العبارة 98 وصرخات أهالى المفقودين...

برئ القضاء المصري اليوم الأحد في حكم لم يتوقعه الكثير من المصريين، صاحب شركة السلام للنقل البحري ممدوح إسماعيل وأربعة آخرين في قضية غرق العبارة المصرية "السلام 98" الذي تسبب في غرق نحو 1033 شخصا في سواحل البحر الأحمر خلال فبراير من العام الماضي.
وأصدر القضاء المصري حكمة بحبس قبطان العبارة صلاح جمعة ستة أشهر وكفالة 10 آلاف جنيه بتهمة التقاعس عن التوجه لإنقاذ ضحايا العبارة والتي غرقت خلال رحلة من ميناء ضبا السعودي إلى السواحل المصرية في فبراير من العام الماضي طبعا كلنا عارفين قصة العبارة دى.
وطعن النائب العام بالاستئناف على حكم البراءة للمتهمين خاصة المتهم الأول ممدوح إسماعيل الهارب خارج مصر وخمسة متهمين آخرين.
وقد وجهت النيابة الاتهام لـ 10 أشخاص في قضية غرق العبارة منهم 4 أشخاص انتهت الدعوى القضائية عليهم بسبب الوفاة إلى جانب 6 متهمين آخرين هم: ممدوح إسماعيل رئيس مجلس إدارة شركة السلام للنقل البحري ونجله عمرو نائب رئيس مجلس إدارة الشركة الهاربين إلى لندن وممدوح عبد القادر عرابي ونبيل السيد شلبي والقبطان صلاح جمعة ومحمد عماد الدين

أليست هذة تمثلية درامية قذرة أدمت قلوبنا ..
والله مانا عارف أقول ايه..
القضاء نزيه كل النزاهة ولا نشكك فية .. طيب العبارة كانت سليمة ..
ولا كانت خردة ..
طيب حق الاهالى دى فين وعند مين ..براءة .وكان شى لم يكن .
وكان ممدوح اسماعيل ارتكب مخالفة بسيارتة على الطريق ..دا اقل شى كان المفروض يقدموة لممدوح أسماعيل ..
الراجل ما عملش حاجة ..
سخافة الى ابعد الحدود ..أين حق الام التى غرق ابنها .وأين حق الزوجة التى غرق زوجها .
واين حق الارامل .وأين حق اليتامى ..
وأين ثمن الدماء المهدورة ..
حكم صادر بعد مرور سنة من الجريمة وينتهى بالبراءة ..
كان المفروض هذا الرجل كان يحاكم أمام محكمة عسكرية تنظم فور الجريمة .
ولا رافة ولا رحمة ...
أمال المدنيين اللى بيتحكمو اما المحاكم العسكرية دول لابهت التهم بيتحكمو ليه .
الراجل دا تسبب وأبنه فى مقتل وغرق 1033 نفس .. كدة ببلاش ..
لا حول ولا قوة الا بالله ..
هل نشكك فى نزاهة القضاء المصرى ..ام نقول بأن هناك اصابع خفية فى هذا المسلسل القذر ..الباهت
ولا الموضوع هايعدى زى موضوع المواد المسرطنة وغيرة من القضايا..

ههههههههههههههههههه
ياه انتوا لسه فاكرين موضوع العبارة

والله انا اكنت نسيته فعلا

القضاء مشغول بمرتضي منصور بس كفاية عليهم

ربنا ....................

كان الحكم فى القضية أمبارح ..

وكان طبعا بالبراءة..

بس ان شاء الله لسة فى أستئناف ..

الاستئناف الالاهي قادم باذن الله

والمنتقم هو الله

الله اكبر على الظالم

لا تنتظرو حكم محكمة ثانى درجة .مخالف لحكم محكمة اول درجة ..
فكلاهما محاكم .وان كان سيحدث أختلاف فهو طفيف .
ولكن نامل فى الله الخير دائما

اقتباس :: سخافة الى ابعد الحدود ..أين حق الام التى غرق ابنها .وأين حق الزوجة التى غرق زوجها .
واين حق الارامل .وأين حق اليتامى ..
وأين ثمن الدماء المهدورة ..

أعتقد يا رماد الموضوع أتغير دلوقتى والمحكمة أخدت حكم ضد ممدوح اسماعيل غيابيا

ويارب ده فعلا يكون أطفأ بعض نار أهالى المفقودين

اقتباس :: أمال المدنيين اللى بيتحكمو اما المحاكم العسكرية دول لابهت التهم بيتحكمو ليه .؟؟؟

فى وسط كل اللى بيحصل كل يوم واللى بنشوفه من ظلم بين وواضح

وكل السلبيات اللى فى حياتنا وانتهاك الحقوق والجور اللى حاصل

وسلب الناس حقهم حتى فى رغيف عيش نضيف يكلوه

ولو حتى حاف

ولسه هنسأل يا أخ رماد السؤال ده؟

مش ده هنا السؤال

السؤال أمتى هنتعامل على أننا بشر ربنا

خلقنا أحرار متساويين فى الحقوق والواجبات ونحس بأن

دمنا ليه ثمن ومش رخيص وبيضيع وسط متاهات احنا صغيرين

أووووووووووى فيها

عامة الحكم على ممدوح اسماعيل بسبع سنوات

غيابى بعد تبرأته فى 2008 ده أمر كويس ممكن يدعو للتفاؤل

والقضاء المصرى مازال الحمد لله يتسم بالنزاهة

هو فعلا تم الحكم عليهم من يومين بسبع سنين

هو طبعا حكم قليل اوووووووى عليه وعلى دم ولادنا اللى ماتوا

بس على الاقل طفى نار الناس اللى ولادهم ماتوا فى العبارة بعد

ماكان واخد براءة لان البراة دى كانت حاجة تموت من الغيظ يعنى

بس انا مش عارفة العيب فيييييييييييييين

احنا تايهين مش عارفين من الغلط ومن الصح ؟؟؟

حسبى الله ونعم الوكيل فى كل اللى بيظلم الشعب دة ؟؟؟؟؟؟

احنا على امل ان حد كويس يمسك البلد دى بقى

زائر

1000 ومتين واحد ماتوا = 7 سنين بس ..

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بأى ذنب قتلو....!!!

إذا غاب العدل فأنتظر اى شئ السرقة,القتل.الرشوة,الفساد..البذاءة.الولايه الظالمه.
وإذا وسد الأمر إلى غير أهله فأنتظر الساعة..

والأمر كله بيد الله ونحسبهم عند الله شهداء

زائر

قتلو بذنب الاهمال والبحث عن كثرة المال

واعتبار ارواح البشر اشياء ماديه قيمتها رخيصه

وفى انتظار ضحايا جدد واهمال جديد

طالما كل الموضوع بيخلص على 7 سنين او فى حالات تانيه برائه

يحيا العدل .....

اللهم أهلك الظالمين بالظالمين
اللهم أعز الإسلام والمسلمين
المهم إنه بعد النطق بالحكم يتم تنفيذ الحكم ويجيبوا ممدوح إسماعيل علشان ما يبقاش حكم علي الورق بس "حكم بدون تنفيذ "

» ماذا تقول لممدوح إسماعيل فى ذكرى غرق العبارة السلام ؟؟
» تنــــــــــويه عن المفقودين .حدش شافه ياجدعان ؟؟!!
» تنـــــــويه عن المفقودين(الناس دى تاهت)