السلام عليكم
اولا عودا حميد لى بعد غيبه طويله
ثانيا وحشتونى جدا جدا جدا
اليوم هنقدم صنف حلو لبنانى اسمه(قدرت قادر)سبحانه جل شأنه
اعذرونى هى اسمها كده
وهى تتكون من ثلاث طبقات
الطبقه الاولى
نجيب صينية فرن تكون مقاس وسط ونضع فيها كوب سكرونضعه على النار حتى يصير سائل كراميل يعنى
الطبقه الثانيه
نجيب 2كوب لبن بودره (لبن الحليب لايصلح)ونضع عليه 1 كوب سكر و2كوب ماء و1بيضه
ونضربه جيدا بمضرب البيض حتى تصير مثل الكريمه ثم نضعها على الكراميل بعد مانطفى النار طبعا
الطبقه الثالثه
نجيب 2بيضه وعلبة زبادى و1كوب دقيق و2ملعقة كاكو ونصف كوب زيت و نصف كوب سكروملعقة بكينج بودر
ونضربه جيدا بمضرب البيض ونضعه على طبقه الكريمه
نسخن الفرن ونجيب صينية فرن تانيه اكبر من اللى فيها الكيك ونضع فيها حوالى 1ونصف كوب ماء ساخن
زى حمام بخار يعنى ونسبهافى الفرن ساعه الاربع على الشبكه طبعا لان على صاجه الفرن على طول مش هتستوى
وبعد ماتستوى نضعها فى الثلاجه زى ماهى يعنى منحولش نطلعها من الصينيه علشان ماتخربش ومن غير صينيه الماء
وبعد ماتسقع نقطع منها وتوضع فى اطباق التقديم طبعا على الوجه اللى فيه الكراميل وبالهنا والشفا
وابقوا ادعولى
[/size]
موضوع: صنف حلو جديد خالص 
الخميس 08 يناير 2009, 10:17 am
