منك لله ياهو جين .. أنت السبب ....

السلام عليكم ورحمه الله وبركاته ...

بجد حاجه تقرف ومنظر بقى خلاص عاده وطبيعه فى ولاد بلدنا ...

العنوان غريب .. والاكيد ان الجميع بيسأل مييييييييييييين (هو جين ) ده هو جين تاو هو الرئيس الصينى ..

الموضوع وما فيه الموتسيكلات الصينى اللى بقت منتشره فى كل مكان يمكن اكتر من البشر أنفسهم حاجه غريبه

جدااا والغريب مش فى انتشارها حاشا لله ربنا يكتر .. الغريب فى الطريقه اللى بيسوق بيها شبابنا الموتسيكلات دى ..

حاجه غريبه جداااا فى وسط البلد وتلاقيه طاير بالموتسيكل مش ماشى وكأن لا فى اطفال ولا نساء ولا رجال

كبارسن ولا اى حاجه المهمه هوه يستعرض عضلاته ويبين انه سائق ماهر ... هوه ده المهم ..

امبارح بس كان فى شاب روش طحن من شباب الموتسيكلات دى ومعروف جدااا بسرعته الجنونيه ده باعتبار ان

السرعه بس اللى مجنونه مش حد تانى ..!!!!

المهم كان سايق الموتسيكل على سرعه رهيبه بجد انا كنت راجع من صلاه

العشاء صوت الموتسيكل رعبنى ووقفت مكان وهوه فى عز السرعه دى ولد خارج بيجرى ورا كوره وفجاه صوت

الفرمله المعروف فى الافلام العربيه ..

والحمد لله الولد محصلوش حاجه بس الحمد لله اكتر ان صاحبنا ده خد تهزيق

من ابو الولد على كيفك يعنى ..!!!

انا بجد لما شوفت المنظر قولت لا حول ولا قوه الا بالله ليه ديما بنعشق استخدام

التكنولوجيا المتاحه لينا خطأ .. !!

مش فاهم ..وقولت فى سرى منك لله يا( هو جين تاو) .. انت اللى عملت فيييينا كده بموتسيكلات الرخيصه جداااااااااااااااااااااااااااااااا ..

وللحديث بقيه مع الاستخدام الغير حضارى للتكنولوجيا الحديثه ....

السلام عليكم ورحمة الله وبركاته

العيب يا أخي ليس في التكنولوجيا ولا فيمن اخترعوها

ليتنا مثلهم نفكر ونبدع ونعمل حتي نرتقي ببلادنا ونعلو شأن المسلمين بين الأمم

انما العيب في من استخدم التكنولوجيا استخدام خاطيء

العيب في شبابنا في طريقة تفكيرهم في اهتماماتهم التافهة وعقولهم الخاوية

أين هؤلاء من صلاح الدين ولاخالد بن الوليد

ولكن مازال هناك الأمل

الأمل في نشء جيل جديد علي تنشئة اسلامية صحيحة

الأمل فيكم أيضا كشباب تعلموا ابناء جيلكم وتكونوا امامهم مثلا يحتذي به ويتركوا التقليد الأعمي للغرب وينظرون نظرة صائبة علي من حولهم ليجدوا من هم أولي باتخاذه مثل وقدوة

شموع الإيمان كتب:: السلام عليكم ورحمة الله وبركاته

العيب يا أخي ليس في التكنولوجيا ولا فيمن اخترعوها

ليتنا مثلهم نفكر ونبدع ونعمل حتي نرتقي ببلادنا ونعلو شأن المسلمين بين الأمم

انما العيب في من استخدم التكنولوجيا استخدام خاطيء

العيب في شبابنا في طريقة تفكيرهم في اهتماماتهم التافهة وعقولهم الخاوية

أين هؤلاء من صلاح الدين ولاخالد بن الوليد

ولكن مازال هناك الأمل

الأمل في نشء جيل جديد علي تنشئة اسلامية صحيحة

الأمل فيكم أيضا كشباب تعلموا ابناء جيلكم وتكونوا امامهم مثلا يحتذي به ويتركوا التقليد الأعمي للغرب وينظرون نظرة صائبة علي من حولهم ليجدوا من هم أولي باتخاذه مثل وقدوة

اخذتِ الكلام من على لساني ..

هذا ما وددت قوله .. بل إن الاخت شموع الايمان أبلغ مني ..

