نريد ارائكم؟

اتوبيسان جديدان للعمل على خط العمار -القاهرة

فماهى ارائكم فى هذه الفكرة هل سيكون الاتوبيسان مؤثران ام لا

وما هى دلائلكم وتوقعاتكم

نسألكم المشاركة والادلاء بارائكم

أشكرك على طرح هذا الموضوع بالمنتدى
الموضوع مهم ومحتاج إدارة جيدة ومشاركة جميع العمار فيه لأنه ملكهم وهذه أول فكرة جماعية تم تحقيقها لأنها شعبية وتخص أناس كثيرون ومحتاج لرأى الناس اللى بتسافر وفى المشكلة .
ورأى أن الأتوبيسان سيحلان المشكلة من العمار لمصر ويجب أن تكون الرقابة على الأتوبيسات شعبية كل فرد مسافر هو مسئول عن الأتوبيس لأنه ملكة يحافظ عليه يدفع ثمن التذكرة لايتهاون مع السائق أو المحصل فى التحصيل ( المحافظة على الأتوبيسات مطلب قومى للعمار والرقابة عليها حق أصيل لكل عمارى )
ومشاركتكم الأن بالرأى مهمة جدا لقياس أراء الرأى العام حول هذا الموضوع
ويلا ياشباب العمار نشارك بالرأى والمشورة
وشكرا ياكابتن على فكرتك
والله الموفق

شكرا مسعد على المرور
وانا معاك فى رايك لكن الاتوبيسات سيكون لها سلبيات
ممكن نعرف ايه هيا

اعتقد ياكابتن انه هيكون مفيد فى الايام
الحالية فقط يعنى ايام الزحمة والكليات بس

أكيد دا مشروع جيد
بس فعلافى الايام الزحمة بس
يعنى معظم الناس مش هتستعملها طالما أنفرجت الأزمة
أكيد كلكم عارفين عشق ركاب العمار لتيــــــــــــــــــــوتا
مشكورررررررررررررررررررررررر ياكابـــــــــــــتن

مشكور على الموضوع بس هما بجد هايفيدوا

الايام دى (الزحمه يعنى)

الأتوبيسات هتفيد فى ساعة الذروة
وبعدين أنا رأى أن يعملاا على الخط من بنها للقناطر فى عدم وجود تكدس مرورا بالعمار طبعا
فى الفترة من العاشرة صباحا حتى الثالثة مساء لكى نحقق ايراد يسمح بشراء أتوبيس ثالث لبنها
وأنا بطرح السعر يكون 175 قرشا من العمار للقاهرة
وأن تكون البداية الساعة من 5.30 صباحا من العمار وأخر ميعاد من القاهرة 10 مساء وذلك فى فصل الشتاء وفى الصيف أخر تحرك من 11 مساء بالقاهرة
وفى وقت الأجازات صيفا أو شتاء يعمل على خط 12 أو رحلات
المهم إننا نجرب شهر أولا ونقيم التجربة بعدين
إحنا لسه جداد فى العمل ده
وبالآراء المفيدة سينجح المشروع
ومادمنا خايفين وحذرين إن شاء الله هننجح
بشرط وجود إدارة فعالة تراعى قياس الرأى العام أول بأول وتحل المشكلات فورا
و

هو سؤال واحد بس ممكن يهد الموضوع ده من أساسه

مع كامل تشجيعى للموضوع طبعااااااا

وكامل شكرى للقائمين عليه ...

ممكن اعرف خط سير الاتوبيسات ...

هل هيكون زى ما سمعنا عن طريق خط الحادثه وشلقان وغيرها ...

ولا الطريق الجديد اللى بيمشى منه السواقين دلوقتى ...

عن طريق خط الحادثه وشلقان

وهذا من علي لسان السواقين

والله اعلم

طريق الحادثه وشلقان وكمان هما اتوبيسات كمان
علي كده الواحد يسافر مشي احسن وأهوه كله رياضه

اقتباس :: طريق الحادثه وشلقان وكمان هما اتوبيسات كمان
علي كده الواحد يسافر مشي احسن وأهوه كله رياضه

ده السبب اللى بقول ممكن يجيب الفكره الارض وتفقد الفائده منها ...

