بشرى لأهالى العمار

بشرى سارة لأهالي العمار الكبرى

يسر مؤسسة عامر الخيرية بالعمار الكبرى

أن تهنىء أهالي العمار الكبرى بالتعاقد على شراء عدد اثنان أتوبيس ميتسوبيشى – ماركة هاشم باص سعة 33 راكب وذلك لحل مشكلة الموصلات بالقرية وذلك بالتعاون مع جمعية تنمية المجتمع المحلى بالعمار الكبرى

وذلك بمبلغ 400000 جنيه فقط وقدرة أربعمائة ألف جنيها مصريا لا غير . ساهمت جمعية تنمية المجتمع المحلى بالعمار بمبلغ 160000 جنيه فقط وقدرة مائة وستون ألف جنيها مصريا لاغير وقامت مؤسسة عامر الخيرية بدفع الباقي وقدرة 240000 جنيه مائتان وأربعون ألف جنيه مصريا لاغير .

علما بأن بناء مجمع عامر الخيري بالعمار وتشطيبه بتكلفة مالية قدرها 3000000ثلاثةملايين جنيه وشراء هذه الأتوبيسات هي باكورة الأعمال والمشروعات المشتركة بين المؤسسة ومنظمات وجمعيات العمار الكبرى لتنمية القرية وتكون بمثابة جسور الخير التي نلتقي عليها لرفعة أهالي بلدنا وخدمتهم .

وبإذن الله تعالى نتعهد أمام الله ثم أمامكم أن نساهم معكم في ثالث المشروعات الجديدة وهو مشروع النظافة بمشاركتكم معنا وليكن هذا هو مشروع عام 2009 بإذن الله .

وفقنا الله جميعا لما يحب ويرضى ولله الحمد من قبل ومن بعد على هذه النعم التي منّ علينا بها

انا بقالي كتير بسمع عن موضوع التوبيسات ده

امتي بقي هينزلو؟؟؟

بجد الواحد تعب من الموصلات

يااااااااااارب يكون حقيقه بجد

وشكرا يااستاذ مسعد عن المعلومات دي

ونتمني فعلا تنفيذ مشروع النظافه

لان البلد في حاجه اليه

قديمة اوي المعلومات ديه يا مسعد

بس شكرا علي المجهود

الجديد أن الاتوبيسات دى أن شاء الله هاتنزل من بكره والناس فى الانتظار

يلا هيصو عيش ونظافة ومجارى ومية ونور وأوتوبيسات كمان

أحمدك يــــــــــــــــــــــــــــــــــــــــــــــــــــــــــــــــــــــارب

بس مش كل حاجة نقول منصور ومؤسسة عامر ياجامعة سيبو الفضل لصاحب الفضل مع العرفان بالجميل

طبعا هو ده اللي بقصودة يا ميشو

وانا بحيك علي التوضيح

يارب تكون دى حقيقة مش كلام

والله الكلام دية صحيح والمفروض كونت انا مع الناس اللى رايحة تستلم الاوتوبيسين اللى هما نزلين العمار بسى القدر اقوى من اى شىء

انا سمعت النهارده ان الاتوبيسات نازله بكره

يااااااااااااااااارب

اخيرا هتنك علي السواقين

دول كانو مطلعين عيني والله ايوه كده هخرج بقي براحتي

واركب في المكان اللي يعجبني

الاوتوبيسات كانت بتلف البلد وعليها DJ والناس فرحانه ومبسوطه

بس يارب المشكله فعلا تتحل..............

انا ديما كنت بقول ان اكيد هيبقى في رد فعل للسواقين..........واكيد احنا كمان هنساعدهم

يا ربىىىىىىىىىى وانا اقول صوت ايه ده

ألف مبروك يجدعان

والسواقين يا بشمهندس يتصرفوا زى ما هم عاوزين المهم المشكلة تتحل

هما هيعملوا زى الجزاين ولا إيه؟؟

المهم يارب المشكلة تتحل

والله صحيح مواصلات بنها صعبة برضه

لكن بشفق على بتوع مصر بجد

تحيا مصر ..............ههههههههههههههههههههههههههههه

انا هركب جنب مستر سواق الاتوبيس لابلاش

اتوبيس عام 2000 ياجماعه موت ثلاثه من شباب العمار
يا ترى الاتوبيس المعدل السنا دى هيموت كام !!!!!!!!
هأ ......هأأأأأأأأأأأأأأأأأأأأأأأأأأأأأأأأأأأأأأأأأ...هأ

ياعم اركب الاتوبيس اللى كل البلد دفعة تمنة ومتركبش التانى............

يارب يكون اللى جايب الأوتوبيسات دى بوش المهم انى المشكله تتحل وما نستناش 3او4 ساعات وربنا يكرم البلد بناس كويسه تطلعها من اللى هى فيه آمين

الأتوبيسات وصلت بالفعل والحمد لله من قبل ومن بعد وجارى الترخيص لها وبإذن الله تعالى هى ملككم أنتم وأنتم المسئولون أمام الله للحفاظ عليها للصالح العام .
ونرحب بإقتراحاتكم لنجاح المشروع

قبل م الاتوبيسات تشتغل لازم تذبحوا ثلاث خرفان
خروف للعيد وخروف للرق والعبيد وخروف يتعلق
فى الاتوبيس على روح الشهيد.
ان لله وان اليه راجعون

اولا شكرا ليك على المعلومات
ثانيا المعلومة دى قديمة علشان احمد القماح قالة قبل كدة
ثالثا احنا بلد فقر من يومة وشكلهم بيكلو بعقلنا حلاوة
وشكرا********************

» بشرى سارة لأهالى العمار (مجلة نوار العمار)
» بشرى لاهالى العمار.
» بشرى لاهل العمار
» بشرى لاهالي العمار الكرام
» بشرى.