المشكلة انى معظم الى بيسوقو الموتسكلات دى
شغالين بيها على الموقف
وفى معظم الاحوال مبيسمعوش كلام حد
وعلى العكس ممكن يبقو غلطانين ويردو ويغلطو فى الناس
مفيش حل ليهم

شموع الإيمان كتب:: ولكن مازال هناك الأمل

الأمل في نشء جيل جديد علي تنشئة اسلامية صحيحة

الأمل فيكم أيضا كشباب تعلموا ابناء جيلكم وتكونوا امامهم مثلا يحتذي به ويتركوا التقليد الأعمي للغرب وينظرون نظرة صائبة علي من حولهم ليجدوا من هم أولي باتخاذه مثل وقدوة

السلام عليكم ورحمه الله ..

وبجد رد رائع منك اختى الكريمه ...

بالفعل الامل فى الله ثم فى تربيه وتنشئه اسلاميه خالصه ....

لابد ان يكون الاباء والامهات على قدر المسئوليه امام ابنائهم وان يكونوا المثل والقدوه لهم .. وان يربوهم على كتاب الله

وعلى سنه خير خلق الله صلى الله عليه وسلم حتى يكون لدينا جيل من الشباب الواعى المسلم الصالح ..يرفع من شان هذه الامه ...

اللهم اهدى شبابنا وبناتنا ..

موضوع رائع اخ ميشو احب اقولك ان بجنون ولد صغير واستهتاره خبط عمي الله يرحمه وهو رايح يصلي العشا في رمضان بالموتوسكل بتاعه بسسبب سرعته الجنونيه وقعد مريض بعدها لشهرين ومات الله يرحمه

بسسب التخلف في استخدام الاشياء واستخدامها استخدام سيء لازم يخصل اكتر من كده

حسبـــــــــــــــــــــــــــــــــــــــــــــــــــــــــي الله ونعم الوكيل
ربنـــــــــــــــــــــــــــــــــــــــــــــــــــــــــــا يهديهم

ايه ياعمنا مابلاش التقطيع ده
كده هاتوقف حالنا
بقولك ايه ياهندسة ماتيجي المعرض وتاخد موتيكل هدية وتحذف الموضوع ده وتعكسه خالص وتقول ربنا يكرمك ياهو جين
ههههههههههههههههههههههههه

بجد والله بتضايق جداااااا من اللي بيسوقوا بالسرعة دي لان احنا مش في طريق مفتوح احنا في قرية وفي اطفال وناس ماليه الشوارع

وللاسف معظم الناس دي بتعمل حوادث وتتبهدل لان حادثة الموتسكل بموته
بس تقول لمين مابتعظوش من اللي بيجرالهم وبيجرا لغيرهم
وياسلام لما يكون في فرح اتفرج بقي علي الشو اللي بالموتسيكلات وكله كام شهر والموتسكل يبوظ من اللي بيجراله ويجي يشتري غيره

mahmoud elbakry كتب:: بقولك ايه ياهندسة ماتيجي المعرض وتاخد موتيكل هدية وتحذف الموضوع ده وتعكسه خالص وتقول ربنا يكرمك ياهو جين
ههههههههههههههههههههههههه

والله وكمان رشوه على الهوا ومباشره كده ومسجله كمان مش فى الشهر العقارى لا فى منتدى شباب العمار ...

اشهدواا ياشباب ان المحمود موتورز بيقدملى رشوه علشان اغير مبدأى.....

المهم اجيلك امتى على المعرض بكره كويس .. هههههههههههه

هههههههههه
ياباشا انا ابعتهولك لحد البيت
ههههههه

زائر

اذا ذكرنا الشات ذكرت ام يوسف صح

موضوعك اتدمر ياهندسه ههههههههههه

اى خدعه العدوى اتنقلت بسهوله اهو ههههههههههه

خلاص الموتوسيكلات اتباعت
ومعظم الناس ال........
هما اللى بيشتروه وعشان جنونهم ده هيروحو × نكلة
ادعى لهم كما دعا رسول الله ( علية الصلاة والسلام )
اللهم اهدى قومى فانهم لا يعلمون
وصدق رسول الله

كنزى كتب:: اذا ذكرنا الشات ذكرت ام يوسف صح

موضوعك اتدمر ياهندسه ههههههههههه

اى خدعه العدوى اتنقلت بسهوله اهو ههههههههههه

هههههههه

والله مش عارف اقول العدوى وصلت فعلا ولا اليأس اتسرب لقلبى من انه مش ممكن موضوع يعدى من غير ما يتقلب لشات ..

وانا قولت اقلبه انا شات احسن ما ام يوسف تيجى هى وتقلبه ...ههههههههه

المهم الفكره بتاع الموضوع وصلت للناس والحمد لله ....

اسوأ حادثه ممكن يتعرض لها السائق هي حادثة الموتوسكل.......

