دعوة للإيجابية (رابطة شباب العمار)

تذكير بمساهمة فاتح الموضوع :

السلام عليكم ورحمة الله وبركاته

الحمد لله رب العالمين والصلاة والسلام علي سيدنا محمد عليه وعلي آله وأصحابه أجمعين

أما بعد ...

يجول في خاطرى منذ فترة ليست بالقليلة بعض الأفكار والتطويرات والتي تهدف إلي خدمة

أنفسنا كشباب وخدمة بلدنا الغالية العمار

أعتقد أن منتدي شباب العمار قرب عقولنا وثقافتنا وأيضا قلوبنا من بعضها البعض

ولكن ماذا بعد ذلك ؟؟

هل يعقل أن نكون أبناء قرية واحدة ونكون في هذه الحالة من التواصل المستمر بدون أي

إستغلال لهذا التواصل

بمعني يعني إحنا المفروض نستغل التواصل اللي بينا ونترجمه لحاجة ملموسة

حاجة نقدر بيها نعمل حاجة

أو علي الأقل نكون يد واحدة مع بعض علي أرض الواقع

نتفاعل بالشكل الصحيح ونستغل تجمعنا بشكل صحيح

ولهذا أنا أقترح عليكم هذا الإقتراح

وأعلم أنها فكرة قد تجد الرفض التام .ولكن علي رأي المثل يصابت ياتنين عور مبسوط

أنا بقترح عليكم إننا مع بعض نكون جمعية إجتماعية نطلق عليها

جمعية شباب العمار

نتفاعل من خلالها بشكل جيد وبتواصل أكبر وبتأثير حقيقي في مجتمعنا المحيط

أعتقد اننا لو إتفقنا علي هذا هيكون فعلا لينا تأثير وكيان حقيقي في بلدنا ونقدر نخدمها بشكل سليم

فهل من مؤيد وهل من معارض

منظر أرائكم وتفاعلكم

.................

طيب ليه عايزين أراء

هو أنتى مش من شباب العمار ولا أيه ..؟

اسف يأم يوسف معلش إحنا إكمننا بنعزك إنتي ويوسف فبنحب ننغشكوا ههههههههههه

لازم يرتش كل الشباب يوفقوا ويكونوا معانا ونبدأ علي طول

زائر

هااااااااااااا وصلتوا لفين

يا أم يوسف كان فيه واحد امبارح بيجيب في سيرتك في المنتدى وقال انك نقلتيله العدوى..
[ندعوك للتسجيل في المنتدى أو التعريف بنفسك لمعاينة هذا الرابط]
وقال انه عايز مصل ضد العدوى...هههههه
هو عيان دلوقتي والفيروس اللي انتقله قلب كل الموضوعات لشات...ا
انا زعلان ..
اهئ اهئ اهئ..

صحيح..
ايه رأيكوا ابقى مسئول في الجمعية عن توافر الادوية اللازمة لعلاج الفقراء ؟؟؟

حبيبي هو دا الكلام مش تقولي عدوة وعايز تقلبهلنا شات

زائر

عارف انت كنت هتتقطع بس انت لحقت نفسك وقلت انك هتوفرلنا الادويه

يلا مسمحاك على موضوع العدوى بس متتكرش

وربنا اقلبكم المواضيع كلها دردشه

مش قلنا انت الامير

ـــــ

ايوة كدة هى دى الافكار

وعلى فكرة لو الادارة المسئولة عن أصدار الجمعيات الخيرية وجدت ان فية تشابه فى الاهداف بينها وبين جمعية تانية فى نفس البلد او المنطقة

بترفض الجمعية ...

يعنى لازم يبا فى اهداف مختلفة تماما عن اهداف اى جمعية فى العمار

وانا بقترح لاعمال الذكاة ومساعدة اليتامى

مساعدة اليتامى دى بأ تحتها حاجات كتيرة أوووى

زى المنتديات الثقافية يا عادل والتشجيع على التعليم وتنمية المهارات وغيرة كتير

ان شاء الله معاكو وهحاول اقدم اقتراحات جديدة من ناحية جلب اكبر كمية من الدواء ومن ناحية الاعمال الخيريه التانية..
هتعرفوا كل حاجة في وقتها....ده انا عبقري...هههههههه.....
فكرت وتكتكت ...بس انتوا ورونا الهمة...

