إطلالة على بعض إنجازات الجمعية الشرعية بالعمار الكبرى

الجمعية الشرعية لتعاون العاملين بالكتاب والسنه المحمدية
فــرع العمـــــــــــــــــــــــــــــــــــــــار الكبرى
مشهرة برقم 642 لسنه 1997م بمديرية التضامن الأجتماعى بالقليوبيـــــــــة
*************************************

أهداف وأنشطة الجمعية

أولا :- تم إشهار الجمعية في 21/7/1997م تحت رقم 642 لسنه 1997م

بمديرية التضامن الأجتماعى بمحافظة القليوبية

ثانيا :- أهداف الجمعية

1- كفالة الطفل اليتيم .

2- تيسير الزواج للفتيات اليتيمات والفقيرات .

3- عمل مساعدات اجتماعية للفقراء وكبار السن .

4- محو أمية الغير متعلمين وإعطائهم شهادة تأهيل

5- تحفيظ القرآن الكريم وإنشاء مكتب لذلك .

6- نشر الوعي الديني والثقافي بين أفراد المجتمع .

7- إنشاء المستشفيات لخدمة أفراد المجتمع الفقراء والأيتام بالمجان والباقي بأجر رمزي .

8- تيسير الحج والعمرة للأعضاء وذا ويهم .

ثالثا :- الأنشطة الحالية التى تقوم بها الجمعية والفروع حتى عام 2008 :-

1- كفالة الأطفال الأيتام عدد المستفيدين ( 2561 طفل يتيم )

2- مساعدات اجتماعية لكبار السن والفقراء ,, ,,, ( 365 أسرة )

3- مشروع تعليم التريكو والحياكة ,, ,,, (1500 فتاه )

4- مساعدات طلاب الجامعات والمعاهد والمدارس ,,, ( 1695 طالب )

5- تيسير الزواج للفتيات اليتيمات والفقيرات ،،، ( 536 فتاه )

6- تم محو أمية الكبار على نفقة الجمعية( 336 أمى )

7- تم إنشاء مكتب لتحفيظ القرآن على نفقة الجمعية

8- إنشاء مجمع عامر الخيرى 3 أدوار على مساحة 1100 متر مربع وباقى 5 أدوار قيد الأنشاء

9 - بلغت ميزانية الجمعية فى عام 2008 م ( 3347764.74 )الأرقام بالمليون

رابعا :- مسئول الصرف والمتابعة للجان بالقرى المختلفة

1- ا/ مغازى عبد الوهاب عبد الرحمن الديب أمين الصندوق مشرف عام الطفل اليتيم ومجمع عامر الأسلامى

2- م/ عبد الوهاب محمد محمد البغدادى السكرتير مشرف عام مساعد ومنسق اللجان بالقرى ا

3- ا/ سامى محمود عبد المتعال مشرف عام المشروعات

4- ا/ شوكت تهامى محمد على مشرف الأرشاد والدعوة

والله ولى التوفيق

فضيلة الشيخ / إسماعيل على الجوهرى رئيس الجمعية

الشيخ / عبدالوهاب محمد البغدادى الأمين العام

مغازى عبدالوهاب الديب أمين الصندوق والمدير التنفيذى

*****************************************************

العنوان :- العمار الكبرى – مسجد القاضى بجوار مدرسة العمار الثانوية

تليفاكس :- 0132423272

اين الانجاز الذى تتحدث عنه ولو كان فى اى نوع من انواع الانجار كنا احنا الشباب اول من سمعنا به وبعدين انا اول مرة اسمع عن المسئولين السابق ذكر اسمائهم ولو كان لهم دور ايجابى كنا حسينا بيه وايه كمية الكبالغ اللى سيادتك بتكلم عنها دى ده اذا كان مشروع مرفق الاتوبيس الموضوع بتاعه دلوقتى موجود فى النيابة الادارية والاتوبيسين دول من فلوسنا اللى معاكو بقالها اكتر من 12 سنه واللى المفروض كانت عملت ارباح خمس اضعافها يلا حسبنا الله ونعم الوكيل فى كل ..........................

اقتباس :: اين الانجاز الذى
تتحدث عنه ولو كان فى اى نوع من انواع الانجار كنا احنا الشباب اول من
سمعنا به وبعدين انا اول مرة اسمع عن المسئولين السابق ذكر اسمائهم ولو
كان لهم دور ايجابى كنا حسينا بيه وايه كمية الكبالغ اللى سيادتك بتكلم
عنها دى ده اذا كان مشروع مرفق الاتوبيس الموضوع بتاعه دلوقتى موجود فى
النيابة الادارية والاتوبيسين دول من فلوسنا اللى معاكو بقالها اكتر من 12
سنه واللى المفروض كانت عملت ارباح خمس اضعافها يلا حسبنا الله ونعم
الوكيل فى كل ..........................