وليه الاتوبيسات مادمت جايه للعمارومن العمار

متمشيش زى بقيه المواصلات من الطريق المختصر ...

لأ انا عندي كده احسن وابقي بكرامتي

بدل لما امشي لبرشوم واتبهدل

وكمان بجد كفايه السواقين وتنططهم علينا وكاني بشتغل عنده

كفااااااااااااااااااااااااايه

هذه مقترحاتى .. وقابلة للنقاش ..

* خط سير الاتوبيس من العمار مرورا بمحطة برشوم مرورا بالطريق الزراعى المؤدى مباشرة لأجهور الذى يمر على ترسا وصولا بالطريق السريع .. (رجاء تجنب طريق شلقان والوقف)

* يبدأ أول أوتوبيس من الساعة 5.5 صباحا حتى الساعة 10.5 مساءا

ويبدأ التوبيس الثاني من الساعة 6 صباحا حتى الساعة 11 مساءا

* أيام الدراسة يتم تحويل الاتوبيس لخط (القناطر-بنها) مرورا بالعمار من الساعة 11 صباحا حتى الساعة 3 ظهرا بشرط ان يكون فى تلك الساعة متواجد فى القناطر حتى يتجه إلى القاهرة .

* أرى أننا لا نحتاج إلا لسائق أتوبيس فقط ولا داعى للتباع أو الكمثرى بما فى ذلك تكلفة مضاعفة ..

* يعين لكل اتوبيس سائقان يتبادلا الوردية .

* لابد أن يعلم كل فرد فى العمار أنه مسئول عن الاتوبيس ولن تنجح الفكرة إلا إذا حافظنا عليه بأنفسنا ..

أيضا لن تنجح الفكرة إلا إذا أخذ خط السير المتعارف عليه حاليا كما قال الاخ احمد السيد سابقا ..

اقتباس :: أيضا لن تنجح الفكرة إلا إذا أخذ خط السير المتعارف عليه حاليا

خير الختام لكلام اكثر من رائع كعادته دومااااااا اخى عمرو امام ..

فعلا اقتراحك جميل جداا وهام اوى ويارب يتنفذ ....

وبالفعل لو لم يسلك الاتوبيسات الطريق المعتاد ...

من وجهه نظرى المتواضع لن تحقق الاتوبيسات الهدف الذى من اجله جاءت ...

اكيد الركاب هتجبره على الطريق اللى هيا عيزاه

الطريق المختصر طبعا اللى الكل عارفه

وكمان اكيد السوائق عايز يوفر فى الوقت وفى البنزين وفى كل حاجه

اينعم وفر ولا ماوفرش فى البنزين مش هتفرق معاه

بس الوقت اكيد يفرق معاه ومع الكل

والله هو مشروع جيد بس ياجماعة خط سير
الاتوبيسان لم يتحدد بعد وكل اللى بيتقال دلوقتى
اشاعات واكيد اللى منفذين المشروع ده هيعملوا
الصالح لاستمراره لا لفشله

والله هو مشروع كويس بس مش هينفع فى البلد علشان الاتوبيس عدده 30
والموظفين مش هتستنى عمرها لما الاتوبيس يكمل 30واحد والاتوبيس عمره ما هيمشى وهو ناقص

يبقى دلوقتى احنا ممكن نجمل كل الكلام ده فى نقاط محدده ..

اولا / مواعيد الاتوبيسات ...

ثاينا / خط سير الاتوبيسات ...

ثالثا / ثمن او تعريفه الاتوبيسات ...( الاجره )

رابعاااا / هل لو لم يكتمل الاتوبيس سوف يتحرك ام انه لن يتحرك الا كامل العدد

وننتظر الرد من الاستاذ مسعد الديب ...

بسم الله الرحمن الرحيم
ربنا أتنا من لدنك رحمه وهيىء لنا من أمرنا رشدا
صدق الله العظيم
بخصوص ماطرحة الأخ أحمد السيد والسادة الأفاضل الذين طرحو أرائهم
أتشرف بعرض الأتى على حضراتكم :-
أننا فى مجلس إدارة الجمعية ( جمعية تنمية المجتمع المحلى بالعمار ) شكلنا لجنة برئاسة الأستاذ/ محمد الطيب وكيل وزارة النقل سابقا
ومعه أفاضل كثيرون يمثلون كافة العمار بخلاف أعضاء مجلس إدارة الجمعية الذى أتشرف بالوجود فيه .
وإتفقنا على أن تقوم اللجنة المشكلة ببحث أفضل النظم لأدارة هذا المشروع من حيث
مرعاة الجوانب التى ذكرت بعضاها ومنها :-
اولا / مواعيد الاتوبيسات ...

