الحكشبولي الصغير

الحكشبولي الصغير


فى يوم من الايام اللى مطلعتلهاش شمس
دخلت و احدة زى القمرمطعم شيك ومحترم
وكان معاها شنطة صغيرة فيها علبة صغيرة

دخلت و قعدت .... و قعدت تنده على المتر
بس بس بس انت يا متر

الراجل المتر جه و هو راجل محترم
ابن ناس كدة زيكوا بس الزمن جار عليه
واشتغل متر بعد ماعيلته فلست و باع عربيته
و متجوزش البت شلبية اللى كان بيحبها
المهم مش دة موضوعنا

قاللها : أؤمري يا هانم
قالتله : عايزة واحد سكلوب و واحد سلطة
قالها : بس كده
قالتله : لا و كمان عايزة 2 جوز حمام و 3 كيلو كباب وفرختين

الراجل عينيه و سعت و قال بس هنعمل شغل النهاردة

و قالها : بس كل ده كتير يا هانم انتى مستنية حد ؟

قالتله : لا الكباب و الحمام و الفراخ للحشكبوللى الصغير

الراجل بص للسقف وقال حشكبوللي؟

المهم قالها تحت أمرك

*****

الراجل مشى وعمال يفكر مين الحشكبوللي الصغير ده
انا مش شايف معاها حد

جاب الطلبات و مشى و قعد مستنى يشوف مين الحشكبوللي الصغير ده

الست قعدت تاكل فى الاسكلوب و السلطة و سابت الباقى لحد ما تخلص

الراجل قال اكيد لسه الحشكبوللى موصلش

المهم الست خلصت و طلعت العلبة الصغيرة و قعدت تدخل الاكل جوة العلبة
والراجل قاعد يتفرج ودماغه هتشت

الست تدخل الاكل و الاكل بيخلص و تدخل الاكل و بردة عمال يخلص
وهى تدخل الاكل و عمال يخلص

المهم الاكل خلص

خدوا بالكوا 3 كيلو كباب و 2 جوز حمام و فرختين

و قالتلوا
بس بس بس انت يا متر

الراجل راحلها بعد ما عينيه احوّلت وقالها : تحت امرك يا هانم

قالتله :
معلش اصل الحشكبوللي الصغير لسه ماشبعش
ياريت تجبلى كمان 3 كيلو حمام و 2 جوز حمام و فرختين

المتر قالها : انا تحت أمرك يا فندم...
و مشى وهو بيعرج و جاب الاكل و حصل نفس اللى حصل
و الست تدخل الاكل فى العلبة و الاكل يخلص

راحت ندهتة تانى و راح
الراجل قالها : اكيد الحشكبوللى لسه مشبعش اصل انا عارفة طفس

قالتله : وانت تعرفوا منين دة محدش شافوا قبل كدة
امشى يلاّ هاتلى 2 دستة جاتوة و فرووت سلات
و 3 ام على علشان الحشكبوللى الصغير عايز
يحلّي

*****

الراجل مشى و هو بيدعى على نفسه و يلعن اليوم اللى اتولد فيه
وقال عليّا الطلاق من البت شلبية اللى ماتجوزتهاش
ما انتى ماشية قبل ماعرف العلبة دي فيها ايه

و جاب الحاجة والست طبعا قعدت تدخل
الاكل العلبة لحد ما الاكل خلص و ندهت المتر
و قالتله : الحمام فين عايزة اغسل إيدى

الراجل ورّاها الحمام و قال بس فرصة افتح العلبة واشوف فيها ايه

المهم مكدّبش خبر و اول ما الست راحت الحمام راح يفتح العلبة

بيفتــــــــــــح العلبة و بص فيها

..
..
..
..
..
..
..
..


لقى حكشبولــــــــــــــــــــــــى صغيّر

[ندعوك للتسجيل في المنتدى أو التعريف بنفسك لمعاينة هذه الصورة]

عسل انتوا والله ههههههههه

أى خدعة ... كل سنة وانتوا معاكوا حشبكوللى (على رأى راماز هههههههه دى شوهت الاسم خااالص .. حشبكوللى إيه بس ف الحر ده .. اسمه حبشتغلكوا [ندعوك للتسجيل في المنتدى أو التعريف بنفسك لمعاينة هذه الصورة] وبيدلعوه بيقولوله حبشتكة .. تعالى يا حبشتكة روح يا حبشتكة كده يعنى ... مسيركوا تعرفوه ... وبعدين أى حاجة مش بتعرفوها يا بنات اسألوا اللى ف البيت ويوقولكوا :P :P :P متجوش تسألونى أنا ... هو أنا كنت جوا العلبة ولا حاجة عشان أعرف [ندعوك للتسجيل في المنتدى أو التعريف بنفسك لمعاينة هذه الصورة] )
[ندعوك للتسجيل في المنتدى أو التعريف بنفسك لمعاينة هذه الصورة]