تحاجيب روعه فوق الوصف .

دي مجموعة من الربطات الإسبانش للبنات اللي بتحب إنها تلبس إسبانش بس في نفس الوقت بتحب الطرحة تكون مغطية منطقة الرقبة.. وعلى فكرة مجموعة الربطات دي بسيطة جدا وسهلة في التنفيذ بس أنتِ امشي واحدة واحدة زي ما إحنا هنقولك ولو أول مرة ما طلعتش الربطة مضبوطة معاكي جربي تاني وإن شاء الله هتطلع معاكي مضبوطة وزي الفل..
الربطة الأولى
1- هتجيبي بندانة قطن وتلبسيها بعد كده هتجيبي إيشارب طويل وتحطيه في منتصف رأسك...
[ندعوك للتسجيل في المنتدى أو التعريف بنفسك لمعاينة هذه الصورة]
2- هتجيبي دبابيس علشان تثبتي الإيشارب في منتصف رأسك... هتجيبي أحد أطراف الإيشارب وتلفيه حوالين رقبتك وتثبتي طرف الإيشارب بدبوس على أحد الأجناب.
[ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي اللي هتلاقيه في النهاية
[ندعوك للتسجيل في المنتدى أو التعريف بنفسك لمعاينة هذه الصورة]

الربطة التانية
1- هتجيبي إيشارب طويل وتربطيه كويس من الخلف وياريت الربطة دي تكون حوالين كحكة شعرك... هتجيبي الإيشارب التاني وتحطيه من قدام بطريقة مائلة بحيث إن جزء من الإيشارب الأولاني يبان وتربطيه من الخلف..
[ندعوك للتسجيل في المنتدى أو التعريف بنفسك لمعاينة هذه الصورة]


2- هتلفي أحد أطراف الإيشارب الأول حوالين كحكة شعرك مرة واحدة وتثبتي الطرف ده بالدبابيس كويس وتسيبي الطرف التاني علشان تعملي بيه ضفيرة... هتجيبي أحد أطراف الإيشارب الثاني وتلفيه حوالين رقبتك وتثبتيه بدبوس من على الجنب.
[ندعوك للتسجيل في المنتدى أو التعريف بنفسك لمعاينة هذه الصورة]
3- هتمسكي الطرف الثاني من كل إيشارب وتضفريهم مع بعض.. وتسيبي الضفيرة دي على ظهرك أو على كتفك..
على فكرة ممكن تبتكري حاجات تانية في اللفة دي زي مثلا إنك تحطي الإيشارب التاني بشكل ثابت على رأسك مش مائل بحيث إن جزء بسيط من الإيشارب الأولاني يبان.
[ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي اللي هتلاقيه في النهاية
[ندعوك للتسجيل في المنتدى أو التعريف بنفسك لمعاينة هذه الصورة]


الربطة الثالثة
1- هتربطي شعرك بالإيشارب من الخلف.. هتجيبي إيشارب تاني يكون لونه مناسب للون الإيشارب الأولاني وتحطيه في منتصف رأسك وتربطيه هو كمان من الخلف.
[ندعوك للتسجيل في المنتدى أو التعريف بنفسك لمعاينة هذه الصورة]
2- هتبدئي في إنك تلفي الإيشارب التاني حوالين كحكة شعرك وتثبتي اللفة دي بالدبابيس.
[ندعوك للتسجيل في المنتدى أو التعريف بنفسك لمعاينة هذه الصورة]
3- هتجيبي أطراف الإيشارب الأولاني وتربطيه حوالين رقبتك من الأمام.. على فكرة بالشكل ده ممكن تستغني عن الكوفيه الصوف اللي ممكن تلبسيها في الشتاء.
[ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي اللي هتلاقيه في النهاية
[ندعوك للتسجيل في المنتدى أو التعريف بنفسك لمعاينة هذه الصورة]

دي كانت مجموعة بسيطة من الربطات الإسبانش اللي تغطي منطقة الرقبة..






