حاولت تزق الحيطة

حاولت تزق الحيطه؟

اكيد لا

اكيد عمرك ما هتحاول مجرد المحاوله انك تزقها

لانك عارف انك مش هتقدر تحركها من مكانها

اهي الحيطه دي بقي اعتبرها حلم حياتك

ما هو كلنا عندنا احلام نفسنا نوصللها

بس لو اعتبرنا الحلم هدف

يبقي ممكن نحققه

وبالاراده هنحققه

اتنين بيحبوا بعض

والظروف لسه مسمحتش انهم يرتبطوا رسمي

لو الشاب هنا حط البنت دي هدف عايز يوصلله

يبقي هيشتغل وهيطلع عينه كمان علي ما يوصللها

وهيوصللها

وساعتها هيكون حاول زق الحيطه

ولاد وبنات كتير شايفين ان اهاليهم متزمتين اوي

يعني بيقسوا عليهم دايما

وللاسف تسأل اى واحد او واحده فيهم عن السبب

يقوللك من غير سبب هو بابا كده عنده كل حاجه لا

بس لو كل ولد وكل بنت فكر يقعد يتكلم مع اهله بهدوء

حط التفاهم مع اهله هدف له

يحاول يقنعهم انه من جواه عارف فين الصح وفين الغلط

ساعتها ممكن موقف الاهل يتغير

وتزيد الثقه والتفاهم في نفس الوقت

ويبقي حاول يزق الحيطه

شاب حياته متأسسه علي المخدرات

يصحي الصبح ينزل من بيتهم علي المكان اللي فيه صحابه

ويفضل معاهم يشربوا مخدرات لحد باليل يرجع بيتهم

ينام ويصحي تاني يوم يعيد اللي عمله اليوم اللي قبله

وعلي كده تفوت سنين شبابه اللي هي المفروض احلي سنين عمره

علي الفاضي

وكل ده عشان هو شايف انه خلاص ميقدرش يبطل الادمان ده

شايف ان الادمان حيطه مبتتزقش

مع انه لو فعلا قرر يبطل اللي بيشربه ده

هيقدر ومش بس هيزق الحيطه

لا ده هيهدها

المخدرات حيطه
البطاله حيطه
غياب الثقه حيطه
الظروف حيطه

كل دي حيطان بنلاقيها في وشنا

واقفه بتستفز ارادتنا

رافضه تخلينا نكمل طريقنا

فينا اللي عمره ما بيفكر يزقها

وفينا اللي بيحاول عشان علي الاقل يبقي نال شرف المحاوله

وفينا اللي بيهدها

وهو ده اللي بيكمل طريقه زي ما بيحلم

ميـــــــــــــــــزو

بجد كلام جميل جداا جداا

بس بمعنى اصح تقدر تقول ان الواقع اللي احنا عايشينه هو الحيطه الحقيقيه

ياريت تقدر فعلا مش تزق الحيطه او احلامنا تخدنا لهدمها لا انا عاوز بس الحيطه ماتقعش عليا

واعيش انا وهي في سلام

موضوع جميل ياميزو تسلم ايدك

زائر

عن نفسى هحاول
بس يا ريتها فعلا متقعش عليه
مشكور يا ميزو

عندك حق يا أخ ميزو
احنا هنخسر ايه لو حاولنا نهد الحيطة دى
يا اتهدت يا متهدتش
لو اتهدن يبقى قدرنا نحقق أحلامنا
و لو متهدتش يبقى على الأقل اثبتنا ان احنا عايشين و لينا دور و كسرنا حاجز الخوف اللى جوانا
و طول ما عمرنا قاعدين و سايبين الحيطة دى تكبر
ازاى هنعرف انها ممكن تتهد

جزاك الله خيرا على الموضوع

بجد كلامك جميل يا ميزو
وانا عن نفسي بحاول من زمان ازق الحيطه
والحمد لله قدري ازق كتيييييييييييير
عقبال الباقي بقي ان شاء الله

موضوع جميل يا ميييييييييييييزو

متشكر لكل اللى ردوااااااااااااااااا

مرفوعـ

تسلم يا ميزو .
مواضيع هادمة .
هههههههههه
يارب أعرف أزق الحيطة ولا اهدها ، يارب .

» حاولت نسيا نك فنسيت حتى نفسي
» حكمة سقراط.. ((تذكر هذه الحكمة كلما حاولت أن تنشر أي إشاعة))