عجبي

هو معني إنك مسمعتش عنها أو عن الأشخاص القائمين عليها يبقي كدا الجمعية ملهاش إنجازات ولا ليها دور إيحابي

وكمان مش عارف إنت بتتكلم عن موضوع الأتوبيسات ومش مذكور في الموضوع إنه من إنجاز الجمعية

ليه بتحاول تسوء شيء جميل وهام جدا لمجرد جهلك بيه .. أعزك الله

طيب علي الأقل قول أنا عايز أشوف بعيني مش تقول حسبي الله ونعم الوكيل

قول إنتم مقصرين في الدعاية عن الجمعية وأنا هشارك معاكم في الخير ده بمجرد الإعلان عنكم

قول جزاكم الله خيرا عن فقراء وأيتام بلدنا وأنا معاكم في عمل الخير

قول ولو حتي كلمة شكرا

ولو إن هما مش منتظرين من حد كلمة شكرا لإنهم شغالين من أكتر من 15 سنة ومطلبوش من حد

إنه يقولهم شكرا

ياريت لو حماستك في الرد السابق حقيقية فبالله عليك تحاول توظفها في المساعدة في الخير

مش في تشويه عمل الخير .. تقبل ردي .. ودمت بالخير أخي الكريم

اقتباس :: اين الانجاز الذى
تتحدث عنه ولو كان فى اى نوع من انواع الانجار كنا احنا الشباب اول من
سمعنا به وبعدين انا اول مرة اسمع عن المسئولين السابق ذكر اسمائهم ولو
كان لهم دور ايجابى كنا حسينا بيه وايه كمية الكبالغ اللى سيادتك بتكلم
عنها دى ده اذا كان مشروع مرفق الاتوبيس الموضوع بتاعه دلوقتى موجود فى
النيابة الادارية والاتوبيسين دول من فلوسنا اللى معاكو بقالها اكتر من 12
سنه واللى المفروض كانت عملت ارباح خمس اضعافها يلا حسبنا الله ونعم
الوكيل فى كل ..........................

خير مثال للشاب الكول

مابيشاركش في حاجة ولا دريان بالدنيا ولا عارف اي حاجة وبيتكلم وخلاص

اقتباس :: الاتوبيس الموضوع بتاعه دلوقتى موجود فى
النيابة الادارية

بجد بجد انت شكلك متابع ومركز اووووووي طيب خلك جدع وخلص الموضوع ده
انا عارفك ادها وادود

السلام عليكم الاستاذ مسعد كل الكلام الاي حضرتك قلته مظبوط ميه بالميه وتقريبا كل الكلام ده كنت علي علم بيه بصفه دوريه وذلك لان كنت علي صله بحضرتك في الفتره دي وده عن طريق والدي في الفتره الاي كان بيفتش علي الجمعيه من وزارة الشئون الاجتماعيه وذلك لان الجمعيه مشهره من الحكومه وتقريبا في الوقت ده كان عندي تقريبا 17 سنه وكل الاسماء الاي ذكرتها كلها فعلنا اعرفها من فتره طويله وجهودهم واضحه طبعا انا قلت الكلام ده كله علشان الاخ الفاضل ابراهيم مصطفي شكلك متعرفشي اي شئ عن الجمعيه الشرعيه بالمره نهائيا انت مافي عليك عذر بس ممكن تسئل وتعرف كل شئ وممكن تروح مقر الجمعية وتسئل قبل ما تتكلم وشكرا

ا/أحمد منصور
ا/ محمود البكرى
ا/أبو سما
جزاكم الله خيرا
ويكفى الجمعية ردكم على الأخ ابراهيم مصطفى
ونسأل الله عز وجل أن نكون عند حسن ظنكم بنا
ويهدينا الى سواء السبيل

ابراهيم مصطفى كتب:: والاتوبيسين دول من فلوسنا اللى معاكو بقالها اكتر من 12 سنه واللى المفروض كانت عملت ارباح خمس اضعافها يلا حسبنا الله ونعم الوكيل فى كل ..........................

ا/ ابراهيم مصطفى

تذكر قول الله تعالى (ما يلفظ من قول إلا لديه رقيب عتيد) .. ستسأل عن هذا وتحاسب ..

ما قلته خطير .. واتهام أقل ما يقال عليه انه باطل ..

هى فين الفلوس دى اللى بتجيب لصاحبها أرباح خمس أضعاف بعد عشر سنين او حتى عشرين سنة ؟؟

هذه الاموال مفتوح لها كشف حساب فى البنك ولكل مهتم حكيم ان يطلع عليه .. واطلع عليه الكثير من الرجال الثقات ..

هذا بخصوص الاتهام الكبير فى المال ..

أما بخصوص الجمعية الشرعية

والتى يعمل من اجلها الرجال الاجلاء فى صمت وسكينة منذ 15 سنة ..

اين نحن من هؤلاء ..

انت فين يا ا/ ابراهيم من العمل ده

وانا فين من العمل ده

وفلان فين من العمل ده ؟؟

إذا كنت لا تريد أن تعمل .. فدع الناس لتعمل

جزاكم الله عنا خيرا يا كل القائمين على هذه الجمعية ..

جزاكم الله خيرا عنا وعن فقراءنا ومساكيننا ..

» الجمعية الشرعية بالعمار - مشروع إنشاء مجمع الملك القدوس
» عاجل : موافقة المحافظ على افتتاح مخبز الجمعية الشرعية بالعمار
» 15 مليون جنيه من الجمعية الشرعية
» أعضاء الجمعية الشرعية أخطأوا في حقي
» كشف حساب عن أنشطة مؤسسة عامرالخيرية بالعمار الكبرى