اللي عايز اقوله ان اللي بيجروا بالموتوسكلات دول مفيش في دماغهم غير (الدنيا) عمره مافكر اانه

ممكن يعمل حادثه وممكن يموت او يموت حد وبيتصرف وكأنه هيخلد في

الدنيا...................المهم انه يلحق المشوار

ربنا يهدينا جميعا

ايه العناوين دى يا عم ميشو لأ بجد العنوان غريب وحلو

المهم علشان ميقلوش بجامل أدخل فى الموضوع على طول

موضوع الموتوسيكلات ده بجد بقى وحش أوى اه والله الواحد بقى يخاف يمشى فى الشارع

بتلاقيهم حواليك فى كل حتة وفى كل مكان وده ممكن يبقى طبيعى وعادى لكن لو اللى سايق

عاقل ورزين لكن دول معظمهم شويه شباب من اللى مضيع كل حاجة فى حياته

وزى ما بيقولوا مقطع البطاقة ومستبيع فيها وماشى كأن مفيش غيره فى الشارع على اخر سرعة

نقول ايه بقى ربنا يهدينا ويهديهم

منه لله ليه بس

الراجل يشكر انه موفرلنا حاجه زى دى بالسعر ده

حاجه كده على اد الشعب المصرى

مش ناقص بقى بيعتولنا جماعه صنيين يعلمونا ازاى نحترم نفسنا ونحترم الناس

ويعلمونا النظام ويعلمونا السواقه

احنا العيب فينا على طول

الراجل ده عسل وبيقول كلام زي العسل
ههههههههههههههههههههه
كلامك في الصميم ياحوده بجد والله

خلاص ياجماعة هانزل ناس في المعرض من الصين مع كل موتسيكل يعلموا الناس الادب

والله كلامك بجد مقنع يامحمود

ان لله وان اليه راجعون ...

حتى الادب يا أمه الادب عاوزينه مستورد ومن بره ....

زائر

هو منه لله بس

ده ربنا ينتقم منه

بجد حاجه تدمر الاعصاب

انت لوفكرت تخرج شويه من بيتك تغير جو يبقى جبته لنفسك بترجع بنى من التراب

ده غير السباق اللى بيكون بالموتسيكلات كل واحد من دول عايش دور الطيار وناسى نفسه

فى ايه ياجماعة ابيعو يعنى علشان الاذعاج هههههههههههههههههههههههههههههه

لو بعمل ازعاج ابيعو

وجيب غيرو هههههههههههههههههههههههههههههههههههههه

زائر

هههههههههههههههههههه والله مش بهزر

حرام بجد اكتر حاجه بترعب منها الموتيسكلات

انا بكون ماشيه متوقعه فى اى وقت حد يشوطنى من كتر ماهى كتير

لا وسبحان الله معظم اللى بيسوقوا عيال اطفال

الشارع عامل زى السرك شلبات وحركات وتراب ودخان ده الديكور لزوم الافلام الهندى وكده يعنى

والله حيوان كان هيخبط ماما من غبائه

خلونى سكته اصلى مفروسه

ال يعنى مفيش غيرهم بيعرف يسوق

طيب مااحنا كمان بنعرف

زائر

دول بقوا اكتر من الكلاب فى الشوارع

ههههههههههههههههههه وحشتنا تشبيهاتك والله يا مقنع انت خارج من الامتحانات

رااااااااااااااااااااايق ههههههههههههه

بس معاك حق والله دول اكتر من النمل على كيس السكر وبالمناسبة

كنت لسه النهاردة انا وواحدة صاحبيتى هنتخبط بالموتوسيكل لأنه ساعدته الشارع كان ضيق جدا

وهو ماشى على اقصى سرعة والمهم بقى كان فيه اطفال فى الشارع كمان

متعرفش والله الناس دى عقولها فين يعنى لما يموت طفل هيبقى مبسوط؟

الموتسكيلات كترة صحيح بس مش كل الناس بتستخدمها غلط

المهم ربنا يستر والتكاتك رخرره متسوقش فيها
هههههههههههههههههه
ماهى العملية ناقصة

زائر

دول بقول افراح فى الشارع
كل واحد عملك فيها روش و حاطت mp3 فى الموتوسيكل
و ماشى عايش الدور و رايق

انت فعلا عندك حق فى الكل الكلام اللى انت قلته

» اخر اصدار من ياهو 10
» ياهو تشتري مكتوب
» افتح اكثر من ياهو بدون اي ادوات
» ياهووووو اداه لفتح اكترمن ياهو فى وقت واحد
» مين السبب ؟؟