مجموعة تانية من الربطات الإسبانش الجديدة والبسيطة والشيك كمان علشان تدلعي نفسك في العيد على الآخر..
الربطة الرابعه
1. هتجيبي بندانة صغيرة وتربطي بيها شعرك وتجيبي إيشارب طويل وتحطيه في منتصف رأسك بطريقة مائلة أو عادية بس أهم حاجة إن جزء من البندانة يبان... هتربطي الإيشارب على أحد الجوانب وتجيبي أحد أطراف الإيشارب وتحطيه على رأسك..
[ندعوك للتسجيل في المنتدى أو التعريف بنفسك لمعاينة هذه الصورة]
2. هتجيبي دبابيس وتبدئي تثبتي طرف الإيشارب على رأسك بطريقة مائلة.. وتمسكي الطرف الثاني من الإيشارب وتلفيه على الجنب بطريقة فيها كشكشة مثلا أو على شكل وردة وتثبتيه بالدبابيس على جنب.
[ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي اللي هتلاقيه في النهاية
[ندعوك للتسجيل في المنتدى أو التعريف بنفسك لمعاينة هذه الصورة]

الربطة الخامسه
1. الربطة دي محتاجة يكون عندك إيشارب كبير جدا زي (الشال) مثلا كل اللي هتعمليه إنك هتلمي شعرك كويس وتعمليه كحكة إلى أسفل... وهتحطي الإيشارب وتربطيه كويس من وراء وتكون الربطة أسفل كحكة الشعر..
[ندعوك للتسجيل في المنتدى أو التعريف بنفسك لمعاينة هذه الصورة]
2. هتجيبي أحد أطراف الإيشارب إلى الأمام وتحطيه على منطقة الجبين.
[ندعوك للتسجيل في المنتدى أو التعريف بنفسك لمعاينة هذه الصورة]
3. هتلمي طرف الإيشارب من فوق الكحكة مع عمل كشكشة بسيطة وتثبتيها بدبوس..
[ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي اللي هتلاقيه في النهاية
[ندعوك للتسجيل في المنتدى أو التعريف بنفسك لمعاينة هذه الصورة]


الربطة السادسه
1. هتجيبي بندانة وتلمي بيها شعرك.. وبعد كده تجيبي إيشارب تاني وتربطيه أسفل الكحكة.. وتبدئي في برم أطراف الإيشارب مع بعضها وتربطيها من الآخر كويس قوي
[ندعوك للتسجيل في المنتدى أو التعريف بنفسك لمعاينة هذه الصورة]
2. هتلفي أطراف الإيشارب حوالين الكحكة كذا مرة وممكن تلفيها كلها أو تسيبي منها جزء ينزل على الظهر أو على الكتف بس خدي بالك إنك هتثبتي اللي أنت بتلفيه ده بدبابيس.
[ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي اللي هتلاقيه في النهاية
[ندعوك للتسجيل في المنتدى أو التعريف بنفسك لمعاينة هذه الصورة]


وبكده تكون خلصت ربطات الإيشاربات بتاعتنا النهارده
ياللا بسرعة قومي جربي واعملي زيها
وابعتي قولي لنا على النتيجة كانت عاملة إزاي
و كل سنة وانتم طيبين وبألف صحة وخير


يخراشى على الحلاوه ايه القمرات دول
ههههههههههههههه
حاجه تفتح النفس للجواز

ايه ياقماح فيه ايه
انت ايه حكايتك بالظبط يعني

عايز تثبتلنا يعني انه حتي اهتمامنا بمظاهرنا مش فالحين فيه
:تؤتؤ:
وبعدين اساسا ياقماح يعني من وجهة نظرك
مفيش اعتراض علي الحجاب ده

يعني مفيش حد في المنتدي هايقول ده حجاب غير شرعي

تسلم ايدك يا احمد

وكويس ان انفتحت نفسك للجواز

ههههههههههههههههههه


تسلم يا قماح

بجد جميل جدا