حذاري من شراء هذا الجوال اللعين
والله جبته ماقعد معايا يومين على بعض ورجعته للمحل تاني بعد طلوع الروح
أولاً سعره 1600 جنيه مصري وهو لا يسوى 1000 جنيه
مميزاته
1- يركب عليه خطين
2- صوته عالي جدًا ومزعج جدًا
3- الشاشة تعمل باللمس
خذ عيوبه
1- أولاً الكاميرا بيقولوا إنها 3 ميجا بكسل وأنا على استعداد أن أقسم لك بالله إنها مثل كاميرا نوكيا 6600 (فيجا بكسل) رديئة جدًا ودا نصب من الشركة ولو جابو خبير في دقة الكاميرا حيقول نفس كلامي
2- الكاميرا الأمامية تعمل لكن ما فائدتها والعدة لا تشغل خاصية الجيل الثالث (المكالمات الفيديو لا تعمل عليها)
3- مفيش أي برامج أو ألعاب حتى الآن تتوافق معها
4- أخطر عيب في العدة هو إن صوت سماعة الأذن في الهاتف ضعيف جدًا .. والله كنت لا أسمع من يكلمني إلا عن طريق تشغيل الميكروفون (speaker ) واللي بيكلمني يسمع صدى صوت مع صوتي.
5- مفهاش قفل لوحة المفاتيح .. يعني ممكن تلمس الشاشة وتتصل بأرقام وتمسح ملفات وانتا مش واخد بالك
6- ملهاش شركة ولا مصنع ولا ضامن ولا أي حاجة ..يعني لو العدة أي حاجة باظت فيها سافر الصين ودور على اللي صنعها وسط 2 مليار صيني
مع العلم إني جربت أكتر من واحدة والعيوب كانت موجودة فيهم كلهم
العدة متحسش إن صناعتها في شركة صينية .. تحس إنها مصنوعة تحت بير سلم
طب والله نوكيا 6600 أجدع .. على الأقل (( نوكيا )) يعني شركة عالمية وينزل عليها برامج وثيمزات وألعاب واللي انتا عايزه ويوم ما تبوظ تلاقي اللي يعرف يصلحها ويوم ما تتخنق منها تلاقي اللي يشتريها منك.
ولا كلامي غلط يا جماعة؟؟
موضوع: عيوب الموبايلات الصينى 
الجمعة 24 أكتوبر 2008, 1:18 pm
