولاد كمان؟
س/ حلم بتحلمه وفي نظرك صعب يتحقق؟
س/ اكتر صفة ايجابية بتتميز بيها واكتر صفة سلبية؟
س/ هل انت رومانسي ؟
س/ ايه اغرب موقف قابلك في حياتك؟
س/ ايه اكتر موقف صعب اتحطيت فيه؟
س/ أيهما تفضل: الزةاج عن حب ام الزواج التقليدي؟؟
شكرا....... بالتوفيق

زائر

السلام عليكم انا يمكن يكون سؤالى تافهه شويا بس لازم تجاوب
س/ ماسر حبك لماندى لا مش انت لو حدك انت وانتيمك؟

يلا اسئله جديده
انت بتحب تقعد على قهاوى و لالا
و لو لا ايه رايك فى اللى بيقعدوا على قهاوى
و لو اه ايه رايك فى نفسك كداا و انت بتقعد على القهوه

ممكن اسالك
انت اشتغل قبل كده ولا لاء
ولو اشتغلت اشتغلت ايه وفين ومرتبك كان كام
وصرفته فى ايه وعايزه بقى فاتوره بكل حاجه
ولو مشتغلتش مشتغلتش ليه وقاعد فى البيت بتعمل ايه
وبتاخد مصروف كام

وبالهنا والشفا

معلش ياجماعة اني اتاخرت في الاجابة بس حقيقي غصب عني
وهبدا بالاسئلة اللي عليها الدور
س/ ايه هدفك اللي انت بتحاول تحققه؟
والله نفسي اغمض عيني وافتحها الاقي نفسي مخلص كلية
ونفسي ابقي ناجح في حياتي
س/ ايه اكتر صفات بتكرهها في البنات وفي الاولاد كمان؟
اكتر حاجة بكرها بجد هي الغرور او اللي شايف نفسه او اللي شايفه نفسها دي حاجة بتنرفزني جدا
س/ حلم بتحلمه وفي نظرك صعب يتحقق؟
نفسي اعيش حياة سعيدة علي طول وده مش صعب ده مستحيل
س/ اكتر صفة ايجابية بتتميز بيها واكتر صفة سلبية؟
مقدرش احكم علي نفسي لان ممكن الصفة دي في نظري حاجة وفي نظر اللي حوالي العكس
بس ممكن تكون الصفة السلبية اني ماعنديش رد فعل علي مواقف بتحتاجه بتبقي مش فارقة معايا اوي يعني ممكن اقول برود زيادة شوية دي اكتر حاجة سلبية
الصفة الايجابية ممكن تكون اني مش بحب ازعل حد مني خالص وبحب كل الناس وعمري ما احكم علي حد الا لما اعرفه كويس اوي
س/ هل انت رومانسي ؟
كل حاجة ليها وقتها انما لو السؤال قصده رومانسي رومانسي تبقي الاجابة لأ
س/ ايه اغرب موقف قابلك في حياتك؟
والله مش فاكر دلوقتي بس في كتير اول ما افتكرهم هكتبه
س/ ايه اكتر موقف صعب اتحطيت فيه؟
لما الاقي انسان عزيز علي اوي اوي تعبان وعاجز اني اعمل اي حاجة
س/ أيهما تفضل: الزواج عن حب ام الزواج التقليدي؟؟
ياريت يكون حب بس يكون حب حقيقي

انت بتحب تقعد على قهاوى و لالا
و لو لا ايه رايك فى اللى بيقعدوا على قهاوى
و لو اه ايه رايك فى نفسك كداا و انت بتقعد على القهوه؟

لا مش بحب اقعد علي قهاوي يعني مش بحبها
بس لو انا بحبها اصلا عادي مافيهاش اي حاجة وبيبقي رأيي في نفسي عادي القهوة مش حاجة وحشة يعني
ممكن اسالك
انت اشتغل قبل كده ولا لاء
ولو اشتغلت اشتغلت ايه وفين ومرتبك كان كام
وصرفته فى ايه وعايزه بقى فاتوره بكل حاجه
ولو مشتغلتش مشتغلتش ليه وقاعد فى البيت بتعمل ايه
وبتاخد مصروف كام؟
والله لحد دلوقتي مااشتغلتش لاني عندي دراسة طول السنة ودراستي صعبة جدا لكن في الاجازة لن شاء الله لو في شغل كويس مفيش حاجة هتمنعني
يااااااااااااااااااااه ايه الاسئلة الكتيرة اوي دي حرام عليكو كفاية ضيعتولي الدماغ اللي كنت عاملها ههههه

نبدأ بقي تصويت جديد انا بختار فجر ومحمد

خلاص يا احمد كفايه عليك كده

ويلا نرشح حد تانى

1- اسلام

2- ابو احمد

3-ام يوسف

4-روز

وانا برشح ام يوسف

ومتستعجلش يا احمد انا هاقعد علىالكرسى يعنى هاقعد

وكل اللى هنا هيقعد ويتسال

وهيجاوب غصب عنه

معلش نسيت ارد علي ام يوسف طبعا عشان يوسف ما يزعلش
انت ليه بتحب ماندي مور انت وانتيمك؟
طبعا لان ماني تتحب ام كنتش احبها بس احب مين .....
هو مش اوي كده بس هي ممثلة زيها زي اي حد

ام يوسف

» غرفتك تحت كرسى الاعتراف
» كرسى الاعتــــــــــــــــــــــــــــراف !!!!!!!
» اسحب كرسى واطلب كوباية شاى واتفضل
» لعبه نعم او لا
» لعبه الاســـــــــــــــــــــــــامى