مشكلة الأهلي

تذكير بمساهمة فاتح الموضوع :

في مشكلة في الأهلي يا جماعة

الأهلي يا جماعة مستواه مش ثابت ببساطة لسببين
أولا طريقة اللعب اللي اتحفظت والجمل المكررة اللي الأهلي بيعملها اللي سهل جدااااااا أي مدرب بيفهم يوقفها لان بجد أي حد بيفهم كورة لازم يعرف ان الأهلي أسلوب لعبه بقى محفوظ وجوزيه لازم يحاول يغير

ثاينا الأهلي مش عارف يثبت تشكيل وده ببساطة لان الأهلي عنده نجوم كتير ولعيبة كتير كويسة
وده زي ماهو نعمة بس نقمة في نفس الوقت
يمكن الخط الوحيد اللي مافيهوش مشكلة هو خط الظهر ما انه أكتر خط محتاجين فيه لعيبة لان عمنا شادي تقريبا نسي الكورة من كتر ما بيطلع في البرامج والكابتن وائل حول كراتيه وكل ماتش لازم يضرب ويعور واحد وينطرد والبيه أحمد السيد حبة فوق وحبة تحت ومحمد سمير لسة صغير ورامي طبعا خلاص مش هيلمسها تاني مادام مستر مانويل موجود

الأهلي لازم يغير سياسته في شرا اللعيبة اللي هي أي لعيب كويس أجيبه وتبقى أنا محتاج إيه وأجيبه

بالراحة شوية يا keshoshoma

هي نمرة 000000000061 دي موبايل ولا إيه بالظبط

خليها بالنداء الآلي أوفر 09006161

سعر الدقيقة للزملكاوية 10 قروش بس
الحقوا العرض ده

قائمة الأهلي لماتش السوبر أعلنت وبتضم 18 لاعب كالتالي:

أمير عبد الحميد ورمزى صالح وشادى محمد وأحمد السيد ووائل جمعه ومحمد سمير وسيد معوض وجيلبرتو ومحمد بركات وأحمد صديق وأحمد حسن وحسين على وأحمد فتحى ومعتز إينو وحسام عاشور وأحمد حسن فرج وفلافيو وأسامه حسنى

وبكده يخرج أبو تريكة وحسين ياسر المحمدي وبلال والعجيزي
أنا شايف ان في لاعيبة ممكن تعمل فرق جوزيه ما ضمهاش زي حسين ياسر اللي بجد ماخدش فرصة وبلال اللي هداف بجد رغم نزول مستواه
كان ممكن حد منهم يدخل بدل حسين على اللي مستحيل يلعب ولو بديل

ربنا يستر