ثاينا / خط سير الاتوبيسات ...

ثالثا / ثمن او تعريفه الاتوبيسات ...( الاجره )

رابعا/ طريقة تحرك الاتوبيس هل يتحرك كامل العدد ام العكس ومدة الأنتظار فى المحطة
وأفيد حضراتكم ببعض ماوصلنا إليه
1- مواعيد الأتوبيسات صباحا ( يبدأ العمل من 5.45 صباحا للأتوبيس الأول والثانى 6.15 صباحا
2- التعريفة من العمار للقاهرة 1.75 قرشا
3- خط السير ( لازال قيد البحث لدراسة أفضل الحلول لأننا نفسنا تحقيق أكبر إيراد من أجل شراء أتوبي ثالث لبنها )
4- الأتوبيس سيتحرك فى ميعادة دون إنتظار أن يكون كامل العدد لآنه مرتبط بمواعيد تحرك فى العمار والقاهرة
*****
المتفق عليه أننا سنجرب هذا الموضوع لمدة شهر وفى خلالها سيتم دراسة التجربة وتعديل الخطأ فيها
ونحن سنرحب بأرائكم
وسيوضع صندوق للشكاوى فى الأتوبيس ومن له راى يقوم بوضعة فى الصندوق وسيتم بحث الشكوى والأقتراحات للوصول إلى أفضل حل
*****
المهم أن نهتم بالمولود الجديد ونجافظ عليه
وكلنا معرضون لأن نخطا قبل أن نصيب
******
ونتلمس خطى الصالحين فى تعدد الأراء
رأى غيرى صواب يحتما الخطأ
ورأى خطأ يحتمل الصواب
******
كلنا نجتهد من أجل مصلحة العمار على قدر تنفكيرنا ولن ننجح إلا بكم
أرجو أن أكون وضحت بعض الشيىء من الكنترول
والله الهادى والموفق الى سواء السبيل
مسعد الديب

اقتباس :: خط السير ( لازال قيد البحث لدراسة أفضل الحلول لأننا نفسنا تحقيق أكبر إيراد من أجل شراء أتوبي ثالث لبنها )
4- الأتوبيس سيتحرك فى ميعادة دون إنتظار أن يكون كامل العدد لآنه مرتبط بمواعيد تحرك فى العمار والقاهرة

النقطه الاولى لابد ان تحسم وان تكون مثل الان

او الطريق المختصر حتى تكون اولى خطوات النجاح ...

اما النقطه الثانيه فهى هامه جدااا وبالفعل جميله

وسوف تشجع الناس ان يركبوا لانهم على ثقه ان

الاتوبيس سوف يتحرك حتى لو كان غير كامل العدد ...

والله هو كلام منطقى يا استاذ مسعد

بس هى فعلا هتبقى ورديتين ولا ورديه واحده
وهيبقى فى نظام ولا ...

إن شاء الله لا تقلقوا
والحمد لله العمار مليئة بالخبرات الأدارية التى تنجح القليوبية كلها
وثقوا فى قررارات إخوانكم
ونحن معاكم للصالح العام
وشكرا

الصالح العام

وليس مصالح شخصية

ماشى يا مسعد باشا احنا مش هنقلق ومستنين تحرك الاتوبيسات من الموقف وبنظام

ياريت نعرف دلوقتى الاتوبيسين دول هيبدؤا الشغل امتى
ولا احنا بنحل المشاكل قبل منشوف اساسها

» هام جدا عاوز ارائكم ؟؟؟؟؟؟؟؟؟؟؟؟
» قصة شاب من البلد عاوز ارائكم بجد
» عايز اعرف ارائكم بكل صراحة
» نريد جواباً يا أولي الألباب !!!
» لماذا نريد فلسطين دولة الان ؟؟؟؟