زائر

ريتش انت بتقول ان لازم يكون للجمعيه نشاط جديد غير الموجود فى البلد

وقلت انها تكون لمساعده اليتيم طيب كده النشاط مش جديد لان فى جمعيه كفاله الطفل اليتيم هنا تقريبا بيديرها الحاج عفيفى خليل انا مش فكره الاسم بالضبط بس فى النشاط ده

علي العموم الموضوع إحنا هندرسه كويس وكل الحاجات دي بسيطة
لكن الأهم إننا فعلا نكون إيد واحدة ويكون لينا هدف واحد وهو مصلحة بلدنا

تمام

بس أنا بقول مساعدات ....كتيرة بأ

وسواء كانت مساعدات أجتماعية أو مالية أو ثقافية

وبعدين دا هدف من الاهداف بجانب أهداف كتيرة أووى أحنا ممكن نعملها ان شاء الله

بإذن الله بس عايزين نشوف بقي مين معانا

مين عايز يكون ليه دور في خدمة بلده ؟

مين عايز يكون إيجابي ؟

هو دا الكلام يعادل وهي دي الإيجابية ..........

تصدقنى أنى قولتلك أن سبب أبتعادى عن المنتدى فى الفترة الى فاتت
دا كان بسبب أن مافيش تفاعل بين الأعضاء ياشباب دى منتدى يمتلكه شباب واعى
ذو فكر أكثرهم من أبناء بلد واحد أزى يبقى كل العلاقات والأرتباطات اللى بينا
عبارة عن رموز يسودها الغموض وعلينا فك الشفرات
وبدل الحوار الهادف البناء اللي المفروض يكون بينا إتجهنا أتجهات أخرى
مين العضو ده والبنت دى بنت مين وأزى دا بيترسم عليا
أه أصلو تبع رئيس المنتدى لاء ياعم دى مشرفة فى السر وهكذا أعذرون للأطالة
وأنشاء الله بكرة هاقدم مشروع التخرج وبكده أعتبرونى أنشط عضو معاكم فى الجمعية
ومدمنا مؤمنين بالفكرة يبقي إن شاء الله هننجح ونحقق اللي الأجيال اللي قبلنا مقدروش يعملوه
بالتوفيق يجماعة

تسلم يأبو حميد علي الكلام الجامد ده وإحنا الحمد لله مؤمنين بالفكرة وإن شاء هتتنفذ هتتنفذ

وإيدك معانا بروحك الإيجابية الجميلة دي ومنتظرينك بكرة إن شاء الله

يشباب ويابنات بلدنا إنتو فين مترددين ليه خايفين من أيه ليه منكنشي أيد واحدة بجد

ليه منبدأشي صفحة جديدة في تاريخ بلدنا نكون فيها إحنا الفرسان

نكون فيها رجالة وبنات إيجابيين ولا خلاص غرقنا في السلبية ومش قدرين نطلع منها

ولا خايفين تحلموا . ولا مش واثقين في نفسكم . ولا معندكوش أي أمل في غدا أفضل

فين روحكم الجميلة . فين همتكم العالية . فين ولاد بلدنا

الفكرة مش مستحيلة وهتتنفذ بإذن الله

وكل اللي عايزينه هو إنكم تكونا معانا اديكم بإدينا نخدم بلدنا سوي ونعيش حلمنا مع بعض

منتظر تفاعلكم . منتظر حماسكم . منتظر أحلامكم . منتظر كلمة إحنا هنكون إيد واحدة

منتظركم يشباب بلدي

انا معاكو

لانى هافدكم لانى اخصااااااااائى اجتماااااااااااااعى

انا معاكم بس تسمعو كلامى

مش عارفه ليه اخرتنا معاكم هنشدونا وراء الشمس

ياله هنشوف اخرتها معاك ياعادل شكلنا هانقضى نهايه عمرنا هناك

على العموم انا معاكم بجد مش بهرج وهكون متابعه معاكم على طول
وهقدم اللى ربنا يقدرنى عليه معاكم بجد

ودة مش كلام دة كلام رجاله قصدى بنات رجاله اه اصل حد يفهمنى غلط

الموضوع عادى ومصرح بيه

ــــ

ماشاء الله فى تزايد ميزو والطير

ننتظر أقتراحتكم عن الاهداف

علي رأي المثل الجدعنة مبتتشحتشي

كل اللي إحنا طلبينه إنك يكون ليك موقف سواء بالرفض أو القبول

لكن تفضل طول عمرك سلبي هامشي ده إحنا بنشفق عليك منه

أيها الاخوة الكرام

نحن ننتظر المشاركة الفعالة ولو بالرفض مع توضيح أسبابه

لكن لازم تتكلموا ومتفضلوش كدا تتفرجوا من بعيد

ننتظر إيجابيتكم

على فكره الموضوع جامد جدا والفكره أحلى

أنا طبعا مؤيده ميه ف الميه بجد الواحد نفسه يعمل حاجه يحس بيها انه له قيمه
أحنا طول فتره ألاجازه الصيفيه مبنعملش حاجه وخاصه البنات يعنى بيقتصر عملهم على ألاعمال المنزليه فقط
بس لو فعلا أصبحت فيه جمعيه زى ما بتقول بجد الواحدعمره ما يحس بأى ملل وكمان الواحد يحاول يخدم بلده
يا جماعه الفكره حلوه لوسمحتوا كله يأيدها وان شاء الله هيبقى مشروع كويس جداااااااااااااااااااا

هو دا الكلام وهي دي الايجابية يأخت دهب

مرحلة إبداء الرأي ماذالت مستمرة

تريد المذيد من الاراء سواء بالرفض او بالموافقة

المهم تكون ايجابي وتقول رأيك بصراحة

ها وصلنا لحد فين

ماذا بعد...؟

الأول السلام عليكم

ثانيا كويس اوى أننا رجعنا نقول تانى هنعمل ايه لبلدنا

طبعا كلنا عارفين احنا اتكلمنا قد ابه فى الموضوع ده

كتييييييييييييييييييييييييييييييييييييييييييييييييييييييييييييييييير

(اول حد كان ام يوسف وبعدين ميشو قال وكمان أم مريم وعمرو امام)

وكنا برضه بنبقى متحمسين جدا بس مع الأسف بنبقى زى الطلبة أول السنة بتبقة متحمسة

وبعد اسبوع بنام فى الخط ونكسل

المهم ياريت منتكلمش كتير ونبدأ الجد لو فعلا هنعمل حاجة وانا طبعا معاكم لأنى مقدرش

ما اشاركش فى حاجة كويسة للبلدى

بس يارب ميلقاش الموضوع مصير اخواته

اقتباس :

كل اللي إحنا طلبينه إنك يكون ليك موقف سواء بالرفض أو القبول

لكن تفضل طول عمرك سلبي هامشي ده إحنا بنشفق عليك منه

ماأجمل الفكره وعارضيها ومؤيديها

لكن ...............................

يعني حضرتك منتظر ان حد يعارض.......لا طبعا!!..........لأن كله ماشي مع الموجه وبيقول هوه انا هخسر

ايه.............وساعة الجد الكل بيدعي انه مشغول او ماينفعش......

يعني لو كل المؤيدين في المنتدى _مفيش معارضين لانها فكره مثاليه_ تم دعوتهم في اجتماع لوضع الخطوط

العريضه للفكره ياترى كام بنت وولد هيحضر الاجتماع.......محدش يتسرع...نفكر بالعقل

ثانيا...عرض الفكره مش كامل مع احترامي لقلم عادل..........

لان الفكره عرضت قبل كده وبنفس الاسلوب وكانت تقريبا نفس الردود........والكل عارف مصيرها كان ايه

بصراحه_اي نعم انت مؤمن بالفكره وعايز تنفذها_ مفيش في الموضوع شيء يدل على خطوات جديه سوى رد

ريتش مان ..........

عادل.......انت اكثر الناس حماس للفكره فكان لازم تكون مرتب لها كويس ومخطط لها كمان

وتوضح لنا بعض الخطوات دي مثل نظام الجمعيه والاهداف والاعضاء وتوضح اهم شيء وهي الكوادر اللي هنمشي

وراها.........اي شيء يدل على ان الموضوع ده مختلف المصير عن اللي قبله

أخيرا.......لاحظت في بعض الردود لمحات للهزار وعدم الجديه في الكلام .......بس ده مش غريب!!!!
اتمنى ان كلامي ميضايقش حد

وشكرا لسعة صدركم

ان شاء الله يا سوكر المرة دى بجد
الفكرة فى مرحلة الاعلان ..وزى ما انت قولت هايبا فى أجتماع للاعضاء أو بعضهم ..
لوضع الاسس للجمعية دى ..
ولازم فى الاول الكل يعرف انى فى فكرة مطروحة الاول وبعدين التنفيد ..يعنى مث هاننفذها
أو حتى نبدا فى التنفيذ وبعدين نبدا نعلن عنها ..ودا كان راى عادل
وان شاء الله خير

» تعاون جمعية شباب العمار بالعمار & رابطة أبناء العمار بالكويت
» دعوة عامة من مدرسة العمار للتعليم الأساسي ل منتدي شباب العمار
» دعوة حضور ... الي شباب منتدي شباب العمار
» رابطة شباب العمار للعمل الإسلامي
» دعوة لمنتدى شباب العمار